ADVENTO

Jen oriente, ho homar’!

Verkis (Esperante) : Liland Brajant ROS', 2000
Sub inspiro de People, Look East : Eleanor FARJEON, 1928

Fonto : LBR

1. Jen, oriente, ho homar'!
   Venas la krono de la jar'.
   Ĉion beligu laŭ kapablo,
   Pretu por Kristo kameno kaj tablo.

   (Jen, vidu jam:) Jen, vidu jam: (Jen vidu jam:)
   Venas nia gasto, Am'!

2. Ĝoju vi sulkoj: Jen la Ver'
   Semas sin en la nuda ter'.
   Nutru la semon, ke la floro
   Kresku kaj fortu, via Sinjoro!

   (Jen, vidu jam:) Jen, vidu jam: (Jen vidu jam:)
   Venas nia gasto, Am'!

3. Steloj, dum nigra nokta hor',
   Jen unu ekstra stel' en ĥor'
   Brilu kun via band' komune,
   Kvazaŭ la suno kaj luno kune.

   (Jen, vidu jam:) Jen, vidu jam: (Jen vidu jam:)
   Venas nia gasto, Am'!

4. Kantu anĝeloj tra l' eter':
   Vivon li portas al la ter'.
   Montoj kaj valoj, gaje zumu,
   Pro la alveno de Kristo, la Lumo!

   (Jen, vidu jam:) Jen, vidu jam: (Jen vidu jam:)
   Venas nia gasto, Am'!

---

Melodio: BESANÇON
Anonima Franca Karolo
MIDI LBR

---

TTT-HIMNARO CIGNETA
estas parto de

http://www.scn.org/~lilandbr/
la TTTejo de
Liland Brajant Ros'