<EnJoY LiFe 26> - Half Moon Bay
天氣好好呀，今日跟阿妹同佢個 fd 啲同事去沙灘玩。
我哋一早出發，係西貢搭街渡入去半月灣。
第一次去半月灣，嗰度啲水好清，好少人，
我拎住塊大浮板游左出浮台，開始無咁驚喇，哈哈！
因為今日真係好好陽光呀，啲人係咁擁入黎，
下晝兩點開始成個沙灘都佈滿左人，
個浮台係迫滿左人架，
就算係水度，都成人俾人撞埋黎，
跟本游唔到，好彩我地一早入去游左幾轉！
最搞笑係，竟然係沙灘度撞到識嘅人，
仲好開心咁傾左一陣，好似識佢咁耐都無傾過咁多句。
以上係走嘅時候見到嘅壯觀情境，
仲有四個佬坐左係條防鯊網繩上面。
由於半月灣無淡手沖身，
我地搭船出番西貢運動場沖涼。
我排左好耐隊，最遲先有得沖呀，
係入面焗左成半個鐘桑拿咁，
成身出晒汗，超辛苦......
不過有得去沙灘玩都值得嘅！
Love the Beautiful Sea！
下星期日再去過沙灘先，哈哈！
 |
That's my life! =D VienneTTa 20-July-2008 |
-------------------------------------------------------------------------------
~ 人生就是要好好享受美好的每一刻 ~