二零零一年十月二十八日
天氣：好 心情：嬲
點解有d人真係可以三番四次令我覺得討厭，人既容忍度有限，大家都係一個普通人，佢點解係都要做到至高無上，係都要做一個霸者。但佢又知唔知道佢呢種黑人憎、不知所謂、討厭、自我中心、自以為是的性格，會令我覺得我曾經識過佢係一種羞恥。
我從來都未試過咁討厭一個人，希望佢好自為之。雖然古語有云：『上天有好生之德。』但我亦相信有報應呢樣野。
二零零一年十月二十七日 天氣：好 心情：有少少唔開心啦
換了淺淺的藍色，係希望下一個月可有平平淡淡的生活。
今日練劍，同一天有兩個人說出了我打劍的弱點-->驚，係我致命傷，要好好地改.......
又一次馬拉松式的會議..今次係dinner meeting，又好齊人，希望事情快d完結，最開心的似乎係搭車、食糖水時的"evaluation"!
二零零一年十月二十三日 天氣：唔錯 心情：痛
今日知道又發生了大件事，顯然令我難以平靜。本以為一切也可以暫且放低，開開心心，但又再一次影響了我的生活、我的情緒，我不能冷靜，有時候覺得生活平淡就是枯燥，但現在的我反覺得生活平淡是一種福份，縱使是把人悶得發瘋，但原來並不容易。『心』已經很累很累了。
二零零一年十月二十日 天氣：涼 心情：沒甚麼
由前幾天開始，頭某一部份已不斷地痛，好辛苦，咩都做唔到......
朋友，你今天唔開心，我好明白你既處境，因為我都有類似既問題，但係我相信我冇野係做唔到...亦都相信『天無絕人之路』所以你也不用太過擔心，總有一條適合自己既路，不要停滯於一時的執著，有唔開心的便找我啦!其實我知你未必會見到，但有機會的，希望你明白!
二零零一年十月十四日 天氣：好好天、有點涼 心情：恨
今日好眼訓，眼也撐不大，下午開了一個緊急的會議，呢一個會議好有效，好多意見。但我卻不願有呢個會既出現，人生的恥辱，一生的污點，什麼可怕的字都出晒黎。好像是一個諷刺，這樣一件令人憤怒的事，卻令我們團結起來，但縱使我不贊成什麼，我仍會與大家共同進退，因為我永都係香港城市大學學生會第十四屆劍擊學會的文書。
二零零一年十月七日 天氣：好好天 心情：沒甚麼
Joint-school既比賽已經完滿結束，沒有勝利是意料中事，汲取經驗才是重點。原來我係劍擊裡，仍然是一個初哥，好希望往後的日子能夠俾心機練習。
關於功課，當然係懶，對我來說，再沒有更適合的形容詞了。