FIDELECO DE DIO

Fundamenton firmegan

Pli frua versio : Kiom firman subtenon

Originalo : How Firm a Foundation

Sed nun tiele diras la Eternulo, kiu vin kreis, ho Jakob, kaj kiu vin estigis, ho Izrael : Ne timu, ĉar Mi vin savos ; Mi vokos vin laŭ via nomo, vi estas Mia.
Kiam vi transiros akvon, Mi estos kun vi, kaj trans riverojn, ili vin ne dronigos ; kiam vi iros en fajron vi ne brulvundiĝos, kaj flamo vin ne bruligos.
Ĉar Mi estas la Eternulo, via Dio, la Sanktulo de Izrael, via Savanto : Jesaja 43.1-3a

Verkis (angle) : "K", cetere anonima kontribuinto, en
Selection of Hymns de John RIPPON, 1787
Esperantigis : ROS' Haruo, 1997

Fonto : RH

Fundamenton firmegan, ho sankta popol',
Jam al vi Dio donis en Sia Parol'!
Ĉi tiom dirinte, ĉu diru Li plu
Nun al vi, rifuĝintaj al Kristo Jesu'?
"Ho ne timu, nek tremu, mi estas kun vi:
Via Dio mi restas, vin plu helpos mi,
Vin prenos, subtenos per mano de fort',
Kaj fortike starigos vin laŭ mia Vort'.
"Kiam mi vin irigos tra mara profund',
Vin ja ne superŝutos amara inund',
Ĉar mi akompanos vin. Ŝanĝos mi, jen,
Viajn akrajn afliktojn al bono kaj ben'.
"Kiam pasos la vojo tra testoj per flam',
Mi ekipos vin plene per graco kaj am'.
La fajr' vin ne vundos : mi celas ĝin por
Vian rubon bruligi, ke restu nur or'.
"La animon fuĝintan al Kristo Jesu'
Nepre ĉiam, ja ĉiam konservos mi plu.
Ĝin malgraŭ klopodoj de l' tuta infer'
Mi neniam, neniam forlasos en ver'!"

Melodio : FOUNDATION
alternativa nomo en la formnota tradicio : Bellevue
Anonima usona melodio,
kredeble unuafoje presita en
Genuine Church Music de Funk, 1832
MIDI TCH
Iom pli popolkanta aranĝo : MIDI RH

Alternativaj melodioj:

MONTGOMERY, atribuita al John STANLEY (18a jc.) : MIDI TCH
En Britio Montgomery estas la norma melodio por tiu ĉi himno
ADESTE FIDELES, komponis John Francis WADE (18a jc.) : MIDI TCH
En Usono (almenaŭ en la nordo kaj en la urboj) Adeste Fideles estis la plej kutima melodio ĝis la mezo de la 20a jc., kvankam ne estas tre facile akordigi la silabojn al la notoj.
LYONS, atribuita al Johann Michael HAYDN;
aranĝis William GARDINER en Sacred Melodies (1815) : MIDI TCH
ST. DENIO (aŭ Joanna), kimra melodio
el Canaidau y Cyssegr (1839) de John ROBERTS : MIDI TCH

estas filia TTTejo de
Eldonejo Cigneto

Hosted by www.Geocities.ws