 |
JESUO : LA SAVANTO |
Diru la historion pri Kristo nun al mi
Tell me the old, old story
Verkis (angle) : Arabella Katherine HANKEY, 1866
Esperantigis : Agnes B. DEANSFonto : HE 70
-
Diru la historion pri Kristo nun al mi;
Rakontu plene ĉion pri lia am' por ni.
Kvazaŭ al juninfano rakontu simple ĝin—
Anima la malsano jam ellacigis min.
- Karan la historion, karan la historion,
- Karan la historion rakontu nun al mi.
-
Klare kaj malrapide vi komprenigu min
Pri Dia elaĉeto por senpekigi nin,
Por ke la scio bena restadu en memor':
La roso frumatena tagmeze pasas for.
- Karan la historion, karan la historion,
- Karan la historion rakontu nun al mi.
-
Pri la Animsavinto solene diru vi;
Mi estas la pekinto por kiu mortis li.
Ĉiam pri li parolu kun amo kaj fervor',
Kaj tiel min konsolu, se premas min dolor'.
- Karan la historion, karan la historion,
- Karan la historion rakontu nun al mi.
-
Diru la saman veron, se iam timos vi,
Ke vantan mondprosperon tro kare gajnas mi.
Kiam, en la horo, Jordano frontos min,
Mi aŭdu en la gloro: "Jesuo savas vin".
- Karan la historion, karan la historion,
- Karan la historion rakontu nun al mi.
Melodio : EVANGEL
Komponis : William H. DOANE, 1870
MIDI LBR
estas filia TTTejo de
Eldonejo Cigneto