 |
CELO PILGRIMA |
Kiel feliĉege iri
Sveda originalo : O hur saligt att få vandra
Verkis (svede) : Joel BLOMQVIST kaj Lars Per OLLÉN, 1877
Esperantigis : Albin JOHANSSON 1938 kaj Magda CARLSON-BOHMAN, 1950
Fonto : EK 38
-
Kiel feliĉege iri
hejmen je la Patra man',
ĝis finiĝos pilgrimado
en la lando Kanaan'.Glore sonos nia kanto
tie kiel forta akvo-bru',
glor' al Dio kaj ŝafido
pro saviga sango-flu'. -
Ĉe l' riveroj Babilonaj
mankas ofte la kantem',
sed pli bonaj tagoj venos
Iam en Jerusalem'.Glore sonos nia kanto
tie kiel forta akvo-bru',
glor' al Dio kaj ŝafido
pro saviga sango-flu'. -
Tie regas ne mallumo,
ne plorado, nek malfort',
ne la peko, nek turmento,
ne diablo, nek la mort'.Glore sonos nia kanto
tie kiel forta akvo-bru',
glor' al Dio kaj ŝafido
pro saviga sango-flu'. -
Tie ĉi ni disen iras
pro bataloj kaj mizer'.
Tie en la urbo ora
amo regos nin kaj ver'.Glore sonos nia kanto
tie kiel forta akvo-bru',
glor' al Dio kaj ŝafido
pro saviga sango-flu'. -
Ho, postrestu do neniu
en mallumo tie ĉi,
sed ni ĉiuj renkontiĝu
post la pilgrimad', ĉe Di'.Glore sonos nia kanto
tie kiel forta akvo-bru',
glor' al Dio kaj ŝafido
pro saviga sango-flu'.
Melodio : HANSON PLACE
Komponis : Robert LOWRY, 1864
MIDI THC
estas filia TTTejo de
Eldonejo Cigneto