原刊於《中大學生》116期，2000年10月

維園攻略

一

徐伯伯：「ｘｘｘｘ！（註一）港大鍾庭耀個條ｘｘ，攪
出咁大單o野出o黎，都唔知有乜o野陰謀！」
張婆婆：「ｘｘ！你響度o翕乜ｘ呀？」
徐伯伯：「你唔好話我話，個條友根本一早就已經勾結o左
民主派班ｘｘ，想藉依家特首俾o的小人打壓時插多一刀！
」
張婆婆：「你都痴線o既！阿鍾仔咁靚仔又點會耍陰謀呢？
而且依家港大個獨立調查小組都話阿鍾仔係正人君子啦！
」
徐伯伯：「港大個獨立小組？我ｘ！你知唔知佢地個頭頭
係洋鬼子o黎o架！班洋鬼子根本就想攪亂香港！o個個楊鐵
樑竟然委任個洋鬼子做調查，都唔知有乜o野居心！唔好話
我話，都唔知佢係唔係想搶特首個位o黎做！」
張婆婆：「食懵o左你呀！你唔好下巴輕輕響豎亂ｘo翕呀
。」
徐伯伯：「我亂o翕！你都唔知有冇睇報紙o既！全港其中
一份最多人睇o既《鏡報》都話，o個個鍾庭耀做o既所謂民
意調查，根本就係誤導市民！」
張婆婆：「你發乜o翕風呀？」
徐伯伯：「等我用雄辯o既事實o黎話比你聽！o個個鍾庭耀
只係響六百萬人中抽取五百人o黎問，跟住就話我地偉大o既
特首董建華只得一半市民支持，兒唔兒戲o的呀？拿！跟住
另一條漢奸竟然響立法會中引用呢個不知所謂o既調查報告
，企圖想打擊政府o既威信，你仲話佢地唔係早有預謀？」
張婆婆：「我話你先至冇睇報紙呀！o的報紙都話外國o既
統計學幾百年研究，都證明o左抽取五百個樣本o黎做抽樣
調查已經係非常準確o架啦，一o的統計學o既常識都唔知就
響ｘ度嘈喧巴閉，醜唔醜o的呀！」
徐伯伯：「嘻，好一招裏應外合，ｘ！我一早都話o個個係
一個大陰謀o黎o架啦！o個o的外國o既反華勢力響幾百年前
就已經咁ｘ猖獗！竟然做埋晒o的打擊特區政府o既研究！
o的外國人一直都唔想中國強大o架啦，依家打擊特首董建
華，即係打擊一國兩制！打擊中國統一全國o既偉大工程！
當年八國聯軍侵華……」

二

鍾叔：「喂老鄭，你上一次爭我o個o的麻雀數，你究竟想
幾時還呀？」
老鄭：「……我唔記得我有欠過你o的麻雀數喎。」
鍾叔：「o下？你條ｘｘ竟然想詐傻扮懵！你上個月同埋阿
黃伯上o左我屋企話要開檯，仲大口氣話要一晚『陰乾』我
添！點知你地兩個輸o左幾個開俾我，依家想詐死唔比錢呀
？」
老鄭：「……我唔記得有冇同你打過麻雀，亦都唔記得有
冇叫阿黃伯……總之我就記得我從來都冇欠過你錢啦！」
鍾叔：「哎呀——仲同我玩失憶呀？我前個星期寫o左兩張
欠單，仲叫阿黃伯交俾你，你冇理由唔記得喎！」
老鄭：「……我唔記得阿黃伯有冇俾兩張o野我喎，可能我
有收到o卦，可能我隨手唔知擺o左唔知響邊……總之我就
冇欠你錢啦！」
鍾叔：「我上星期搵你o個陣時，你都仲應承我話『有拖冇
欠』o個喎！」
老鄭：「……我點會講呢o的咁江湖feel o既說話呢？係唔
係你噚晚睇老翻VCD睇得太多呀？……總之我就冇欠你麻雀
錢啦！」
鍾叔：「ｘ！有老人痴呆o既學乜ｘo野同人打麻雀呀，我
話老鄭你都係早死早著啦！」

三

劉婆婆：「重炮將軍！你仲有棋？」
陳伯伯：「你傻ｘo左！我用隻卒食o左你後面隻炮咪得囉
！」
劉婆婆：「（呆）……你今日第一日響維園捉棋呀？你唔
知道『卒』未經通知係唔可以過河o架？」
陳伯伯：「ｘ你ｘｘｘｘｘ！（註二）邊條ｘｘ話卒未經
申請唔可以過河呀？是但手羅一條國際o既象棋規則都冇o黎
o的咁無理o既o野喎！」
劉婆婆：「ｘｘ！咁呢副象棋o的例係咁寫o架嘛！幾無理
都係玩o架啦！」
陳伯伯：「我發神經！我依家唔認同呢條條例呀，我依家
以『公民抗命』o既形式o黎表達對呢條條例o既不滿呀！」
劉婆婆：「公你ｘｘ！」
陳伯伯：「呀呀——！！！（慘叫）ｘｘｘ！你做乜用胡
椒粉噴我呀！」
劉婆婆：「我唔打你咪算比面你囉！我依家只係用最低程
度o既暴力o架咋！」
陳伯伯：「我要告你呀！」
劉婆婆：「告咪告囉！橫掂一定冇人要負責任o既，就算再
多十個人見住我打你都唔使死啦！」

註一：ｘｘｘｘ意思其實係"Once upon a time".
註二：呢句o既讀法係「乜你未飲好立克？」，即係話人地
好燥咁解。