<EnJoY LiFe 44> - Aberdeen Country Park
今日原本要參加奧林匹克廣場的巡遊表演，
但係因為颱風既關係，廣場內設施需要拆卸，
巡遊表演亦遭取消了。
本來諗住今日跳好啲，再影多啲靚相，
不過無機會了，要等下一次表演喇......
表演取消了，天氣又咁好，當然要出去玩下啦！
最後，同阿妹近近地去左行香港仔郊野公園。
細個嗰陣婆婆住係鴨脷洲，
我地每逢星期六日都會過去搵佢飲茶，
仲經常行香港仔郊野公園。
今日重臨舊地，
只認得那裡的燒烤場，
只記得曾在水壩下嬉水，
對以下世外桃源的香港仔水塘真的一點印象都無有了~
(香港仔上水塘)
(勁呀！呢幅自拍架，仲要一 take 過)
(勁呀！行行下見到隻蝴蝶，想影多張都飛走左 lu)
(香港仔下水塘，仲有人係度釣蝦！)
以前非常艱辛嘅路程，
今日我地兩個鐘已經好輕鬆咁行完喇！
最後，反而係行落番香港仔條大斜路，行到好辛苦......
假日去郊野公園行下，享受下大自然，
呼吸一下新鮮嘅空氣，非常舒服！^_^
That's my life! =D
VienneTTa 24-August-2008
-------------------------------------------------------------------------------
綠蔭裏 草坡上
讓我胸襟一再展
拋開了心底倦 讓我走向大自然
在燦爛陽光裏面 看風箏慢慢轉
山光水色美而秀 願美麗莫污染