五月之星-- 不是我!
31/05/2002 天氣：不錯，但電視話會有雨
依然是沒有工做，在家中等。
但我相信一切都會平息，無錯，真的沒事了....我要放聲大笑..哈哈哈！
仲有敏子，我要屈蛇！祝你快d搵到工............(for你的宿費同我的韓國之旅)
今晚與小vic小肥相約於富善的糖水店(但現在已是一所只有不足十款糖水的糖水店)，重點不旨在糖水，而係我地談天說地的聚腳點，近日大家都有好多野要互相follow up番，小肥一句可表達今晚之感：『朋友好緊要！』因為我最近都發生左好多事，抑壓太多，今晚幸得兩位好友聽我『腎』，覺得舒服左好多好多，你地唔係我堅強的理由，但你地係我開心的理由。多謝，多謝小vic請我地食今餐。
29/05/2002 天氣：stable
因為朋友的全力推薦，終於看了<新紮師妹>，我發覺自己沒有長大，幼稚得很。
今日第一日去南華練劍......終於有得練劍，希望可以做好準備應付o黎緊既比賽。
28/05/2002 天氣：好
討厭人的嘈吵聲！
我唔擔心，因為我樂觀卦？！我知道一定會冇事！唔會有事！
27/05/2002 天氣：很不錯
今日是最後退宿的日子，回校退了宿，與JO去了行旺角，這可是我第一次同佢行旺角呀！原來她是個路痴，但我地今日都完完整整地將可行的地方行過了，收獲可不錯呀！所以就冇錢了~~~~~~~
今日游水游得好痛快呀，感覺同以前唔同，好像健康了，不再像從前一樣像池邊玩水，故我有點兒鄙視那些(雖然自己曾經係)在池邊聊天的人，阻住我游水....
正在上網之際(零晨一點)，在房聽到筷子聲，打開門，見到家中兩老(爸媽二人)在食雲吞麵，老豆話阿媽話肚餓，煮俾佢食，咪順便自己也食埋一份，見到佢地，突然覺得好好笑.....
(今天的橙色襯番JO的新鞋^-^)
26/05/2002 天氣：好
玩具始終是玩具，兒嬉得才兩天，就被小朋友弄壞了。小朋友，可愛又可惡，當他把你的玩具反轉再反轉的時候，真的很可惡；但當他手拉著我隻手，溫柔的兩聲姐姐時，又發覺他很可愛。
測驗準嗎？我不信！哈哈，因為心裏早有了答案。
24/05/2002 天氣：ok啦
我咁健康，今日既活動就緊係去打波啦，不過今次係去city打，因為冷氣太大，所以連汗都唔多滴，比起o個日係富亨，差天共地.......
原本今日約好了少芝去許留山，但因為要上公司拎新玩具，所以又要改期，一連兩日放人飛機，真可惡，因為我太討厭人放飛機！
同大食搭車途中，都係講搵工d野，好想快d有野做，唔想再游手好閒！
23/05/2002 天氣：好
今日將所有宿舍既野都搬晒番屋企，HD407已再沒有屬於我既野，而我亦不再屬於HD407。好彩有JUNEJUNE同JOJO幫手............Thx!
唔好意思，今日唔係有心放你飛機！
22/05/2002 天氣：好
昨晚訓唔著，所以今天遲到了。
同小vic+小肥打羽毛球+壁球，出了一身汗，好舒服！如果日日都好似咁樣打波，無憂無慮，幾好呢？
I do the housework for a whole day again!A good daughter.,....hehe
21/05/2002 天氣：陰卦?!
毛肥生日快樂！
今日番嶺南執野同練劍，一個字--亂！
今晚又唱k了，係又，有8個低重心成員出席，無出席的就係Alison啦，Maisie，死仔包同飛機仔囉！肚子飽飽的.........開心定唔開心，說真的開心！
習慣了！
20/05/2002 天氣：滂沱大雨
久違了的嘉兒在我家睡了一晚，很開心與你談了一整個朝早。希望你成功，我就唯有等.............
