<EnJoY LiFe 64> - Sam's Wedding
今日一早去左主愛教完跳舞之後就趕番屋企準備參加婚禮，
但石蔭路爆水管，要兜路行落一條街先有得搭巴士。
第一次親眼見到爆得咁勁咋，啲水係咁係個地下度湧出黎，
成條街浸晒，整個北葵涌街市仿佛變了水中城堡。
好彩返到屋企時間尚早，因為尋晚係中原地圖搵唔到估寜堂係邊，
所以搵多次，但係都係搵唔到。知道估寜堂個地址係 20-22 堅尼地道，
又見到合和隔離個幢野係 21-23 堅尼地道，就覺得應該係附近。
於是早九個字落樓，搭 10 號巴士去到合和行上去，
點知上到去搵唔到，打俾個同事先知自己去錯，
最後行番落皇后大道東搭的士去，不過都遲左少少。
因為遲左，坐得好後，都睇唔清楚，氣氛好似無之前幾次咁感人。
禮成後，落番金鐘，竟然撞到個同事，
佢搵左好耐先搵到，但已經遲左半個鐘，所以無入到去。
哈哈，原來我都唔係咁蠢，我個同事拎住個GPS電話都搵唔到。
最後睇番個地圖先知道原來 21 同 22 號都可以
一個係街頭一個係街尾，下次都係要睇清楚啲先得。
因為要等夜晚食晚，我地先去麥記食左個 lunch 先，
之後落左銅鑼灣一間 Cafe 坐，啲 Tea 好抵呀！
一杯大雪糕新地，加一杯大野飲都係 $32 咋，正呀！
夜晚食晚都無嘜特別，不過皇宛啲服務真係好差。
Anyway，祝福 SamSam 同佢老公仔百頭到老，永結同心。
唔好再好似個晚影相個陣咁，老公係隔離都"橋"錯左阿古隻手。 =D
That's my life! =D
VienneTTa 25-October-2008
-------------------------------------------------------------------------------
<歡欣> (今天聽了，很喜歡！)
歡欣心裡感謝神，歌唱，歸於聖父，
讚頌，你賜下慈愛獨生的愛子。
今天，心中剛強無懼怕，主的豐盛滿一生，
皆因主手曾為我顯深恩。讚美。