Mov Kuv Nyam Noj

Muaj tej zag kuv qhe qhe nyuv Moob nrug mov nplaum ntshaav, qhab poob, hab nqaj qab los nqaj npua nrug zaub. Thaum txug caij Moob noj tsab peb caug, kuv xaav noj mov nplaum ntshaav nrug nyuv Moob, hab qhab poob. Cov nyuv Moob muaj tuab neeg ua tsi qaab hab muaj ob peb tug kws ua qaab tshaajcov u. cov nyuv Moob muaj tsoj ntau ntau. Kuv tsi nyam noj nyuv Moob thaum nwg muaj nqaj rog los thaum nwg kub nyab. Cov nyuv Moob yuav tsum ntxim qaab kuv txha le xaav noj. Kuv nyam no j nyuv Moob thaum nwg zoo le nwg muaj xim ua kom nwg txhob zoo le nwg tsi ntxim qaab.

Kuv nyam moog yuav qhab poob peg cov nplog. Kuv xaav tas cov nplog ua qhab poob qaab tshaaj Moob. Kuv nyam noj kuv le qhab poob thaum nwg tseem kub kub. Kuv nyam kuv le kua ntsim ntsim. Yog kuv le kua tsi ntsim tes nwg yuav tsum qaub qaub. Cov qhab poob zoo le nwg muaj muaj tsoj nyob huv. Huv kuv le qhab poob, kuv nyam muab zaub qhwv, txum lom, dlog, naab pas, taum ntsuag, hab ob peb qhov khoom ntxiv.

Tsi taag le nuav, kuv nyam noj ib qhov zaub kuv nam ua rua peb noj. Nwg yog nqaj npua los yog nqaj qab nrug zaub. Huv cov zaub nuav, kuv nam muab zaub paaj, dlog, txum lom, peb nua, ntsev, nqaj qab los nqaj npua, black pepper, hab bell pepper tso huv. Muaj tej zag yog kuv cov tais laug ua tes puab nyam tso cov txiv kaab ntxwv qaub rua huv ua kom qhov kua qaub qaub. Yog puab tsi tso hov tes puab tso txiv lwg suav.