佢係Jenny

         我同Corrie只係由F.4時先至開始同班，之前都唔多識；
          不過就算同班開頭都冇咩兩句。直至F.4的暑假，先至開始熟落，
          跟住就好熟喇!

          未識佢o個陣，覺得佢好勤力讀書。但係後來發現都唔多係，
           原來佢好鍾意玩。佢o既人呢，比較多野講，同埋好有諗頭。
           雖然佢係雙子座，但係我唔覺得佢有雙重性格喎!可以話佢o既性格
           係活潑、同埋人緣廣啦!好似都未見過佢靜o既一面。聲音幾甜美，
           有時都幾好笑o架！（嘩～多謝讚賞喎～）

          同普通女仔一樣，佢都好鍾意行街、買衫和唱k。
          同你相處o左咁耐，的確可以好開心。不過有時候做事的確要認真點
         ，唔好成日玩玩o下咁。

          最深刻的事除o左係一齊吃喝玩樂和傾心事之外，我仲發覺你是一個
          很「眼淺」的人，太過易喊，有時都會幾辛苦o架！

          Anywayz, 的確被你啟發左，例如多o左野講啦！多謝！（唔駛客氣啦 )

          其實佢都幾識關心人o架，當知道朋友有唔開心和有煩惱o既時候，
          佢會顯得好緊張，(顯得咋...??)有時雖然冇辦法實際地幫到手，
           (哎呀...即係話我不設實際 jee~~)但佢都會用言語來支持和鼓勵。
          (即係話我得把口 jee~?)記得F.6開學時，我曾經好唔開心，佢仲送左張
          鼓勵o既咭比我，實在太感動了!有時真心的鼓勵和安慰遠比其他野
          重要，而佢就做到喇。

　　　　我 form 4 先識佢～不過好快就熟絡左～之後仲做埋死黨添～
　　　　未識佢之前其實唔係好知道有呢個人既～因為又未同過班～
　　　　我又冇乜聽過佢 d 野～可能又因為佢份人都幾低調...

　　　　佢俾我既感覺好有責任心～做野都幾'' 企理 ''~讀書又叻～
　　　　又勤力～好斯文～不過就姿整左 d~ hehee

佢都幾 cool 架...同我真係完全相反...我就成日白白痴痴乜都唔知...
同唔識既人都傾得一大餐...佢就唔會...要同你識先會講多 d 野...

我覺得佢好叻女架...唔單止讀書成績比我好...響分析事件方面都
唔錯架...好似有時我唔知點算咁啦...佢都會教我一 d ''做人既道理'～
　　　　等我唔駛咁''騰雞''...

                佢同我一樣架...都咁鍾意聽歌...之前我地仲好''橋''用同一把凱西
                間尺...上面都印住 '' can't live without music ''...

                其實佢好少表露自己既感情...好多野佢都會擺響心入面...不過我知
                佢都係關心我既...因為前排我唔開心既時候佢都有問過我做乜事...
                又安慰我咁...雖然只係講左兩句...但係已經好難得架喇...因為佢好
                少咁樣安慰人法...果刻真係好感動...

哎呀...有時我都唔想成個喊包咁架...不過 d 眼淚要湧出黎...我都冇
　　　　能為力架嘛... 唉...

哈哈...仲有一樣野好服你既...就係你可以將時間安排得好好~ ^^
功課永遠做得切...又可以兼顧好多方面喎...我就...