Lacas mi je l' tago-fin'

Lacas mi je l' tago-fin',
kaj mi ripozigas min.
Fermas la okulojn mi.
Gardu min, ho kara Di'.
     Gardu min, ho kara Di'.

Se maljuston faris mi,
Patro, ĝin indulgu Vi.
Repurigu el polu'
min la sango de Jesu',
     min la sango de Jesu'.

Ĉiun, kiun konas mi,
igu nun ripozi Vi.
Ĉiujn homojn sur la ter'
nokte gardu de danĝer',
     nokte gardu de danĝer'.

Faru, ke malsana kor'
resaniĝu, ho Sinjor',
ke la luno de l' ĉiel'
lumu en la nokt-malhel',
     lumu en la nokt-malhel'.