As drogas: ¡Drogas NO!
As prenzipals drogas son : opio, eroína, morfina, cocaína, LSD, canabis, tranquilizáns, sondiferos, estasis, anfetaminas, tabaco y alcol.
Todas, encluso l'alcol y o tabaco, creigan dependenzia (ye
dizir no se puede pasar sin prener toz os diyas una cantidá) y puede estar una
dependenzia sicoloxica u/y fesica .
D' igual maniera todas as drogas tienen efeutos
prechudizials sobre l'organismo :
Drogas | Efeutos sobre l'organismo |
opio, eroína, morfina | estremolezida ormonal, esferra cheneral |
cocaína | tosizidá bascular y cardiaca, edemas |
LSD | esbrunzes |
cannabis u xachís | baxada d'esfensas inmunoloxicas |
tranquilizáns, sondiferos | perda d'a iniziatiba motriz |
estasis | taquicardia, puyada d'a tensión alterial |
anfetaminas | ipertensión, anomalías cardiacas |
tabaco | infartos, trombosis, problemas respiratorios |
alcol | problemas basculars, dexistibos,... |
L' alcol y o tabaco son as únicas drogas legals n'Aragón,
ye dizir que a suya benda ye legal, lo que da a ro gubierno zentral granizos-as
esquimens en forma d'euros. As demás drogas son engalzadas debiu a que a suya
situazión d'ilegalidá chenera unos esquimens a os suyos bendedors que no son
recullitos por l'Estau.
As drogas produzen una falsa uforia momentania en qui as presa ta dimpués
menar-lo ent'a soledá, a depresión, a delincuenzia, o suizidio,...
Agora beyemos con más detalle ros efeutos que produzen
l'alcol y o tabaco :
L'alcol u esprito d'o bin
L'abuso d'alcol fa que aumente o reepunte a ro fluxo sanguineo y puede prebocar trestuques n'o traste zerculatorio y emorraxias.
Como se modifica ra fluyideza d'as binzas neuronals, o funcionamiento d'o sistema nierbudo ye estorbato. O gasto d'alcol fa trafegar entre un 30 y un 40% de sustanzia d'o zelebro.
L'alcol, en grans dosis, aumenta ro risque de penar infartos.
O gasto d'alcol aumenta dica 18 begadas o risque de contrayer mal minchador de boca, garganchón u albero. Antimás inibe a sorzión de bellas bitaminas bitals ta l'organismo como ra bitamina B.
A zerrosis epatica ye mui común entre ros alcolicos. Aparixen berras y nugolos que colapsan o figado y pueden causar a muerte .
O tabaco