El Camín de
Santiagu atraviesa el conceyu de leste a oeste,
entrando por La Espina ya saliendo p´haza
tierras d´Ayande. En 1222 el rei Alfonso IX,
tando n'Oubona, firmóu un privilexu apareyando'l
pasu forzosu de pelegrinos por Tinéu ya Oubona.
Enguanu caltiense la mayor parte del vieyu
trazáu, permitiendo alicar la emoción de
percorrelu al xeitu d'antes.
|
Nu seutor
centrooccidental de la rexón, ocupando el
segundo l.lugar n'extensión d'Asturies, alcóntrase
un conceyu: TINÉU, aú l'axuntanza de vieyos
cordales, val.les amplios, extensas camperas,
viescas caducifolios... ufren al forasteiru una
nota de singularidá, un paisaxe bayurosu, el
tastiu de la tradición ya lo acoyedor de las
suas xentes. |
Escudos nobiliarios
asitiaos en todolos rincones del Conceyu Tinéu,
Oubona, Tuña, Arganza...too el.lo arrecoyíu nu
l.libru "Tineo. Palacios, Casonas,
heráldica y Cotos Señoriales del Concejo"
de Senen Gonzalez Ramirez. |
Una de las
amuesas del Conxuntu históricu-artísticu ía la
señorial casona de los García de Merás, ufre
fachada monumental ya patiu d'arquerías dientro
de la meyor tradición del renacimientu coetaneu.
Foí construida cuantayá, 1525. |
