KRISTANA FIDO

Tiel ne sekuras io kiel infanar' de Dio

Tryggare kan ingen vara

Verkis (svede) : Lina SANDELL-BERG, 1856
Esperantigis : Magda CARLSSON-BOHMAN

Fonto : Ad 500 (= EK 18, AK 169)

1. Tiel ne sekuras io
   kiel infanar' de Dio,
   ne la stel' sur firmamento,
   nek la bird' en nest-silento.



2. Mem Li zorgas pri la bono
   de la Siaj en Ciono.
   Li kompatas ja ĉiame,
   brake portas ilin ame.



3. Ĝoj', mizero venos, iros,
   sed nin ne de Li forŝiros.
   El amikoj plej amika,
   scias Li pri viv' tragika.



4. Ĝoju, infanaro eta,
   Di' vin gardi estas preta.
   Kiuj kontraŭ Li batalas,
   senkondiĉe teren falas.



5. Ĉu Li prenas, ĉu Li donas,
   Patro tamen same bonas,
   kaj la cel' de Lia amo
   estas bono de l' infano.

Melodio: SANDELL
Sveda (germandevena) popolmelodio, eld. 1874
MIDI TCH

estas filia TTTejo de
Eldonejo Cigneto