 |
| Hwerow Hweg yw diskwedhys dhe Westminster |
| 12ves a vis-Meurth hag esel Mebyon Kernow eth dhe Senedh Westminster, nag yw bos esel senedh sowedh mes rag reson gans keth bri istorek. Yth esa an kynsa diskwedhyans yn bys ena a�n fylm Hwerow Hweg. Pol Hodge, esel MK skorrenn Druru Sen Ostell, o rann bagas bras neb a wrug an kynsa fylm gnas bos gwrys yn Kernow gans tus yn Kernow � Bitter Sweet y hanow. Hemm o dyffrans dhe�n fylm Bond nowydh fylmys orth Eden ha Porthheylynn. Oll an paragh hag oll an warioryon a dheuth diworth Kernow. (ytho nyns yw gwarioryon gernewek devnythys saw rag rannow vyghan ha teknegoryon ow kul an te!). An ilow o gwrys gans Rachael Heffer (gwaynores kernewek a�n kesstriv Pan-Keltek), Chris James (ev a warias orth keskan MK yn Tresulyen) gans y vond Ahanan ha Bogfiller, bond skatvetol diworth Lannyust. |
| Pol Hodge yw bardh, skrifor, ha dyskador an taves Kernewek. |
| Moy ages henna Antal Kovacs a West Coast Productions Pennsans a wrug dew fylm keyn dhe geyn Bitter Sweet yn Sowsnek ha Hwerow Hweg yn Kernewek � an kynsa fylm gnas yn yeth kernewek. An fylm o diskwedhes dhe Gerald Kaufman ES rag Lavor ha Kaderyer kessedhek gonisogethek, Andrew George ES rag Porthia neb a wrug gweres yn feur ordena an diskwedhyans, Paul Flynn (Lavor) hag eseli diworth SNP ha Plaid Cymru. Wosa an esli o govynnys prag na wrug an governans kemmeres Kernewek avel yeth yn-dann an Chartour Europek rag Yethow Ranndirek ha Pobel Byghan. An eseli a ambosas kewsel dh�aga eseli Senedh Europek rag chasya an mater ma. I oll a omlowenhas yn hwir fylm gnas yn yeth herwydh an governans na yll bos! Yma kynsa diskwedhyans Bretonek a Hwerow Hweg orth an Goel Fylm ha Pellwolok Geltek yn Kemper seythun eus ow sywya. An Kuntelles Goel Fylm ha Pellwolok Geltek a woer bos Kernow leun a dus meur aga kreft ha Kernewek bos yeth vyw ha media possybyl rag gul art dhe ri marth dhe�n bys. Ni yn Kernow a wodhya hemma bos gwir termyn hir. Lemmyn yw prys rag leverel dhe�n bys. Ha martesen an nessa fylm gnas yn Kernewek a vydh diskwedhys yn Westminster a-rag eseli senedh Mebyon Kernow. |
| HWEROW HWEG |
| Aswonnvos Kesgwlasek rag Hwerow Hweg Dy Yow 15/8/02: Goel Fylm an Bys Montreal a vydh synsys yn Kanada penn an mis ma. Hag yma Antal Kovacs, lywydh Hwerow Hweg � an kynsa fylm gnas y�n yeth kernewek, ow mos ena. Dell o derivys gans an wiasva ma an fylm re veu diskwedha yn kynsa orth Chi an Gemmynyon, Westminster mis-Meurth eus passys. An effeth politek a weras yn feur dhe gavoes awonnvos rag Kernewek yn-dann an Chartour Europek rag Yethow Byghan. Ha lemmyn wosa bos apposys gans kessedhek kesgwlasek Hwerow Hweg a vydh diskwedhys pympgweyth orth Montral. An fylm o degemmerys fest yn ta orth an Goel Fylm ha Pellwolok Geltek synsys yn Breten Vyghan mes nyns esa dout a-dro sewen rag oberenn mar vras yn yeth Keltek orth goel Keltek. Byttegyns an ervirans dhe dhiskwedha Hwerow Hweg orth Montreal yw bryntin rag an diwysogneth fylm kernewek awos bos an enor meur ma selys war nivel ughel a askorrans. Arta an Fenten Vedia Kernow (Cornwall Media Resource) re brevas bos an wrianoryon-fylm anserghek yn Kernow gans oll an kreft ha skians dhe wul ober renkas an gwella dres an bys. Hemm yw yndella yn despit fowt a fondyans ha gwask diworth korfow an soth-west. Kreft an gernowyon ha�n yeth kernewek yw kemmysk galloesek ha�n hwedhel yw bras lowr rag an vynk vysek. Ple'th esa an fylm diskwedhys? House of Commons, Westminister, Loundres, Pow Sows 12-3-02 International Celtic Film & Television Festival, Quimper, Breten Vyghan 22-3-02 Pennseythun Gernewek, Bentewynn, Kernow 12-4-02 The Acorn, Pennsans, Kernow 18-4-02 Falmouth Arts Centre, Aberfal, Kernow 23-4-02 The Roses, Tewksbury, Pow Sows 14-6-02 Golowan Festival, Pennsans, Kernow 24-6-02 Portabelo Film Festival, Loundres, Pow Sows 13-8-02 Montreal World Film Festival, Montreal, Kanada 22-8 to 2-9-02 |