Un cammino in versi

Questa pagina riporta il cammino di riflessione della Comunità di Bosco in occasione delle grandi feste.
Dal 1986 un gruppo di persone propone un tema di riflessione e dei segni (poesie, quadri, scritte) che vengono presentati e illustrati durante le celebrazioni.

"Questo si fà in amicizia, insieme, in un piccolo paese."

Cercare colui che non conosci,
conoscere colui che non vedi,
vedere colui che non tocchi,
toccare colui che già

ti ha cercato,
ti ha conosciuto,
ti ha visto,
ti ha toccato,
ti ha amato.

E' fidarsi di chi
si è già fidato di te
affidando
alle tue fragili mani
un dono d'amore
che vale ogni rischio.

Signore, Salvatore promesso,
i miti marciscono
come foglie
di morte stagioni;
le scelte si logorano
come vestiti
consumati dall'uso;
le verità sono sepolte
sotto lapidi
di lucida carta stampata;
gli spiriti gemono
come donna
in un difficile parto.

Gesù, figlio di Maria,
la fede coltiva
deserti d'incredulità;
la speranza ravviva
attese d'impotenza;
la fedeltà prepara
futuri di liberazione;
l`amore matura
il tempo della gioia.

Emmanuele, Dio con noi
sento che torni
dal confino del cielo
a visitare un uomo
brancolante alla vita
per rinascere in lui
come Cristo vivente.

Risurrezione è il vento di Dio
che trasforma potente
la falciatura della morte
nella mietitura della vita!

Eternità di un amore
rinato piagato
degli inferi dell'abbandono;

canzone di vittoria
suonata col corpo
di uomo crocifisso;

festa del Nazareno
che ha rubato alla morte
l'ultima parola.

Storia di attese consegnate dal tempo,
storia di ansie divenute impazienza,
storia di promesse ingrandite dai sogni
dal bisogno dell`Uomo di essere forte
protagonista estasiato di un evento esaltante.

Storia di gente creduta importante:
gran sacerdoti e capi del popolo,
re, cortigiani e impiegati di Stato,
persone studiose e falsi profeti,
gruppi devoti e ingordi mercanti,
credula gente e buontemponi ignoranti
tutti in attesa, col naso all'insù, del segno grandioso,
l`astro di fuoco, la gloria di Dio
che viene dal cielo.

Tutti in attesa per essere i primi
a sfruttare il prodigio
per proprio interesse:
ottener privilegi e troni usurpati,
la gloria di un regno promesso dai saggi.
Ma nessuno sapeva, nessuno credeva, nessuno si aspettava
che la luce dei popoli, la stella del mattino,
sarebbe stata una stella spenta:
la carne mortale di un bimbo illeggittimo, riconosciuto in gran fretta
per coprire lo scandalo.

Sogni di gloria svaniti al mattino, grandi progetti
rimasti incompiuti, sacrifici e preghiere
innalzati nel vuoto.
Rabbia di gente delusa da Dio
sfogata nel sangue di bimbi innocenti.

Storia di una donna chiamata Maria,
ragazza vivace che sente nel sangue
un fuoco di vita; impazienza d' amore
appagata all'incontro di sposo imprevisto il Dio della carne
che rende feconda e dona la gioia
di essere madre.

Ma una madre-ragazza soffre calunnie
di saggi arroganti, compassione pietosa
di umile gente.
Lacrime amare tenute nascoste,
cuore sposato a un amore di croce,
carne marchiata con spada di fuoco.
Fulgore nascosto di una nera stella.

Storia di un uomo chiamato Giuseppe,
disprezzato da tutti perchè privo di grinta,
ridotto in miseria da antenati gaudenti
è chiuso da sempre in un silenzio di pena.
Costretto a sacrificare il suo onore di uomo
è chiamato ad amare un figlio non suo,
il Dio sconosciuto che dona una gloria
nera di scherni.
Invisibile luce di una stella spenta.

Storia di gente disprezzata da tutti:
erranti pastori ignoranti e ignorati,
pagani e stranieri poco ben visti,
vecchi profeti consumati dagli anni
benedetti da Dio col dono nascosto
di leggere il segno dell'oscura stella
che colma il cuore di gioia incompresa.

Storia di un Dio chiamato Gesù
Signore di luce, creatore di stelle
che scherma il fulgore con corpo mortale
e rende impotente la forza di Dio
sorgendo inatteso da i tuguri del mondo.
Pianto di gioia, canzone di festa
cantata da un Dio che ha cuore di carne:
stella spenta, luce di uomo,
eclissi di Dio fino al giorno di Pasqua!

