SERENO KAJ TRANKVILO |
Glora riverego estas Dia pac'
Pli frue la komencvortoj estis "Kiel riverego"
Angla originalo: Like a River GloriousVerkis (angle) : Frances R. HAVERGAL, ĉ. 1876
Esperantigis : ROS' Haruo, 1999, rev. 2004Fonto : RH
Glora riverego estas Dia pac';
Ĉion teran venkas ĝia glora grac'.
Kvankam ĝi perfektas, tamen ĉiam pli,
Pli profunda kreskas, pli vastiĝas ĝi.- Koroj sin kroĉintaj al la Eternul'
- Trovas laŭpromese pacon sen makul'.
Kiu sin forkaŝas en la Mana Kav',
Se minac' alpaŝas, certas pri la sav'.
Ĝenas nek ĉagrenoj, nek diabla spit';
Venas nur la benoj Diaj al spirit'.- Koroj sin kroĉintaj al la Eternul'
- Trovas laŭpromese pacon sen makul'.
Ĉiu ĝoj' aŭ provo venas el Ĉiel';
Sendas ĝin la povo de la Di-fidel'.
Se ni plene fidas, restas ke ni nur
Sekvu dum li gvidas nin en plensekur'.- Koroj sin kroĉintaj al la Eternul'
- Trovas laŭpromese pacon sen makul'.
Melodio: WYE VALLEY
James MOUNTAIN, ĉ. 1876
MIDI TCH
estas filia TTTejo de
Eldonejo Cigneto