Sr Conselleiro de Obras Públicas

D Alberto Núñez Feijóo

Tebra, 11 de xuño de 2003

O presente documento é unha descripción concreta daqueles puntos que as obras da nova estrada PO-351 Couso-Tomiño deixou sen resolver ou resolveu do modo non satisfactorio para os veciños de Santa María de Tebra.

 

En nome dos veciños de Santa María de Tebra, transmítolle a nosa preocupación por obter solución a estes problemas que un ben común (a nova estrada) está a producir nun grupo de persoas, como xa quedou latente nos escritos dirixidos á Consellería de Obras Públicas en marzo de 2001 e o pasado mes de abril de 2003, este último acompañado de 1200 firmas dos veciños.

 

Atentamente,

Carlos Encisa

Presidente da Asociación de Veciños de Santa María de Tebra

REGO: A Granxa

Cortouse á auga que alimentaba os regos.

 

AUGA: Depósito de augas de Cimadevila.

A liña da estrada pasa tan preto do depósito de auga que este queda en perigo de derrumbamento. Este depósito dota de auga potable ás familias de cimadevila, está rexistrado e conta coa aprobación da Confederación Hidrográfica do Noroeste.

DESPRAZAMENTO de terras.

Deslizamento do monte Tetón e apertura de brecha. Amenaza para varias vivendas que se atopan monte abaixo.

 

REGO: da presa dos ríos.

Situado preto da zona onde o monte sufríu o deslizamento. O rego procede de máis arriba e pasa baixo a estrada.

 

REGO de Barreiros

 

 

PRESA do río de abaixo.

Quedou sepultada polo recheo da estrada. Servía directamente auga a varios campos, e tamén servía a outra presa que está moi preto, e que polo tanto quedou sen suministro.

REGO da Marronda.

Na actualidade solucionado en parte.

 

ACCESO ó monte.

No lugar chamado “a volta da Marronda”, polo momento queda con demasiada pendente, tendo en conta que é unha pista de terra.

FONTE-pilón.

Tradicional fonte na que tamén había un merendeiro. Aquí collían auga non só os vecinos senón moitos viaxeiros que circulaban por esta vía.

 

 

ACCESO a Cimadevila, Ponteciña, Carballal e Outeiro.

Tódolos vecinos de Santa Mª, a excepción dos que residen en Samuelle e parte de Cimadevila, utilizan este acceso dende a estrada para chegar ás súas casas, ou para ir a Gondomar.

O traxecto foi modificado e na actualidade quedou cunha pendente de máis do 20%, ademais dun pechado xiro que é preciso realizar en dúas maniobras. Este xiro chega a ser imposible de realizar para camións, limitando polo tanto ás vías de comunicación da zona.

Por outra banda realizouse un aterramento sen muro de contención, e polo tanto é predecible que o efecto das chuvias leve a terra enriba do camiño de acceso.

Ademáis o enlace coa estrada Couso-Tomiño realizouse na actualidade nunha curva, e cun extremado cambio de rasante.

 

REGO do Penal.

De novo un rego cortado. Neste caso xa no verán do ano 2002 estivo cortado e foi imposible regar os campos. É preciso solucionalo antes do seguinte verán.

 

TERREO en “a volta do castelo”.

Este terreo non foi expropiado pero quedou no medio das dúas estradas (a vella e a nova), e con gran pendente xa que limita cun pequeno regato.

REGO en Samuelle.

A estrada divide o rego pola metade. É preciso atravesar a estrada sen perder caida, pois a auga chegaba a campos do outro lado, que non teñen outro suministro para regar. A día de hoxe parece que se está a solucionar

ACCESO ó barrio de A Costa.

A forte pendente e estreita estrada secundaria fai moi perigoso tanto o acceso ó barrio como a baixada dende a estrada forestal de Pexegueiro.

Ademáis hai forte impacto ambiental co resultado da parede en pendente de pedra. Solicítase adecuación ó entorno con vexetación ou similar.

 

ACCESO a Samuelle e Cimadevila.

Saída á estrada tras forte pendente e curva. Acceso dende a via secundaria (antiga estrada xeral) en pendente. Imposible ou moi perigoso acceso en ambos sentidos para vehículos pesados (camións de leña ou autobuses) e perigoso no caso dos turismos. Recoméndase túnel baixo a estrada nova para enlazar do lado dereito no caso da dirección Gondomar. Esta solución facilita o enlace coa estrada de Pexegueiro e barrio de A Costa.

 

 

 

ACCESO en Samuelle (abaixo).

Perda dun carril de entrada ó barrio, obrigando a realizar maniobra de entrada no final da pendente do 9,8%. Grande perigosidade no acceso ó barrio e na saída do barrio dirección Gondomar.

 

Recheo de terra para nova pista de acceso, que á vez de obstaculizar un dos carriles, presenta grande inestabilidade por carecer de muro de contención.

 

  

 

REGO en Samuelle (Sociedad).

O recheo tapona un rego á beira da antiga estrada.

 

RECOLLIDA DE AUGAS.

Atención as novas recollidas de augas producidas pola propia estrada. No barrio de Samuelle, o peralte desvía a unha única cuneta toda a auga de chuvia da estrada, canalizándoa a unha antiga recollida, que correspondía a unha zona máis pequena, con arqueta na entrada para “As Colinas”. É probable que na época de chuvias a canalización antiga non sexa suficiente para coller toda a auga nova. Suxírese modificar a canalización ou desviar a recollida da estrada de xeito independente.

 

ACERAS, CARRIL BICI, ILUMINACIÓN

Como xa se solicitou en marzo de 2001 e en abril de 2003, consideramos fundamental dotar á nova estrada de aceras, carril bici e iluminación ó seu paso polas parroquias de Santa María e San Salvador. A estrada atravesa as parroquias, e hai moitos desprazamentos a pé que necesariamente coinciden á beira da estrada (tenda, farmacia, parada autobús escolar,...) Ademais de varios accidentes, a estrada antiga cobrou a vida dun neno hai dous anos.