Ho riletto con velata passione,
sillabandola lenta ad un bimbo,
la favola dolce del passero
che, migrando in terra di sole,
si è punto alla spina di un uomo
incoronato da Cristo in disarmo.

Un grido di acuto dolore,
una calda goccia di vita,
un pronto battere d'ali
si fonde - per dono -
all'urlo di una gola assettata,
al freddo sudore della morte,
al volo alla pace di un'anima.

Sposalizio che firma le piume
del rosso colore d'amore,
boccheggiare di petti squarciati
che balbetta la tenerezza di un nome,
semplice passerotto da siepe
rinato pettirosso di Pasqua.

Ripenso a passeri d'oggi
nidificati in siepi di case
di società in migrazione violenta,
feriti al dolore di volti
schiaffeggiati da sicurezze in sfacelo.

Mi pulsa nelle vene la gioia
di pettirosso, migratore di fede,
che ha tinto a sua anima
del bruciante colore d'amore.

Fòrsi la gh'éa pensà, coalche òlta,
za coando la ghe l'éa nel sen
che coél che la sentéva drénto
un dì l'aréa serà per sempre i oci
E a sto pensier catio,
l'éa sentìo pal corpo sgrisoloni
e un sudor fredo e la peldòca.

Fòrsi la gh'éa pensà, coalche òlta,
goardàndolo zugar con sabia e sassi
o fin che lu 'l magnaa la papa
e la s'éa sentio mancar el fià
portàndose a coél dì
che lu 'l saréa spirà.

Ma la croce no.
No la saéa che la saréa stà la croce
par so fiol l'ultimo leto,
par so fiol vegnù da éla,
drénto de éla fato a vivar
come le mame vol che viva i fioi.

No la podéa pensar
che 'l late dal so sen ciucià
saréa dentà pi tardi asédo e fiél.

Che la so òsse bona de mama,
ciciolà pian pian nel cocolar,
un giorno in urlo se saréa cambià
a sbregar l'aria nera che infassava
el so stesso sangoe là ingrumà
su la péle bianca de so fiol.

'na dona
su strade ingiassè.

La porta la Vita
che in croce
pi tardi finisse.

E mame
ai pié de 'na croce
ancò ghe n'è tante.

A lènto
'n inferno
consuma so fiòi.

Le mame
le vòl
un bianco Nadal
e cante de ciel
e sogni a colori
pal sono de un tato
drento a 'na cuna.

La vita nei òci
le mame
le vòl par so fiòi.

I sogni desfe.
Sgaolè come calsina dai muri.
Oléene alora èssar perfeti.

Ma longo la strada s'émo catà
a sentirsele drento le ròbe sbaliè.
A védarle atorno ciare nei altri.

Adesso saémo de che pasta semo.

Cussita sentemo de olerse pi ben
nel bisogno de darse uno co' l'altro
'na man par tirar ancora avanti.

Fin che se pol.

Passàndoghe sora ai nostri difeti.
A le debolesse.
Sentemo che cresse el ben che ne liga.

E za lo saémo che ogniun de noantri
da lu solo l'è gnente.
Vivemo parché insieme se stemo e podemo iutarse.

Coando 'l g'à vu coéi coatro muri
in do' poder serarse
a ripararse
insieme ala faméa
dal temporal,
da l'acoa che pioéa,
da la sita brusina che cascava,
da la tompesta seca che vegnéa,
dal vento
che le piante 'l rabaltava,
dal fredo de l'inverno e de la note,
l'omo -mi penso-
el s'à ciamà contento.

Soto i so copi
l'à isto el so refugio.
Un posto co' la tòla e 'l fogolar.
E sora la toàia el pan sudà
ne la fadiga longa.

Ma no' bastava a l'omo
coèl posto tuto suo.
De 'n'antra casa lu 'l g'avéa bisogno,
pi granda, in do' 'l podésse star
insieme con coéi altri so vissini,
là par sposarse
o invésse batesar
o dimandar perdono dei so pecati.
Par èrghe in conclusion, coando sta vita lu 'l cognéa lassar,
la so benedission.

Là 'n' antra tòla
e sora la toàia sempre bianca
un pan de vita eterna.

'na casa granda
in do' poder pregar
nei giorni bruti
nei giorni bei
longo sto nar del tempo
insieme a tuti coanti so fradèi.

'Na man
a ci ramengo gira
co' la so vita in forsi.

