KRISTNASKO

Li kuŝas en staltrogo

Verkis (Esperante) : Albrecht KRONENBERGER, 1992

Fonto : Ad 245

1. Li kuŝas en staltrogo,
   La Dia mond-espero.
      La eĥo de eklogo
      Jubilas tra aero,
   Rakontas pri anĝelo,
   Pri gloro en ĉielo,
      Pri paco sur la tero.

2. Resonas nia koro
   De l' ĝojo-plena temo.
      Ekbrilas kiel oro
      La urbo Betleĥemo.
   Eksplodu ovacio:
   Aperas la Mesio
      Al vi, Jerusalemo.

3. El vi la melodio
   Eliru, ho Ciono,
      Ke ĝermu religio
      En ĉiu regiono,
   Ke kresku kredo, amo,
   Vastiĝu kiel flamo
      Tra tempo, tra eono.

Melodio : ICH STEH AN DEINER KRIPPE HIER
Komponis : Johann Sebastian BACH
MIDI [Ad*]

---

TTT-HIMNARO CIGNETA
estas parto de

http://www.scn.org/~lilandbr/
la TTTejo de
Liland Brajant Ros'