(NOTA: Esta carta nunca foi respostada polo Alcalde nin ningunha outra que se lle enviara desde Vilarmosteiro, a pesares de constar toda a documentación presentada no rexistro de entrada do Concello )
Concello do Páramo
Santa Comba
San Martiño de Torre
E-27363 O PÁRAMO .
Vilarmosteiro Venres a 26 de xullo do 2002
Apreciado Sr. Alcalde :
Dirixome a vostede coa intención de informalo sobre pequenas carencias e necesidades que temos os veciños da Parroquia de Vilarmosteiro .
Como digo , non pasan de ser pequenos detalles en apariencia pero moi importantes para os que vivimos no día a día de Vilarmosteiro .
O lugar de Vilarmosteiro :
Saiba vostede que nos últimos anos no nucleo de Vilarmosteiro temos máis nenos pequenos , por sorte , e que os fins de semana xuntanse ás veces en número maior de 10 nenos , e nunca inferior a 7 nenos , todos eles teñen como lugar de xogos e encontros o Curral de Vilarmosteiro .Ahora no veran , teñen máis tempo , todo-los días baixan o carteiro o, panadeiro, as veces o camión do lixo ,máis o trafico de coches do lugar e familiares,ou coches que van ó cementereiro ou igrexa . Na curva coa casa de Cacharreiro e a palleira de Lucas , non hai ningunha visibilidade para os coches que baixan polo camiño abaixo .E xa varias veces nos temos levado uns bos sustos , que por ahora non pasaron de ser só sustos .
Todos os do lugar vemos moi necesario colocar un espello cóncavo nesa esquina , para que os coches que suban e baixan se poidan ver mutuamente e tamén ós nenos que sempre alí xogan .
Ademais deso agradeceriamoslle moito que ó ser zona residencial se puxeran unhas sinais de prohibido ir a máis de 20 km./h pola pista abaixo antes de entrar nas casas , e a curva así o aconsella e un ceda o paso para os que suben pola pista que ven do fondo do Campo da Feira .
Ademais diso a xente do lado da Encomienda que vai cara o Centro Médico , Banco , etc., e non teñen os seus coches conforme a legalidade acostuman a atallar polo camiño de Vigodefondo para eludir a posibilidade da Guardia Civil que ten por costume poñerse en Castaboada ou na pista que leva a Pacios .Polo que unha sinal ó acabarse a casa de Vigodefondo camiño de Vilarmosteiro e outra en Vilarmosteiro camiño de Vigodefondo de “Prohibido o uso de vehiculos a motor.So autorizado maquinaria agricola “ poderia axudar a que non pasaran estes coches que ó non ter seguro ou ir conforme a legalidade no caso dun accidente sería un verdadeiro problema para o afectado .O concello do Corgo colocou fai pouco estes indicadores en varios lugares (un deles nas entradas á Fervenza polo lado da Veiga de Cerceda )con grande resultado.
De paso , non estaría de máis inaugurar estas sinais de paso que se inaugura o novo camiño , que por culpa dun penedo leva anos inutilizado , casualmente , moitas maquinarias da diputación traballan alí ó lado , e so seria cousa de unha pouca pólvora e unha pala .
Campo da Feira :
Gustaríanos que o Concello instase á Diputación que é a competente de estradas nas vías que cruzan a Feira , que se solicitasen para o entorno do Campo da Feira ,sinais de limitación de velocidade a 50 km./h como mínimo , dado que ó decir do Código actualmente un choche poderia circular a 90 km./h sen ningún problema .
No Pico en Paredes puxeronse sianis a 50 km./h , parecenos ben , pero creemos que o Campo da Feira por todo o que ali hai (nenos , centro médico ,farmacia , etc. )necesita prioritariamente sinais de 50 km./h como mínima velocidade permitida .
Sinais de Perigo nenos , a altura da “casa da Sr. Amelia” por mor do Colexo ,e o Parque dos nenos .
E tamén sinais de” Perigo nenos” nas pistas que sube e baixa de O Agro a o Campo da Feira , así como aconsellable sería tamén na baixada da pista a Vilarmosteiro , debido o grande numero de nenos que alí se xuntan .
