She lieh-inshey ta gobbey magh neear-ass Çheer ny Goal as stiagh ayns yn
Eearvooir ta'n Chorn, ta ny lhie lieh-raad
eddyr y Vretin my-yiass as y Vretin as Nerin my-hwoaie.
Ren brishey stiagh y chraue drommey clagh hryal eck stiagh ayns drundinyn
ny marrey cur jee sclate braew and
clagh hroggee; cuishlinyn meainagh menoyragh; as stoyryn mooarey dy
cray-heenagh. Ren y vooir lockerey y sclate
dy ve ny ardchlaare lesh ellanyn dy chlagh hryal irree er-e-skyn. Ren deamey
thallooin croo eayninyn dramadagh
çheuheear jeh traieyn geinnee ooasley; reeastyn garroo, mooarane dy awinyn
beggey as strooanyn ren giarrey magh
coanyn biljagh as ta ny beill awiney oc jannoo puirt ghooghyssagh.
Ta quarreleyryn er chleiy magh y chlagh hryal eek ry-hoi troggal obbraghyn
voish Nerin gys yn Injey; ta'n sclate eck
coodaghey mulleeyn thie voish Kione ny Çheerey gys Bally Noo Pheddyr; ta'n
chray-heenagh eck shirveishagh er y
jeadys pabyr as jeadyssyn elley er dagh mooar-rheynn. Ta meainyn stainney
er ve currit shaghey lurg 4000 blein agh
ta ooiryn menoyragh as speyr chorrym mie da eirinys mestit as reayrt ny
cheerey ta lane dy vagheryn as ny cleighyn
oc ta cruinnaghey mygeayrt reeastyn lhome. Ta'n vooir eck cummal seose
eeasteyrys jeh scansh eddyr-ashoonagh
rish milley blein.
Va'n Chorn myr clean dak Irree Magh Jeadyssagh as myr imleig da dellal er
feie ny cruinney; as farrane cour
gientynagh ayns ny hellynyn, ayns fallsoonys, ayns skeeandys as ayns
çhagnoaylleeaght. Shimmey fer ren faagail y
Chorn anmagh 'sy nuyoo cheeadoo jeig er-coontey jeh brishey ny meainyn
mooarey. Myr shen, ta'n Chorn nish
gollrish ny çheer dooghyssagh rere y çhennoaylleeaght as y chultoor as yn
annym da mooinjer er feie ny cruinney ta
cummal seose corys dy Heshaghtyn y Chorn. Ta shenn reayrt-çheerey ny
meainyn eck jeh scansh er feie ny
cruinney.
Rish 4000 blein she raad mooar da traghtalee, da arragheyryn, da fir
chaggee as da çhaghteryn yn tushtal va ny
mooiraghyn jeh Sheear-hwoaie yn Oarpey. Ta'n Chorn goaill aym ayns yn
anchaslys cultooroil as ardjynagh ta
berçhys yn Oarpey. Ta'n çhengey Cheltiagh eck - s'cronnalagh yn aa-vioghey
ta jannoo urree - cowraghey ee mastey
buill elley ayns Sheear-yiass Cheer ny Goal; gyn cosoylaght 'sy theill
Cheltiagh ee er-coontey 11 jeh'n vestey dy vun-
stooghyn voish Yernish, Ladjin, Normanish, Baarle, as er-coontey jeh'n
çheeroaylleeaght as y çhennoaylleeaght
heshoil eck. She crosh vane er cooylrey doo ta'n brattagh eck.
S'berchagh ta'n Chorn lesh freiltee shenndaaleeagh; smoo yn chooish ayns
screeuaght yn Oarpey ta'n skeeal jeh
Tristan as Iseult; cha nee agh Bewnans Meriasek ta foast ayn 'sy vun-ghlare
Cheltiagh echey jeh cloieyn voish roish
yn Aachummey er laghyn noo Goaldagh. Ren Scoill Newlyn dy pheinteyryn
cooney lesh aasmmooinaghtyn er aght
baghee tradishoonagh ny çheerey. Ta beoyn breeoil ayn nish da peintal,
jallooderys, pasheydys, drama. Shimmey
garey scanshoil, preevaadjagh as cadjinagh, t'ayn.
Ta kiaull çheet magh ayns bannyn prash as sheshaghtyn kiaullee as
possanyn kiaull yn theay as possanyn noa-'assanagh,
orroosyn ta enn eddyr-ashoonagh. Spoyrtyn smoo scanshoil da
fwirranyn vees ruggyr, ymmyrt ( son i
chooid smoo ayns ny curraghanyn tradishoonagh, kuse jeu ny smoo na cheead
blein d'eash agh foast ratçhal mastey
flod dy hiyn noa ta bishaghey,) shiaulley, soccer etc. Ny mastey spoyrtyn
da fir er-lheh ta gleckey tradishoonagh,
chammah's gammanyn eddyr-ashoonagh, roortaghys as ellynyn caggoil.