Ai zoéni che se droga.
Ai vèci bandoné.

A coéi che sgrana giorni
là drénto in 'na présòn.

A ci no g'à 'l coràio
de nar avanti ancora.

'Na man
tra de noantri.

Gh'è Cristo in ogni omo.

Insieme da fradèi
tegnèndose par man
podémo caminar
sicuri ne la luce.

Strapeghemo 'l nostro tempo
tra paure e dispiaseri.
Lé vivemo
in ci à perso le fameie
ne la goera.
Nel scapar da le miserie
de la gente desperà.
Lé patemo in casa nostra.

Tante òlte
ne par coàsi de morir.
Ma vissin al nostro nar
gh'è l'amor samaritan
che catemo nel Vangelo.
Gente bona anca adesso.
Drento l'orto dei olivi
anca Cristo 'l gh'éa paura
là...Lu solo...bandonà.

Ma l'à vènzo 'nca la morte.
Par amor.
Sì... l'ansiar
el ne struca tuti coànti.
Goai se po rivando in fondo se catemo a mane ude
par no èr gnan mai pensà
a ci patisse.

Drento l'orto de la vita
come Cristo, par amor
scancelemo la paura
e campèmo piassè ben.

Stanote
l'è tempo de speransa!

Se 'l longo tribular
che adesso crùssia 'l Mondo
'l ne fa paura a tuti...

Ti..Cristo 'péna nato
Te si vegnù a salvarne.

Impréstene 'l To cor
parché imparémo un poco
a 'olérse piassé ben!

Che i nostri oci i véda
con i To stessi oci
cussìta se incorzémo
che el patir dei altri
l'é come 'l fusse 'l nostro.

Sentémo i To passi
arènte 'l nostro nar.

Ti solo...VERITA' !

Signor
no sta lassarne soli
parché no se perdemo.

Se cresse el deserto
nel nostro cor...ingordo
'ssa ghe lassémo dopo
a coéi che vien su?

Signor
Nadal de LUCE
in Tera!

Stanote
l'é tempo de speransa!

Alleluja!
Cristo è vivo!
E' in noi!

Sono Suoi i nostri occhi
se li usiamo
per vederci da fratelli.

Sono Sue le nostre mani
fatte solo
per curare e benedire.

Occhi, mani, piedi e cuore
qui ci guida.

Egli vuole questi doni
come aiuto tra di noi.

Con la forza della fede
stiamo sempre tutti insieme
e la vita di ogni uno

in ogni giorno

sarà un salmo a Lui gradito.

Come premio
noi godremo vita vera
bella, semplice, serena.

Làgreme e làgreme..

I òmeni
ièra cofusi
in zérca
del giusto e del vero.

Da un pèsso 'l Signor
ormai 'l sospirava:
- Bisogna che fémo calcossa..-

Alora
So Fiol El g'à dito:
- Stanote vao mi su la tera
e nàsso come uno de lori.
Lo so...che...
mé spéta 'l patir.

De note
gnissuni à dormìo.

Parfin i Re Magi
in viàio i s'à mésso.

'Nca lori i zércava
coél' acoa de vita
che sàssia ogni se'.

I grandi Sapienti
i l'à catà là
nel pianto de Dio
nel gnente e nel tuto.

E come i Re Magi
noantri...stanote...

Tirà zo da la croce
el paréa che tuto
el fusse finio.

- Cristo l'è morto...
pianzéa la gente
che in Lu la credéa.

Ma invesse da alora
s'à vèrto el passaio
pa' un mondo de vita.

Cristo risorto
mai 'l ne bandona.

Scoltemo in silensio...

Nel spirito nostro
sentémo 'l So aiuto
e no'l fa difarense
tra tuti noantri

fin coàndo

gh'è 'n' ombra de omo
coà in tera.

Lori tri
un tato indifeso
na mama un bupà
i porta nel mondo
l'amor de faméia.

L'è sito nel cor.

L'è ansia e dolor
premura e passiensa
e l'è teneressa.

Fadighe ben sconte
da un ridar serén.

Dal longo purgàr...
Nel dar generoso...
sensa spetarse
mai gnente
vén sempre la gioia.

Faméie e faméie
le forma
el MONDO.

- Che péso sta croce...
No so mia
se rièsso a portarla...-
disémo sul colmo del mal.

- Signor...Cristo Dio
'nca Ti Te l'è dito.
Ma dopo
"Fiat volontas Tua".

Col cargo sui ossi
T'è fato i To passi
fin a la GLORIA.