Congratulation to Ivy! I will make a wish for u!
19/05/2002 天氣：大雨
今天在家裡無聊，租了隻韓片vcd，名為<愛的空間>(Ditto)。一套我從未聽過的片，只是好奇及沒有其他戲好睇。故事卻令我很深刻，女主角金和露(大學生)暗戀一個學長，豈料在一次偶然中，用無線電通訊器與一個2000年的同校學生通話，而這個男子就是她暗戀的學長與她的好朋友所生的兒子，因為他們的對話令她知道她的真命天子不是他。可憐的她帶著悲痛的心情靜悄悄地退出了。女主角的那份愛深得令人感動。這套片非常好。
之後，竟然同5位小學同學出去唱k，本是一大班人聚會，最後卻只剩下我們6個。我和嘉兒本以為悶壞了，與他們又不熟，點知出奇地好玩，之後仲一齊睇<見鬼>，仲要睇零晨12點場，好恐怖，最慘仲要俾佢地由尖沙咀嚇到番大埔，仲o岩o岩番到屋企三點鐘，好驚險呀！
18/05/2002 天氣：雨
原來我是一個如此小氣的人，近排各人或各事都好容易觸怒我，連我自己都唔知點解？希望我唔好再係咁.........
<高斯福大宅謀殺案>結果已經好簡單地交代了。
17/05/2002 天氣：ok啦
小肥問點解突然會這樣想。我是一個愛想東西的傢伙，沉思是我的習慣，幻想是我的嗜好，我愛睡覺時做夢，不知是什麼原因，總之我就是這樣子！
今日大部時間都放在講電話，因為要去睇戲，每次總有些麻煩，常要費盡唇舌，突然覺得自己太悠閒，沒事做似的。好可惜，事與願違，總有人令我失望，沒有強迫的理由，更沒有嬲的理由，只是有點無奈、有點失望。還是不要玩太多了！
16/05/2002 天氣：有雨....卻不影響我的心情
考完試的第一日，心情大好，皆因有好多野要做：
(1)同阿媽飲茶，補祝母親節！
(2)剪頭髮，迎暑假。(但之後發覺唔差得幾遠。)
(3)要簽下卡，強烈購買慾番番黎...........
(4)約了Jacky食tea>>>>>>>
(5)約了小vic同小肥K buffet............今天很充實！
回到家中，有一點歉疚湧上頭，固決定了要改變！始終朋友都係好重要。
vic：我地要再約，我地決定下次去麥記食兩蚊雪糕，然後可以傾足一日。
12/05/2002 weather:Good!
好想寫日記，於是提起筆便寫了。
看陽光，精神也為之一振，堅持到library溫書，只想走走那條短短的斜路，感受一下陽光！
考得不好，意料中事，我常在想，我會不會有一次考試我是識而有一種開心的感覺呢？好像有點難.......
昨晚on了一陣line，見到Rita，基於我send msg給她就會hang機，故她invite me to chat，只談了一會，但很開心，她真的很有心，她特登同我講話要去廣州internship，28/06先番，雖然好似好少事，但作為朋友，她親自話我知翜要出門同番黎既日期，有很暖的感覺，因為我知道，我有你這個好朋友。
開始睏了，很難投入溫習，但係唔可以，我要努力！
hermi's live honest:
Fencing is a mental game
to learn to deceive
it's difficult...................好想練劍！
小肥話我未讀完考試，卻沒有從前那種擔心得要死私樣子，原因是什麼呢？前幾科都唔太好，餘下的也沒有太大期望，只係望唔好出得咁深！
期待星期四可與小vic小肥唱k...........
試後節目預告：Thu k with 小vic&小肥
Sat 與低重心睇戲 (高斯福大宅謀殺案)
Tue 練劍+同毛肥慶祝生日
after exam 去毛肥大陸屋玩
08/05/2002 weather: ok
Happy Birthday to Jacky Fung!
I've tried my best to concentrate on my study, but I still feel tried and annoyed ..............
