Saib Flash Ncaws Npaa

Lub 12 hli ntuj nub 20 hab 21, 2003, kuv hab kuv tsev neeg moog koom Merced lub Tsab Peb Caug. Thaum peb tsug lub tshaav pob, peb moog rua qhov chaw ncaws npaa tsua qhov peb yuav moog saib kuv nug hab kuv c ov kwv tij neej tsaa ncaws npaa. Kuv cov tij laug paab es ncaws npaa hu ua Cal-Flash. Cal-Flash yog kuv ob tug nug hab kuv cov kwv tij. Muaj ob peb tug tshab nrug puab ncaws. Puab txawj heev. Kuv tug tij laug, Steve, yog tug nteg npaa rua puab. Kuv t ug tij laug es yau tshaaj Steve yog Robert. Robert yog puab tug defender. Puab paab kwv tij neej tsaa lug ua ib paab es ncaws npaa ntev lug lawm. Puab taag nrho nyob rua huv Merced nuav, tab sis muaj ob peb tug es tsi nyob huv Merced. Lub 12 hli ntuj n ub 20, 2003, Flash ncaws npaa nrug ib paab hu ua Raptors. Raptors tuaj ntawm lub zog Sacramento. Puab nem khaav khaav tas puab ceej ceej le, tab sis puab tub tsi paub tas puab yuav swb. Flash yeej 3-0. Thaum puab ncaws taag, puab moog saib seb puab pu as laib ncaws lawm, tab sis puab has tas cov tuab neeg has tas puab ncaws taag lawm nub nua lawm. Lub 12 hli ntuj nub 21, 2003, Flash ncaws npaa nrug ib paab hu ua Fresno Force. Fresno Force tuaj ntawm Fresno. Puab paab muaj ob peb tug Mekas hab Mev nc aws nrug puab. Puab muaj plaub hau ntev ntev hab muaj ob peb tug kws muaj plaub hau dlaaj. Ob peb nas this ua ntej puab ncaws npaa taag, naaj npawb peb ntawm Fresno Force tig lug saib kuv hab kuv tug kwv tij. Kuv has tas, ''Ew! Xob saib kuv!'' Nwg teb tas, ''Kuv nim xaav saib koj lov!'' Kuv has tas, ''Tes koj saib peg nuav rua dlaab tsi mas! Koj yeej xaav tau dlaab tsi xwb!'' Tes nwg rov qaab teb tas, ''Whatever!'' Nwg ca le tsi has lug rua kuv lawm. Ob peb nas this dlhau tes puab tub ncaw taag lawm. Puab ua tau tie lawm. Yog 2-2 tab sis puab tsi ncaws penalty.

Thaum puab ncaws taag, puab moog cuv xab lab saib seb puab yuav ncaws nrug leej twg hab thaum twg. Flash tau ncaws nrug Tornado, ib paab es tuaj ntawm Fresno. Kuv tug txiv dlaab has rua kuv hab kuv tug tais hluas kom ib moog yuav ib qhov qhab poob ntawm cov nplog rua nwg noj. Thaum ib yuav taag, ib muab rua nwg. Ib plag, kuv tug nam laug has kom ib nrug nwg moog taug kev. Kuv hab kuv tug nam hluas maaj maaj moog rov qaab rua qhov ib n tshai tsaam ib tsi tau saib puab ncaws nrug Tornado. Tab sis thaum peb moog txug, puab nyaav npaaj xwb.

Ob peb nas this dlhau tes puab ncaws lawm. Thaum puab ncaws, zoo le kuv yog tug es qw rua puab xwb. ua ntej half-time, ib tug tub hluas nug rua qhov score. Kuv teb tas, ''Yog 1-0. Flash yeej lawm.'' Tug miv tub has tas, ''Tornado ca le yeej!'' Kuv xaav rua kuv lub hlwb tas, Whatever! Kuv xaav kom Flash yeej xuv. Puab tub yeej Tornado ntau zag lawm. Thaum puab ncaws taag, yog ib qhov tie 2-2 tes puab tau ncaws penalty. Kuv nug kuv cov lwv tij tas, ''Ua caag puab tau ncaws penalty nua? Puab tub tsi ncaws penalty puag taab ne!'' Kuv tug kwv tij teb tas, ''Cov games nuav yog rua qhov final lawm.'' Kuv teb tas, ''Tab sis mej has tas puab ua by po ints ne?'' Nwg teb tas, ''Yeah! Tab sis puab ncaws rua qhov final lawm na!'' Kuv ca le tsi has lawm rua qhov kuv yeej tsi tau taub le. Thaum puab ncaws penalty, kuv qw nrov nrov. Kuv ca le tig lug rua qhov kuv nov ib tug tub has, ''Tornado ca le yeej!'' Kuv saib nwg tes nwg saib tuaj rua kuv rua qhov nwg paub kuv nov lawm hab nwg paub tas kuv tsi moog rua Tornado. Thaum kawg, Tornado yeej lawm. Kuv chim xuv. Kuv tseem tsi tau taub ua caag puab tau ncaws penalty zag nuav. Xyoo nuav yog xyoo ib kws F lash tsi tau ncaws huv qhov final.