 |
EKLEZIO DE DIO : MISIO |
Dio graca, Dio glora
Originalo : God of grace and God of glory
Verkis (angle) : Harry Emerson FOSDICK, 1930
Esperantigis : ROS' Haruo, 1998Fonto : RH
-
Dio graca, Dio glora, sur nin povon verŝu Vi!
El burĝon' al vivo flora kresku via eklezi'!
Donu saĝon kaj kuraĝon, ke la horon frontu ni,
Ke la nunan horon frontu ni! -
Ĉirkaŭ ni, kun malestimo, malbonuloj mokas Vin.
El katenoj de la timo, liberige voku nin.
Donu saĝon kaj kuraĝon, ke ni vivu laŭ destin'
Ke ni venke vivu laŭ destin'. -
Ni frenezas plu milite — venku nin per Via pac'!
Aĵe riĉaj, sed spirite mankaj; venu jam kurac'!
Donu saĝon kaj kuraĝon, nin celumu per la grac',
Nin celumu per paciga grac'! -
Metu nin sur altajn lokojn, armu niajn vivojn per
Kristaj gracoj, ke alvokojn ni respondu por liber'
Donu saĝon kaj kuraĝon, ke ni servu vin sur ter',
Ke ni servu vin sur nia ter'. -
Savu nin el rezignemo pri malbonoj en la mond':
Via savo estu premo instiganta al respond'.
Donu saĝon kaj kuraĝon, ke utilu nia rond',
Ke al vi utilu nia rond'!
Melodio : CWM RHONDDA
Komponis : John HUGHES, 1907
MIDI TCH
- Alternativa Melodio :
- REGENT SQUARE
- Komponis : Henry T. SMART, 1867 : MIDI TCH
Rim.: Regent Square por tiu ĉi teksto postulas ne kanti la finan (alinean) verseton.
estas filia TTTejo de
Eldonejo Cigneto