My life
2001年1月16日
漫長o既考試終於都完結，真係好辛苦好辛苦，這個考試不但要考試，還有很多掛慮，希望能在新一年之前，完完全全地放下.............有一個新的開始。
2001年1月18日
今日終於解決...又唔可以話解決...應該是放低了一件事，個心好舒服、成個人都鬆曬。原來我都唔係樣樣o野都講得出口，anyway事情算是解決了一半。仲有呀，今日同一個老朋友傾了一整個下午，感覺好開心同舒服，好慶幸有這一些老朋友與我分享和分擔。可能我地有少少同病相憐，但係雖然我地經歷了一些唔開心的事，而我們則相信這些事可使我們更懂得去面對將來的難題。努力吧，我的好朋友!希望我的所有好朋友(不論老或後生的---即是新朋友)都能好似這位老朋友一樣....能Keep住一同分擔喜與樂!!
2001年1月19日
今日要番學上一個Auditwork Lecture，九點半開始，但好似好耐都未試過o甘早起身，賴床o既陋習又再發生......其實每個人都身處係唔同環境之下，而有唔同o既身份，而呢個身份亦係形成每個人不同性格的重要因素，而我相信這個世界有不同性格的人，是要我們嘗試一下充當一個身份。倘若我們所有人都能夠明白別人的處境，或許這個世界會少了很多誤會，但又正因為呢d關係，才會有愛情同友情o既產生，或許....我們是應該去學會珍惜呢d關係。
2001年1月20日
今日係屋企無所事事，但又冇出街......不過有好多原因......要面對的總得要面對，發生乃意料中事，只是在來臨的一刻能否面對。But anyway，整件事總算解決了吧！知道的朋友也不必再替我擔心了，不知道的也不必考究了，只要知我又可是笑容滿面、BiLiBaLa的卡曼便可以了^..^！
2001年1月21日
今日雖然唔係年廿八，但我屋企就『簡』o左今日大掃除。可能已經好耐無運動，搞到而家好累，不能再動了。尋日終於開始寫年記，太耐無寫o甘多中文，我怕這本年記會在不知不覺地寫上一年。但我好希望可以快d寫好，因為我將來可以睇番好多o野，可以令我好懷念！
2001年1月22日 年廿八
今早8點開始ADD / DROP ，我又晨o甘早起身準備，好彩，雖然個時間表唔算得上係Perfect，但起碼有一日dayoff 同無天地堂，新的時間表我已upload上我呢個網裏，有空去看一看吧!!
2001年1月23日 年廿九
話o甘快就到左龍年o既最後一日，實在過得太快喇！今日同愛菲睇了套『終極天險』(Vertical Limit )，這套戲並唔係我 地兩個都想睇，只係在毫無選擇之下，但又睇戲心切，於是就睇左呢套。真係錯有錯著，呢套戲有令人感人o既地方，亦有心驚膽顫o既場面，It's deserved!好耐都冇行花市，真係好多人，每個當攤都堆滿人，所以同屋企人好快就行完走lu!
2001年1月24日 辛巳年年初一
恭喜發財！萬事勝意！學業進步！事事順境！蛇年行大運！有拖拍o既就甜甜蜜蜜，未有拖拍o既就希望你地係蛇年行番個桃花運！今年o既新年氣氛不及往年的濃厚，我都沒有感到特別的緊張或者興奮，只當作一個普通的節日吧了！
2001年1月25日 年初二
天氣忽然轉涼了，更下著毛毛細雨......因為唔想搭車(熟識我o既朋友就會知道)，於是便留係屋企。很細心地看完一個朋友的整個homepage，之後o既感覺你：小毛見大毛......我的個人網頁就......哈哈!不要提了!
2001年1月26日 年初三
今日同幾個朋友去睇<鍾無艷>....好好笑，我都幾鍾意笑片，原因係睇完之後可以好好開心，煩惱都少d~!!
2001年1月27日 年初四
已經好耐無唱K喇，今日同阿Ling、Vicky + Vicky男朋友，雖然個喉嚨唔多舒服，但可以嗌下，發洩下，都算係人生一大樂事!之後o係尖沙咀行左一陣。
2001年1月28日 年初五
原本今曰係約左芷欣同阿Ming一齊睇已經過晒氣o既<大逃殺>，但因為時間唔o岩，最後都是泡湯了~~!但anyway，今日見到呢兩位老友，依然覺得好開心`-`!!!
2001年1月29日 年初六
要番City 開會 + 打羽毛球+去了旺角睇Polling 時著o既衫......
2001年1月30日 年初七
人日---人人都生日.......今日與同學們大夥兒到香港島某一處(因為唔識打個名，太深!!)BBQ，好耐無燒o野食，原本諗住BBQ會好暖，因為有個火爐......
但結果因那裏太高，再加上有個一望無際o既海.....
所以依然好凍~~~~但係可以好美o既夕陽慢慢落山，凍d都唔怕啦!!!朋友----在人生裏像是微不足道，但事實上卻影響至深，要找到一個普通的朋友並不困難，但要找一個願意分享、聆聽又志同道合的朋友實是一件難事，我一定會好好地珍惜我身邊的好朋友!!