FRA ANGELICO (c. 1400-1455)
Boa parte da súa vida pasouna no convento dominico de San
Marcos, en Florencia. A súa primeira obra ten claros recordos do Estilo
Internacional (o seu mestre foi Lorenzo Mónaco, representante desta tendencia),
como é o caso da Anunciación do Prado (c. 1430-32), onde as figuras son aínda
moi planas, a arquitectura, delicada, é gótica, a perspectiva non está
plenamente lograda e asistimos a un afán polo detalle.
Fra Angelico pinta as paredes das celdas de S. Marco na década
dos cincuenta. Nestas pinturas móstrase
sabedor das novidades do seu tempo: as figuras adquiren un volume,
e vemos un tratamento da luz máis científico. A débeda con Masaccio é
clara.
Na mesma etapa pintou as paredes da Capela Nicolina no Vaticano. Comprobamos que o seu estilo xa está consolidado e que hai un claro interese pola perspectiva.
Bibliografía
C. Gilbert, How Fra Angelico and Signorelli saw the End of the World, University Park, 2002
VV. AA., Fra Amgelico and the Chapel of Nicholas V, Cidade do Vaticano, 1999
C. B. Strehlke, Angelico, Milán, 1998
Vínculos