|
O colectivo auga ras quere invitarvos a todos á
súa presentación "en sociedade",
que terá lugar o vindeiro venres 25 de abril no Café
Arco, na praza do 2 de maio, ás 21:30 horas.
A intención de auga ras é servir de ponte
entre os artistas galegos e as ras que aquí moramos,
e os outros tamén. Axudar a aqueles que buscan un lugar
no espacio escénico, para ollarnos no espello da sentemporaneidade.
Colaborar, de xeito desinteresado, con aqueles que teñen
menos opcións de mover a súa arte -sexa da índole
que sexa- até esta cidade.
"O
colectivo auga ras nace dunha mistura de ideas e soños,
dos desexos e esperanzas dun grupo de xente diversa. Un colectivo
heteroxéneo cun obxectivo común: mostrar a variedade
cultural galega ao mundo, de aquí de alá e de
acolá, alén dos xa comidos e degustados lacón
con grelos e a gaitas varias como símbolos únicos
do noso país. Somos parte dun pobo onde chove mais
tamén vai sol, de regueifas e internet, de lacón
con grelos e de filloas. Somos gris e tamén verde,
monte e mar. Somos gaita e tamén partitura viva, guitarra
eléctrica e música de cámara. E é
esa Galiza múltiple e viva que vos queremos mostrar
dese xeito novo de inventar, unha pinga da iniciativa e inspiración
que move os novos creadores galegos"
E para celebrar a presentación do colectivo, auga
ras organiza unha exposición de fotopoemas da artista
viguesa Mariana Guiadanes. Trátase dunha compilación
de instantáneas tomadas en diferentes lugares do mundo,
que amosan unha sensibilidade precisa e preciosa, un xeito
de recrear o efímero do momento e un dominio da lente
como medio para contar unha historia diferente.
A
entrada á exposición -que se mostra no Café
Arco- é gratuita e a mesma permanecerá exposta
ó público ata o vindeiro 13 de maio.
|
Mariana
Guiadanes é traductora e intérprete. De
palabras e imaxes.
É
quen de chegar ás nubes cos pés no chan
(iso sempre, húmidos, enraigados e vivos como
a terra; os seus pés son raigames de bule-bule
que saben patalear cando é preciso e gostan de
probar cómo é pisar noutras leiras). Eses
enganches tan fondos chegan ata os ollos da súa
máquina de facer luces impresas. E nótanse.
Dende
o lugar de Beade á Europa máis boreal,
as imaxes poéticas e os poemas imaxinarios desta
viaxeira volvénnos os ollos de ra e as pegadas
coma a auga da tanxerina verde.
¡Qué o disfrutedes!
|
|
Exposición de fotopoemas de Mariana Guiadanes.
Café Arco, praza 2 de maio, 4. Madrid
Dende o venres 25 de abril
|