E Ti Padreterno
Te gh'eri a patir
insieme a To Fiol
a So Mama Maria.

La Croce
la slarga i so brassi
e tuti la séra
ne un unico s-ciapo
come 'na mama
so fioi.

Da Ela ne vèn el perdon
l'amor sensa fine
che Cristo
coà zò 'L n'à lassà
par sempre.

Stanote
el mondo in zenocio
davanti a Ti
Signor.

Te gh'è par cuneta
un poca de paia
epure
Ti Te si...DIO.

Maria e Giusepe
T'è olesto
par farte arlevar
in amor e umiltà
distante
da àvide féare
sempre pi ingorde
che séca el cor
e porta ruina
par tuti.

Amor e umiltà
vedemo in Giusepe.

Insieme a Maria
nel chieto laoro
dì dopo dì
e sempre piassé
l'èra sicuro
che Ti
cussita ubidiente
e ben difarente
dai altri...
Te Sèri...DIO.

Adesso
g'avémo 'na vita de ciasso
de pressia de corse. Pi tempo
de métarse chiéti in silensio
pensando de védar...capìr
par cossa vivemo.

De note se oltémo nel leto
par 'm'ansia che urta da drento
e dopo corémo da mati
par essar ben messi.

Ci pensa
ai zòeni che lassa la vita
pa'un mondo...che i vede
cussita sbalià
ai tanti fradei
in mezo a mali e miserie?
Ma coàndo ven l'ora de nàr
cissà coàla ansia ne ciàpa
pa 'l tempo che émo strussià
e pèrso par gnente.

Tegnémosse pronti.
El lume che g'à da far ciaro
su strade che porta a la vita
no 'l sia mai ùdo
de oio
ma invesse che 'l brusa
de un fogo de fede
e de carità.
éo' coàndo batémo a la porta
de Dio
'na osse ne diga ridendo:
- Avanti. L'é festa. Coà tuti te spéta.-
Fémosse solo del ben.
El vento che spassa la vita
el riva sicuro par tuti.
Signor volèmo svéiarse
ma in gloria

Saémo che coà
bisogna iutàrse.

Invésse spetémo
che i sia sempre i altri
a darse da far.

Parlémo
e stémo lì fermi a goardàr.

L'è garba la vita
nel védar serarse
le porte in facia.

Se un dì l'émo fato
provémo vergogna.

Gh'è gente che vive
par darghe coràio
a coéi che patisse.

Persone che iùta
sensa far ciàsso.

Le sole creature contente
coà in tera.

Cussìta
ogni dì
l'è'l dì
de "NADAL".

Pensàr..
de èssar noantri soli
al centro de sto mondo
l'è come èssar persi
in mezzo a un deserto
brusè da 'na gran se'
che no se sassia mai.

Goardémo sempre a Cristo
che coà 'L ne vol fradei.
Lu Dio... Lu Omo
Lu primo... Lu ultimo
par servir i ultimi.

Ci fa del ben al mondo
sia pur con vita curta
'l ven ricordà par sempre
e con rimpianto longo.
Ci g'à 'na vita longa
ma 'l prossimo 'l lo lassa
de fora ai so pensieri...
l'è coà..
ma no l'è gnente.

L'è un solo
che non è mai nato.
Coà stémo sempre uniti
e démosse 'l coraio
che ogni uno zérca.
Insieme a l'Omo Dio
rissussitémo tuti
ne un mondo luminoso.

Dio d'amor
Te n'è fato 'l mondo bèlo
ma par tuti.
L'omo -invesse- l'à capìo difarente.

El vol tuto par lu solo
e cussita l'à portà la confusion.
El Papa El ciama sconsolà
tuto 'l Mondo:
"De sto passo l'omo
'l perde la so strada
e l'è -orfano- de Dio.
Sensa cor
par ci more de la fame
l'omo 'l denta come piera
e l'è -orfano- de lu stesso".

La vita invesse l'è regàl
coàndo ognuno 'l sente drento
coél amor che fa vegnér
'na gran oia de iutàr
e de dir:
"El to ben...l'è 'l ben mio.
El to dolor...l'è 'l me patìr..."

Sensa far le difarense
tra le rasse.

I coarànta giorni iè la vita.
El deseto l'è 'l mondo 'n do vivemo
brincà da l'egoismo
da l'odio
e la violensa.

Ma gh'emo un esempio
se lo volémo védar:
la Tera.
Sì...la Tera...
iutà dal sol
e da la luna
da l'aria e da l'acoa
e da l'amor de l'omo.

