<EnJoY LiFe 62> - My First AJ Pick-Up
今日國慶假期，約左好朋友去睇 < 20世紀少年 >，
套戲嘅節奏都好慢，不過我覺得幾好睇，好多笑位，
好朋友就睇到呆晒，話唔知套戲想講咩，同埋係咁望錶，
第一次見佢睇戲睇到咁咋，好搞笑！
上星期日同霍公子係旺角行左好耐都搵唔到 Dunk High，
今日好朋友繼續陪我係旺角睇下有冇，
我地首先去左我之前 miss 左嘅瓊華。
竟然係間水貨鋪俾我哋發現我嘅 Dream Shoes！
我舊年第一次係沙田運動家見到，已經愛上左佢喇，
3M 既物料，加上粉紅色櫻花特別嘅設計，真係好靚呀！
但係因為當時嘅定價太貴，唔捨得買......
每次經過沙田運動家時，我都會入去探下佢，睇下有冇特價，
我都曾經試過著起佢，覺得好靚架，不過都係等再平啲先。
Nike Court Force Hi Premium SAKURA (夜櫻), $799
有一日，走入運動家，尋遍整個鞋架都不見了他的影踪，
十分失落......之後，係 Catalog 同旺角都曾經與他相遇，
不過好快佢又再次消失左.....十分十分失落......
好朋友當時曾經為我周圍尋找他的踪影，
卻找了我係 DMop 睇中左好耐而且又係有一日忽然間
消失左嘅 Adidas Vintage Superstar Crocodile。
今次巧合地，當我正努力尋找 Dunk High 嘅時候，
他又再次出現在我面前，好開心呀！
當時我沒有即刻決定買他，再去其他鋪頭逛逛先。
不出所料，見到對特價好平嘅 Dunk High，好抵，都幾靚！
Nike Dunk High White/Red,
$379
之後係間水貨鋪到見到對粉紅色幾特別既 Kid size Air Jordan I，
好朋友醒起之前係 Shooting Five 見過對仲靚啲，
於是我地就衝上去睇，隻色真係好靚呀，好鐘意，
試上去啱啱好著得落，本來想買對舒服啲嘅鞋，所以都係再諗諗先。
三對鞋都有佢優勝之處，好難決定，不過.....
最後都係買左對 Air Jordan 1 代，因為特別啲同型啲。
以下就係我第一對嘅 Jordan 鞋喇：
Air Jordan I, $849
對鞋真係好靚呀，兩隻色都係我鐘意嘅顏色，
結果買左番嚟，收埋左，唔捨得著添，點算好？
有啲想買多對鞋添，夜櫻都好想買呀，
不過對 Dunk High 又好抵，點算好呢？
That's my life! =D
VienneTTa 1-October-2008
-------------------------------------------------------------------------------
~ "Man is the artificer of his own happiness." - Thoreau ~