TTT-Himnaro Cigneta (al la titolpagxo)

TENDUMEJA LAŬDO

Replenigu mian lampon

Give me oil in my lamp

Donu al ni el via oleo, ĉar niaj lampoj estingiĝas : Mateo 25.8b
(nepre rimarku la maltaŭgecon de la kunteksto!)

Unua strofo : Tradicia tendumeja kanto usona
Esperantigis kaj la ceterajn strofojn verkis (Esperante) : ROS' Haruo, 1995-97

Fonto : RH

  1. Replenigu mian lampon, ke mi brilu, brilu, brilu,
    Replenigu ĝin, ho Sinjor'!
    Replenigu mian lampon, ke mi brilu, brilu, brilu,
    Ke mi brilu ĝis tagiĝa hor'!

    Ho-sana! Ho-sana! Kantu laŭde al la Reĝa Reĝo!
    Ho-sana! Ho-sana! Kantu laŭde al la Reĝ'!

  2. Renovigu mian koron, ke mi amu, amu, amu,
    Renovigu ĝin, ho Sinjor'!
    Renovigu mian koron, ke mi amu, amu, amu,
    Ke mi amu el kristeca kor'.

    Ho-sana! Ho-sana! Kantu laŭde al la Reĝa Reĝo!
    Ho-sana! Ho-sana! Kantu laŭde al la Reĝ'!

  3. Refortigu mian korpon, ke mi servu, servu, servu,
    Refortigu ĝin, ho Sinjor'!
    Refortigu mian korpon, ke mi servu, servu, servu,
    Ke mi servu en la Di-labor'.

    Ho-sana! Ho-sana! Kantu laŭde al la Reĝa Reĝo!
    Ho-sana! Ho-sana! Kantu laŭde al la Reĝ'!

  4. Refreŝigu mian voĉon, ke mi kantu, kantu, kantu,
    Refreŝigu ĝin, ho Sinjor'!
    Refreŝigu mian voĉon, ke mi kantu, kantu, kantu,
    Ke mi kantu en eterna ĥor'.

    Ho-sana! Ho-sana! Kantu laŭde al la Reĝa Reĝo!
    Ho-sana! Ho-sana! Kantu laŭde al la Reĝ'!

  5. Repurigu mian vivon, ke mi sanktu, sanktu, sanktu,
    Repurigu ĝin, ho Sinjor'!
    Repurigu mian vivon, ke mi sanktu, sanktu, sanktu,
    Ke mi sanktu antaŭ via glor'.

    Ho-sana! Ho-sana! Kantu laŭde al la Reĝa Reĝo!
    Ho-sana! Ho-sana! Kantu laŭde al la Reĝ'!

Melodio : SING HOSANNA
Tradicia usona tendumeja melodio
MIDI RH


TTT-Himnaro Cigneta
estas filia TTTejo de
Eldonejo Cigneto
Hosted by www.Geocities.ws

1