La porta fiori e fruti
e gran de ogni specie
par tute le creature.
D'inverno la par morta
ma invesse la rinvièn
co' altri fiori e fruti.

Ci perde la so vita
cussì... come la Tera
par darghela ai altri
la vita el salvarà.
Ci invesse el vol salvarla
tegnendola par lu
sarà a al roèrsa.

L'è às-cio e baléngo el caminar
ne'l sùsio de sti giorni.
Un vivar duro.
E garbo.
Come i pomi che crésse pì bassi,
i pomi pì strassi !
Ma 'l dì che vegnarò mi a sercàrte
par netar i véri de n'indiferensa
bastarda,
chél dì che vegnarò mi a catàrte
par slongar na man
e domandarte ...mi... finalmente...
du schèi de la To speransa,
chél dì...Signor
el butarà colori s-cièti e noi.
E Ti Te nassarè pì volentieri.
E Te sarè el Cristo de ancò,
no el Cristo de ieri!

E sérene in tanti ne le fonde
ràpole de'l vivar,
sconti...par no voler vivar!

E ne la note de i giorni
smorsàene anca 'l lumin
de la cosiensa
par no essar nissùni
ne'l speo rùspio de l'anima.

Ma coando 'l stroo l'alsaa forte la osse
sercàene el tabar de la gente
par fracar ne'l mùcio de i tanti
el nostro mùcio...de gnente.

E solo foie seche de amare ilusion
corea su l'as-cia caredà de la nostra strada,
inutile.

Dopo...è vegnùo el Vento noo,
che scriòltola in alto le nuvole
e roèrsa le ràpole pì fonde,
...'n Vento mai visto...
el Cristo!...

L'à nasià la tola a 'n sogno.
E l'è sta pare sensa soménsa
e sensa nome
de 'n fiol spetà da tanti,
cressùo da lu.

Lu no'l gh'era su'l Golgota.
Nissun ricorda 'n vecio
ransignà da'l dolor de 'n sogno.
I à tirà el boio tuti i sogni
su'l Golgota.

Ma i conta de 'n marangon
che à pialà fin a l'ultimo
i gropi
ne'l dì de la crose.
Come ne'l dì de Nadal,
la cuna.

Core ruspia la strada del tempo,
e sensa séi.
Nessun pol fermarse a ponsar,
el vivar l'è vento.
E 'l piè el va pì legero
se 'l cargo l'è tuto spartìo
.In cao el Cristo el ne speta
coi oci che sbrega le ombre,
in crose anco Lu,
nel tempo.
Ma la crose l'è condana del mondo
par tegnarghe i brassi pì verti
...sul Mondo.

La sèra i oci le cese de malta
ala séra,
e le inciàva col scroco le porte
e le lassa solo `n lumin
par no èrghe paura...

Gh'è cese de carne ch'i è vèrte
ala note,
e le vive de `n Cristo strussià
ora par ora
su `n altar sensa lumini.

I è cese che sà de garbin
e de scomesse paghè a bonora,
coando el sol el ride ancora
ala bruma...
E mi prenoto lì
`sta note
el biliéto del me Giubileo.

I è croè i muri del tempio.
E cùgoli de piere inude
pontèla 'n cel spaìso.
Vansa 'n tuìn de mato incenso
ancora
... rabia e dolor del Cristo...
e .. trenta schei
par dàssio a na desperasion ...
I è croè i muri del tempio.
E s'à sbregà confini e tempo
a l'às-cio de na Crose
che par fogo
drento la note.
E sora ròste de muri e fossi
sgualiè fin a l'ultimo orisonte
... buta el Tempio noo!

Par ti ò parecià in tìnel la tola
Signor,
e g'ò desteso sora a far toàja
l'orisonte de na matina noa.
E t'ò nasià el pan che sa da sal
e che se lèa ora par ora
nel forno che ne sùpia el tempo
fin da bonora.
E t'ò portà el vin che gà 'l saòr
del vivar col sperar in boca
e del saprtir a mane spante
chél che ne toca.
... altro del mejo no gh'era Signor,
sula me tola...
Adesso el stroo el vorà dir la sua,
lassàndoghe ala note
chél poco spareciàr...
Ma ti Signor
inàsia istesso un posto par mi
doman
al to disnàr...

