Christi 點睇 BeeBee ~
Corrie呀~?一個字, ''老'' lor~唉...十年之嘛...我同佢識左十年之嘛
!!!
你地話老唔老喇...
我地既 '' 邂逅'' 就始於一間平平無奇既屋村小學~主恩...我第一眼
望到佢開始~Oh!!!
我就已經深深俾佢 吸引 住喇~俾咩吸引?!
低 B lor~哈哈...唔好話俾人知喎...我地''志趣相投''
(一樣咁低 B )
物以類聚...同性相吸...同聲同氣...同仇敵愾...同甘共苦...(億字略
)
To be
frank~我既低 B Level 比起我既媚妹 (嘩~Christi...唔好咁嘔心好喎)
真係拍馬都趕唔上...冇呀...小學...(喂...lee d 瘀野就無謂講啦...唔出得街喎)
......哈哈..講笑咋...我地一齊玩既時候好似兩個癲婆咁...(當然佢似
d 啦...
呢 d 野...扮唔黎既...係咪~?^^)...到而家都冇乜點變...我地一齊時既心境加
埋就好似個十歲o靚妹咁...(注意 :
係心境...唔係智商!!!)...非常之 happy ~ 童
真氾濫架...呵呵...(難為你仲笑得出...)
大部份時間我地都o癲癲 Duck Duck
之中度過...不過大家又幾了解大家既
脾性o既...好多野都心照啦...
e.g.我知佢小學 xxxx (唔出得街喎...)仲有好多
不為人知既陃習啦...哈哈...仲有大家小心佢有一路大笑一路打人既習慣...
(喂...我家陣都好左啦...
^^)我都係''身經百戰''先至練成今日''金剛不壞''之身
...做左佢''未老先衰''既老友...
不過低 B
又有低 B 既好既...e.g.個人幾真...有o個句講o個句...而我最欣賞既
就係佢既樂天性格喇~好少野都可以笑一大餐...幾好
ar~可以話係一個冇乜
機心既小妹妹...Oh~sorry...係大姐姐
(呀...講多個 secret 大家知...佢唔鍾意
人地話佢小妹妹架~~切記 !!切記
!! (知就好啦~ ^^ )
唔開心~?梗有啦...唉...提番都''一殼眼淚''呀...最咩咩咪係......(乜你成日講埋
d
唔出得街既野架~??) lor~唉...唔開心野就咪提喇...( 車...咁你又提~??)
頂唔順~??有架...佢成日怕呢樣怕果樣...怕死怕痛怕鬼
etc...誇張程度絕對...
Oh ~my god~(有冇你講到咁誇先~?)
In general...我同佢都某程度上幾相近...例如大家都鍾意搞埋
d 低 B 野啦...
傾電話啦...雖然而家唔係話成日一齊...不過我地係屬於細水長流o個類
lor~
唔...快十週年紀念喇喎...希望我地白頭到更老啦...哈哈...
Christi~
BeeBee 點睇 Christi ~
m...講乜好呢~???原來作一篇野都真係要諗過度過先得架~~無論你之前
諗左幾多野都好啦...都好難一下子寫到篇文出黎...(可能因為我冇乜墨水
啦...)所以見到 Christi
彈左咁多野俾我都幾驚...(驚嚇程度絕對有十分啦...
點解~??因為佢唔識打中文...要我自己打番呀...陰公~)
學佢話齋...我地識左咁耐...都真係好了解大家既脾性...好似佢又低
B 又
傻婆既性格都真係未必個個知啦...拿...我就知呢~仲有好多佢不為人知既秘
密我都一清二楚架...想知~~???冇問題...............你咪自己問佢
lor~~呵呵...
佢份人都幾叻架...好似佢 d 中文文采就好到不得之了啦...不過佢最叻都係
響認叻呢方面 lor~聽見佢一日到黑狂讚自己''哎呀...我真係叻喇...''又或者
''完全係我叻啦...''...哎呀...有時聽得多都真係頂唔蒲架...不過我知佢其實唔
係咁自大既...只係鍾意咁 up o者...(好擔心呀...近日佢呢股認叻既病毒開始
入侵我...搞到我都成日...唉...好彩我仲未青出於藍...)
我地一齊既時候都玩得幾癲架...有時傻起上黎會笑得勁大聲架...( even
響
條街度...)我 high
起上黎又好鍾意一路笑一路打人喎...咁所以一齊行街我
地成都會處於 short short
地既狀態∼有時都幾擔心人地會以為我地痴痴
地∼又或係搞機∼總之都會手舞足蹈''儀態萬千...(實情係冇d儀態...)
有一樣野都好羨慕佢架∼佢好高架∼我成日都諗如果佢可以俾 d
高我就
好喇∼（唉...我又試發夢喇...)
仲有要一提既係唔少人都話佢有 d 似妙瑛...我可能見得佢多...所以唔多覺..
不過似明星都係好事黎既~
最後...想澄清一點...就係我絕對冇佢講到咁低
b 啦...同佢一齊既時候低 b我
相信極大可能只係受左佢既影響o者∼∼哈哈 ^^你地話係咪啦∼
BeeBee
Background
Music : 至少還有''李''