Creemos que en canto ó Campo da Feira faise necesaria incluso unha ou duas sinais de limite a 50 luminosas como as que hai en Oural ou á entrada de Sarria que se encenden cando detectan superior velocidade .
En dirección a Lamacemón :
Vótase moito de menos para os que baixan ó Felipe ou a Lamacemon outro espello na curva que baixa cara a Ciguñeira ó ser esta tan pechada que impide saber se hai coches ou non á hora de coller cara o Felipe .Máis abaixo en dirección a Seoane , a pista de Seoane deberia ter preferencia á de Lamacemón polo seu maior tráfico e poñer a esta última un sinal de “Ceda o paso” para ceder ós que suben e baixan cara Seoane
Igrexa de Vilarmosteiro :
Felicitamos ó concello polos fermosos indicadores de madeira que se puxeron no Campo da Feira , co escudo do Páramo taiado nel .Botamos en falta tan só un similar que indique a dirección cara a” Igrexa Románica de Vilarmosteiro” a cal poderíamola datar no século XII con unha seguridade do 90%. Xa que hai documentación de antes do 1229. O retablo é do Século dezaoito ou finais do dezasete Un bon letreiro poderia dicir “Igrexa Románica s.XII .Retablo Barroco”.
Anque arquitectónicamente a Igrexa de Friolfe ten máis valor , o retablo da nosa revaloriza o seu interior e conxunto ,polo que todas aquelas medidas que axuden a conservar un templo así con un retablo barroco forrado en Ouro e non comparable a ningún outro de toda a comarca e moito de agradecer para nos .
Biblioteca e Fondo Bibliográfico :
É unha magoa pensar que no Páramo non temos unha biblioteca municipal con sala de estudio .O mellor non tería moito uso , sen embargo anque a biblioteca estivera pechada moito tempo , non impediria que puidesemos dispoñer dun fondo bibliográfico en depósito pensando no futuro .Ademaís este fondo bibliográfico é gratuito .A xunta de Galicia pola constitución e apertura dunha biblioteca municipal concede un fondo de libros enorme en galego de forma gratuita , ademáis outras institucións como o Estado ou Diputacións , Unión Europea , conceden fondos de libros e revistas de forma gratuita .Os nenos do colexo poderian dispoñer deste fondo de libros ,enciclopedias , etc., que tan so hai que solicitar .
Lexislación :
A lexislacíon que nos sirve de base para solicitar do Concello do Páramo estas carencias é a :
Ley 7/1985 de 2 de abril Reguladora das Bases de Réxime Local .
Que no seu artigo 25. 1. di que : O concello para a xestión dos seus intereses e no ámbito das súas competencias pode promover toda clase de de actividades e prestar cantos servicios públicos contribuan a satisfacer as necesidades e aspiracións da comunidade veciñal .
2.O concello exercerá en todo caso , competencias , nos termos da lexislación do Estado e das Comunidades Autónomas nas seguintes materias .
a)Seguridade en lugares públicos .
b)Ordenación do Tráfico de vehículos e personas nas vias urbanas .
e)Patrimonio histórico-artistico .
k)Prestación de servicios sociais
m)actividades e instalacións culturais e deportivas .
Consideramos que todas as nosas peticións se axustan ás competencias que o Concello do Páramo debe cumprir ós seus cidadans conforme á Leí .
Tamén lle recordamos que as advertencías sobre perigosidade , nas que así se deixe constancia , poden ser probas xudiciais , e sentan precedente , xa que os perigos advertidos e documentados invitan ás administracións públicas para a súa solución .
Agradecementos :
Agradecemoslle desde aquí o ternos cambiado o contenedor de lixo por outro máis grande no lugar de Vilarmosteiro ,dado que facía moita falla .
Tamén lle agradecemos que por fin se iniciara algunha solicitude para relousar a Igrexa .
Reciba un cordial saudo desde Vilarmosteiro .
O que abaixo asina , é conforme coas medidas que se solicitan ó Concello , no referente á necesidade dos sinais de tráfico requeridos para a parroquia de Vilarmosteiro , e demaís medidas para o cal adxunta a súa firma e datos ós desta solicitude .
(Este documento foi enviado ó señor Alcalde , xunto con 50 firmas dos veciños sen resposta ningunha )