Gh'era 'n tabar de pianto
in chéi giorni
sule spale de Gerusaleme.
...era morto el Cristo.....
E 'l dolor dela Madalena
el somenàa al fondo
le ore del dì e dela note.
...era morto el Cristo.....
L'era finìo soto na piera
l'omo che predicaa de amor
e de perdono,
l'omo dai oci ciàri
che ghe toléa anca el sono.
E l'era garba la desperassiòn
par 'n sogno grando
che parea in balòn...
L'è sta el terso dì, a matina...
che l'à sentìo ciamar "Maria!..."
nel rùspio del dolor...
L'è sta al terso dì, par prima
che l'à cantà noo "...Signor!..."

"...e vegnarà 'n Omo..."
le paréa sbiae 'ste parole oramai
nel stroo udo del tenpio
e nel pregar muto dela gente...
"...e vegnarà 'n Omo..."
...parole che paréa saughe...
E i giorni i s'ingrumàa nei ani
Ma 'l Spirito de Dio el gh'era
e 'l gh'è ancora,
senpre
e vivo!
...Come al butàr dele stajòn
ala creasiòn del mondo...
come nel pregeto grando
che à volùo Maria mama de Dio
e del mondo...
El gh'è e 'l gh'era senpre
el Spirito de Dio...
"...e l'è vegnùo l'Omo!..."

S-ciocàa n'ultima eco ancora
"...L'è 'n dio da sbùrla
che bestiéma de manìe el cel!
L'è mejo molàr Baraba!
... e lu che 'l mora!...!
Pontàra stroa el Golgota
e longa
e sensa fine.
E drìo strada gente a maràja
che sassàa e ridea
'n Cristo ransignà a na crose.
Solo na dona spartir el pianto,
solo na dona a sugar sangue
e dolor.
Par strucàrse fisso al sen
almanco 'n pegno
de 'n Omo che s'avéa strussià
par darghe 'n slusòr pì forte
al Spirito.

… fiape teraìne ai cantoni
e ‘n tuìn che buta al rànsego,
arsàre inutili a pontèl dei muri,
caréghe de ‘n velùdo tarocà
a tola de ‘n caról che ruma
e ruma…

… Sùpia el to Spirito Santo
Signor
sul nostro parécio insulso
sensa orisonte.
E fa che ‘l tira in longo,
fin sui canpi de l’odio
e dela guera,
par sgualiàr a livel
ogni frontiera.
Sùpia, sùpia forte, Signor
sula fede straca dela Cesa.
E spaciùga muti silensi,
beléti e cipria che no gà valor
e no fruta gnente…
La gà da essar viva e s-cièta
par contàr dela to scomessa
e starne senpre chì… darènte…

Spetàr,
ne l’aurora che se sfànta in vespro,
al sol che s’inmàscara de luna,
spetàr …
… ‘n Dio somenà drento na cuna.
Spetàr,
coi oci fissi in fondo a l’orisonte
e su péste sgualiè da ani e tenpo,
spareciàndo l’anima e ‘l doman
da tute le paure,
le delusión,
el tormento.
Spetàr,
par vedar vivo un sogno
butà da na promessa,
e rancuràr mane vecie e rasìe
… par na caréssa.

… E adesso che l’è chì … Signor,
tìrele pur zo… pianìn… le taparèle …

El n’à goardà in facia a uno a uno
… ti… ti…ti…
(… ricòrdito el Getsemani…?
altri nomi alora… ma i oci i era i stessi!)
e ‘l n’à ciamà tuti a spartir
l’as-cio de ‘n dolor incancanà nel mondo
che gà ‘l solo pontèl nel star insieme
e in la preghiera…
… ti… ti… ti…
(… scolta… scolta… gh’è n’eco ancora,
scolta… come alora… ricòrdito?…).
E come alora gh’è noti de dolor
fora ‘l meàl de casa,
e guere dai denti caìni
passùe fin al col dala nostra arogansa.
E come alora n’inbalóna ‘n sono maitón…
Se ruma… apena… apena…
‘n sguìsso de orassión
o ‘n fil de crussio e de tormento
l’è par darghe el sbiào ala cossiensa
e taconàr
el nissól de ‘n sliso sentimento…
Goàrdene in facia Signore… e ciama ancora…

Parole malcónse
a cocón,
teraìne de n’anima.

Scolta invesse…scolta…!
E bissa
‘l silenzio che ruma,
palpando ale raìse
i so sgrisolóni!
E pocia i to labri
nel soriso de ci no se vende
par coatro palanche
e nei oci de ci no s’inpìssa
al fià de ‘n parécio.

Dopo
sarà Parola vera
la to osse.
E anca el Cristo
el starà lì a scoltàrte,
in sentón
drento el to Tempio…