mayray dil mayray musafir
hua phir say hukm saadir
kay watan badar hoN hum tum
daiN gali gali sadaaiN
karaiN rukh nagar nagar ka
kay suragh koee paaiN
kisi yaaray naama-ber ka

her ik ajnabi say poochaiN
jo pata tha apnay ghar ka

saray kooay na-shanayaaN
humaiN din say raat kerna
kabhi iss say baat kerna
kabhi uss say baat kerna
"tumhaiN kya kahooN kay hay
shabay gham burey bala hay"
mujhay yay bhi tha ghaneemat
jo koee shumaar hota
"mujhay kya bura tha merna
agar aik baar hota"