Sur Editur,

Nhar il-Ġimgħa, 10 ta' Ġunju, kont mistieden il-Fontana biex nattendi ghall-Oratorio 'II-Qalb ta' Kristu' fis-Santwarju Nazzjonali tal-Qalb ta' Ġesu fl-okkazjoni ta' l-ewwel 100 sena mill-Konsagrazzjoni tal-knisja u biex, fi kliem il-Kappillan habrieki ta' hemmhekk, il-Kanonku Dun Ġorġ Bezzina, tkompli tikber id-devozzjoni f'din is-sena dedikata lill-Ewkaristija, lill-Qalb Imqaddsa ta' Gesu.

Intant, ghadd sabih ta' parruċċani u mistednin attendew għal biċċa xogħol tassew artistika li ghandha kitba ta' l-E.T. Mons Isqof Nikol Cauchi u mużika tal-bravu surmast John Galea li anke dderieġa l-orkestra nazzjonali flimkien mal-Chorus Urbanus fl-esekuzzjoni ta' dan l-Oratorio sabih u armonjuż li reġa' sar il-Hadd fl-istess knisja. fis-7.30pm fil-prezenza ta' l-Isqof Cauchi li nzerta msiefer matul l-ewwel rappreżentazzjoni.

Intant, iktar kmieni din is-sena, il-Chorus Urbanus, dejjem taht it-tmexxija ta' Maestro John Galea, mar il-Bulgarija fejn hemmhekk Mro. Galea dderieġa s-Sofia Collegium Symphony Orchestra fl-esekuzzjoni ta' dan l-Oratorio biex seta' jiġi rekordjat CD bil-verzjoni, wahda bil-Malti u ohra bit-Taljan, biex ikun jista' jsir użu minnu, minn gruppi ta' talb.

Flimkien mal-kor hadu sehem is-solisti Joseph Aquilina (tenur), Noel Galea (baxx), Yvonne Galea (sopran), Alfred Camilleri (baritonu), Albert Buttigieg (baxx), Antonella Mercieca (kontralt) u Mario Portelli (tenur).

Kopja tas-CD tista' tinkiseb mingħand il-Kappillan tal-Fontana.

JOE M. ATTARD

Victoria, Għawdex