TTT-Himnaro Cigneta (al la titolpagxo)

GLORO AL DIO

Sankta Dio, Via nom' kaj gloro

Herre Gud, ditt dyre navn og ære

Verkis (norvege) : Petter DASS, 1698, kaj Gustav Margerth JENSEN, 1909
Esperantigis : Hans Amund ROSBACH, 20a jc.

Fonto : AK 2 = CH 95

  1. Sankta Dio, Via nom' kaj gloro
    En la mondo brilu en honoro!
         Kaj en animo
         Sub ŝarĝ' de timo,
         De pek' kaj krimo,
    Kun laŭd' sen limo en koro.

  2. Kaj se homoj povus eĉ forgesi
    Nomon gloran de l' Sinjor' konfesi,
         Aŭdiĝus sono
         El osto, ŝtono,
         Pro Lia bono,
    De Dia kono progreso.

  3. Eĉ se mond' disiĝus je nenio,
    eĉ se ĉiu mortus, restus Dio!
         Kaj flugus miloj
         Inter la steloj
         Sur la ĉieloj
    Kiel anĝeloj al Dio.

  4. Montoj, valoj, ja al malapero
    Kondamniĝis ĝis la lasta ero!
         Post tio puna
         Pro ĉio nuna,
         De Dio suna
    Kreiĝas juna la tero.

Melodio : DEUS FORTIS
Anonima Norvega Popolmelodio
MIDI AK*


TTT-Himnaro Cigneta
estas filia TTTejo de
Eldonejo Cigneto
Hosted by www.Geocities.ws

1