<EnJoY LiFe 16> - Buffet Again
離上一次食自助餐嘅時間還不夠一個月，
我今日又同左飄躍社跳舞班人去粵海酒店食 Dinner Buffet。
因為去之前上 OpenRice 睇過，對今次嘅自助餐期望不大。
一去到，Carol話啲生蠔好正，
即刻去拎番兩隻，再加我最鐘意嘅青口。
啲生蠔都幾得，不過被那侍應的說話嚇怕了......
佢好友善咁周圍提醒大家："三文魚要同貝殼類分開放呀，
以防止交叉感染，大家最好唔好放咁耐，最好十分鐘內食晒啦"
之後 Carol 拎左一大碟焗蠔番黎俾大家食，
焗蠔配上了薯蓉，好好味！
呢度啲三文魚刺生都好正，一共食左成 12 塊，哈哈！
另外，兩舊芒果都好好味，個賣相好得意！
呢度有一樣野好特別，就係有一個熱盤嘅位會不段換一啲海鮮。
我食左龍蝦仔，燒蝦，象拔蚌仔，帶子，白鱔同埋炒蜆。
見到有聖子，蟹同埋魚，不過拎唔到....
除左生蠔，焗蠔，三文魚，芒果好好味之外，
其他野食都麻麻，啲點品係好唔得，
可能個 PanCake 會好啲，不過我無食到.....
That's my life! =D
VienneTTa 04-July-2008
-------------------------------------------------------------------------------
~ 天生我才必有用 ~