La Verda Libro de Dio
Verdan libron verkas Dio

Verdan libron verkas Dio
En printempo de la jaro;
Klare skribas li en tio,
Veron por la saĝularo.

Skribas en la vasta tero,
En floreto, en folio,
Pri la vivo kaj espero,
Pri natura harmonio.

Verda libro, ornamata
De la suna lumigado,
De la floroj parfumata;
Plena de la Dilaŭdado!

Verda libro donacata
Al la homa legantaro
Ree estas malfermata
En printempo de la jaro.