<EnJoY LiFe 14> - Family Day
落左成個星期雨，今朝起身見到個太陽出番黎，
即刻好想去沙灘同陽光玩遊戲，哈哈！
最後成家人一齊出發去深水灣！
係等車嘅時候，高樂有人高空擲物，
呯嘭一聲，好像是玻璃樽掉下的聲音。
當時好多人等車，好彩只是掉落簷篷，
否則一定好多人受傷。
個灘唔係好多人，幾好，可能啲人迫晒去免費泳池。
因為之前落左幾日雨，啲水都幾污糟......不過有得游水已經好開心！
今日好曬呀，我又黑左啲喇。
阿爸真係貪玩，佢係浮台上面唔知搞咩，
搞到踢爆左隻腳趾公，流左好多血.....
救護員話個傷口好深，要去診所/醫院打破傷風針，
不過阿爸話無事唔肯去打針，希望佢快啲好番啦！
走個陣見佢行到拐下拐下咁.....一定好痛......
我地游到五點左右就走 lu，費事阿爸自己一個等咁耐！
出到銅鑼灣，我地去左黃金廣場既一門食日本野，
啲野食都幾好味，我地四個人一共試左七樣野，可以再試！
That's my life! =D
VienneTTa 01-July-2008
-------------------------------------------------------------------------------
~ 有福同享，有難同當 ~