07/05/2002 天氣：熱
你真的令我很失望！很痛心！
與annie慶祝生日，EXP again，除了談我們的近況，也一齊講番中學的大笑話，突然間好想出一本中學笑話連篇，感覺大家好親密。
明天要在城大最後衝刺，多謝小肥陪我番左幾日libra，但依然好討厭你成日晒命。
爸爸病倒了，我不知道。我不懂為人女兒，不懂為人家姐，不懂做一個好學生.................
06/05/2002 天氣：又係熱
jeremy生日快樂！同低重心食飯好辛苦，除了腸胃要蠕動外，仲要加埋笑呢項運動。
05/05/2002 天氣：熱得要命！
在這個revision week的日子，我沒有溫書........carman真大膽考試唔溫書？因為阿ling啦、毛肥、阿軒同奧雲今日打比賽，我要去睇佢地同幫佢地加油。佢地沒有凱旋而歸，我覺得眼界大了，劍擊唔係年青人的專利，我今日見到一d肥叔叔、日本叔叔、好似印巴籍叔叔...........仲有有充滿大陸口音的地中海伯伯............見識廣了！
我們又意識到係我地停滯不前之際，別人已進步了許多許多，這個地球真係轉得好快若我們還不加快腳步，趕上前，烏龜贏不了白兔，因為原來白兔是永遠都不會停在樹下休息的！
我要由烏龜變白兔！
04/05/2002 天氣：好熱呀！
Annie姐，生日快樂！祝你笑口常開，快d搵番個...搵番個咩呀?你鍾意啦....
今日好好好熱，要幫阿妹去旺角拎贈品，今日一點鐘係deadline，但我12點45分都仲係條街到迷惘緊，唔識去，但我可真好彩，有架電X盈科的車在街上，當然車旁有個該公司的職員，咁又有咩關係?因為我要拎既係該公司既贈品，佢自己公司冇理由唔識去卦，佢好好人，佢話完俾我聽點去，仲話十分鐘一定到，唔駛擔心........哈哈...但這樣子在烈日當空下跑，比做GYM出的汗還要多！
近日各人好像都會有與家人...特別是爸爸的關係出現問題，我與爸爸的關係，算不上惡劣，但還是與媽媽好些，可能因為爸爸成日要番工，溝通時間唔多，所以造成互不瞭解的情況，但我心裏是知道的，爸媽都好疼我，但我就是改不了壞脾氣。其實爸爸是一家之主，他所承受的壓力很大，我好明白擔起頭家的感覺，從我有意識開始，我知道爸爸因病而唔番工都不足五次。十多年了，要他風雨不改地為糊口而辛勞，真的很偉大！但爸爸也因為長期埋頭苦幹，古老的思想沒有改變，故還是老樣子！這個又『紋塞』又疼我的慈父，真的要付出多點時間去與他相處。
我好明白當他令你討厭時，你會對他沒有一句好說話，但你心裏還是知道他是你的爸爸！
02/05/2002 天氣：熱呀！
最後上課日，心情會特別輕快，今天的普通話口試考得好差。今天的日記唔知應該點打，只係就黎考試喇，我想集中精神。每次總有事情纏繞著我，但現在的我已變得麻木，好像是人家子的事，與我何干？但我不可不理。
Ronnie，個background係咪好熟呢，因為好靚，所以save來用，hehe.....
01/05/2002 天氣：熱+曬
尋晚四點先訓，因為同Iris傾偈同做termｐａｐｅｒ，傾既時候好開心，唔覺晏訓，而家就知死喇！
又睇左戲－－＜The Majestic>，失憶好慘，我係一個好冇記性既人，同失憶差唔多，所以感受到失憶的痛苦。學了新的ｐｈｒａｓｅ－－"many people in buzzy"好多人蜂擁而上咁解。
我尋日得知ｆｉｒｓｔ ａｉｄ 及格了，超級開心，我要做既野，一定要做到！
What goes around come around?
工作，可以不必要汲汲營營；
用心去愛，即使你曾經受傷；
盡情跳舞，引猴高歌，
管別人怎麼想，讓自己活在人間天堂。