Carlos E. Encisa de Sá

Asociación de veciños de Santa Mª de Tebra

Casa social de Tebra - barrio igrexa s/n

Tomiño

 

 

 

Novembro de 2004

 

Sr. Xefe provincial de Correos:

 

Como presidente da Asociación de Veciños de Santa María de Tebra (Tomiño-Pontevedra) diríxome a vostede en nome dos veciños para transmitirlle o noso profundo malestar polo deficiente servizo que se presta nesta zona.

O val de Tebra está separado 7 quilómetros do centro de Tomiño, onde a oficina de correos pecha ás 12 da mañá de luns a venres e os sábados ás 11. Ata o pasado mes de agosto o reparto producíase nesta zona tan só dúas veces por semana, que xa se pode considerar escaso, pero nestes últimos 3 meses apenas houbo reparto, limitándose en moitos casos á correspondencia certificada.

 

Entendemos que a dispersión nas zonas rurais dificulta o traballo dos repartidores, pero pensamos tamén que non ten xustificación que nos últimos catro meses realizaran xa o reparto catro persoas distintas. Deste modo resulta imposible que se faga este servizo público de forma correcta.

 

Solicitamos desa xefatura provincial se poñan os recursos humanos e técnicos necesarios para resolver estas deficiencias de inmediato e anunciámoslle que mentras non se resolvan continuaremos reclamando os nosos dereitos como cidadáns.

 

 

En espera de solucións despídese atentamente,

 

 

Carlos Encisa de Sá (DNI 36107653-E)

Presidente da Asociación de veciños de Santa María de TebraOs abaixo firmantes solicitan da Consellería de Política Territorial, Obras