Biology
Biology hi nunnak kong cawnnak tiah dictionary chung a tial. Mahi biology hi cheu pi cheu hnih a um zoology le botany tiah. Zoology cu saram nunnak kong cawnnak a si. Botany cu thingkung kong cawnnak a si. A tu chan tu hin cu zoology le botany lawng si ti lo in a cheu dang kha a rak chuak ve cang hna. Mahi hna hi cytology, histology, anatomy and physiology, embryology, ecology, cell biology and molecular genetics, systematic biology, le microbiology a si hna. Cytology ti mi cu kan pum chung um mi a hme tling mi mit in hmuh kho lo mi thil “cell” tiah an auh mi kong cawn kha a si. Histology ti mi cu kan vun he a ra peh tleih mi kong cawn kha a si. Anatomy and Physiology cu kan pum he a ra peh tleih mi kong le mah a ra peh tleih mi thil hna nih rian an tuan ning kong cawn kha a si. Embryology ti mi saram a keuh ning, zei ti dah saram keuh hlan ah a “develop” ning te hoi he a ra peh tleih mi cawn kha a si. Ecology cu kan pawngkam thil um mi hna kong, thingkung, thli, ti, vawlei, le saram an umti nak kong kha cawn a si. Cell biology and Molecular Genetics cu cheu chuak thar mi a si, mahi chung ah cytology, biochemistry le genetics te hoi kha kup chih zau in pum chung um mi a hme tling mi thil “cell” tiah an auh mi a nun ning, rian a tuan ning le te hoi kha cawn a si. Systematic biology ti mi cu saram le thingkung a phun (species) kha min pek ning cawn kha a si. Microbiology cu zawtnak a chuah kho mi mit in hmuh kho lo mi rungrul kong cawn kha a si. Mahi lawng si lo in a cheu dang a um rih. Biophysics ti le Bioengineering ti le hoi zong kha a um rih hna. Mahi biology hi a hlan Greek mi pawl in a ra thawk cang. Aristotle nih saram kong a tial mi kong in a ra thok. 16 th century hrawng ah Microscope an ti mi mit hmuh kho lo mi rungrul hme te hna kha hmuh kho mi “hmanbiluu” phunkhat kha an ser kho. Mahi ser nak ruang in a tu chan kan cawn lio mi Microbiology, Cell biology and molecular genetics, le histology te hoi kha a rak chuak. Biology than cho nak caah bomhnak pe mi hna chung ah cun Aristotle, Lamarck, Linneaus, Mendel, Pasteur, Hook, Darwin, Claude Bernard, Cuvier le Huxley a si hna.
AMT
***** Kan lai holh hi a tling lo caah mirang holh ka telh chih pah. Cunin hi article hi um har pheng ah ka tial chom mi le lai holh a tha tein a thiam lo mi ka si caah lai ca ka tial mi zong ka palh mi tam pi um ko. Rak ka ngai thiam law nuam tein rel kho rak ka zuam piak ko uh tiah ka can nawl hna. Ka lawm***** |
