KERNOW -- KOMMENDYANS BERR

Konna dor a Vreten Veur yw Kernow, ystynnys balek y'n Mor Atlantyk, hanter-fordh yntra Breten Vyghan hag Iwerdhon.

Omherdhyans a ven growan aji dhe wodhes moenek a ros dhedhi kyllas 'vas ha meyn rag sevel chiow, skorr moenek pals ha kreunyow pri gwynn meur a vri Y raskas an mor an men legh yn goenyow kompes, ynysow growan sevys a ughta. Omsav tir a wras keyn alsyow aneth a-dryv trethow marthys; kals goethow ha strethow a ravyas nensow koesek; y teuth aga heylyow dhe vos porthow naturek bryntin.

Hy growan a veu kleudhys rag hwelyow drehevel a-dhia lwerdhon bys yn Eynda; y kudh hy leghennow tohow yntra Penn an Wlas ha Sen Pederburg; Hy fri gwynn a dhevnydhir dre`n diwysyans paper hag erell yn pub brastir. Yma'n hwelyow sten yn kosk wosa 4000 blydhen mes gweres feyth ha kewer glor ha mygyl yw heweres orth ammeth a lies eghenn ha tireth a glosyow yn kyrghynn rosyow efan. Y provi hy morow pygans dhe byskadorieth keslasek a vri nans yw mil vlydhen.

Kernow a veu lesk an Domhwelans Diwysyansek ha penn-eghel genwerth an bys a-les; pennfenten dhismyk yn artys, Yn skentoleth, yn skians hag yn jynnweythieth. Omhweles an hwelyow moenek meur, orth diwedh an 19-ves kansblydhen, a sywyas dre dhivroans a deylu keskar dren bys-ell, kensynsys dre roesweyth Kowethasow Kernewek. Yth yw a vri norvysek hy hen dirwel.Ha'n rann hwellow yw aswoenys lemmyn gans UNESCO.

Peswar mil blydhen, morow Europa kledh-howlsedhas yw fordh-veur dhe wikoryon, mov-yansow an bobel, kasoryon ha kannasow kryjyans. Rann yw Kernow an lies-enepter goni-sogethek ha rannvroek a Europa. Hy thaves keltek ( eder y'n eur-ma yn farthys ow kul dhe dhasvywa ) a's diskwa diblans a vroyow erell a Vreten a dheghow-howlsedhes; hy hemmysk a elvennow Gwydhalek, Latin, Normanek ha, Sowsnek, hy desedhva hag istori hy fobel a's gwra dibarow aberth Yn Bys Keltek. Krows wynn yw hy baner, war leur du.

Pur rych yw Kernow gans kryllas an hen oesow, hwedhel Trystan hag Esels yw sprusenn veur a lyenn Europek; yntran gwariow skryfys adro dhe vywnans sans kyns An Dasfiirvyans, ny besyas yn jydh hedhyw yn yeth keltek marnas Bywnans Meryasek ha Bywnans S. Ke. Skol lymnoryan a Lulynn a weresas orth daskwel kowethyans hengovek an pow. Oberow liworieth, priweyth ha gwariva a wrer yn kyrghynneth byw ha, kevoesek. Lies lowarth a vri a gevir, ha privedh hag yn perghennieth an bobel.

llow a dhiskwedhir dre vandys brest, geryes da dres an bys, keuryow, bagasow 'folk' ha 'kevoesek'. Krev yw donsya, ha'gis koth'hag arnowyth. Yn mysk an sportys para, an moyha a vri yw rugbi, revya ( dres ken y'n 'gigs' hengovek (yw nebes anedha moy es kans bloedh ha hwath yn kesstrif orth nowydh)) goelya, peldroes, hurlysi h.e. Gwariow 'den orth den' a niverir, a-der an re usys keswlasek, yw omdowl hengovek, fyttys an artys breselek ha kesstrivow nerth korf den.

Yndeks
Dheweles dh'Ystori
Yethow erell