A comissom encarregada da súa organizaçom apresenta a seguinte ordem do dia:

0. Ordem do dia

1. Aprovaçom da acta da anterior assembleia, se procede

2. Coordenadora de Assembleias

3. Comissons

   1. Comissom Cultural

   2. Assesoria Jurídica

   3. Comissom de Bolonha

   4. Comissom de Formaçom

   5. Comissom de Márketin

4. Vários

0. Proposta de ordem do dia aprovada

0. Fica por apresentar a acta da anterior assembleia para a súa Aprovaçom.

0. Baixam as seguintes propostas:

   • Proposta de Físicas: Realizaçom dumha jornada de palestras (com temática referente ao sistema europeu de ensino superior e o trabalho da Coordenadora de Assembleias) e umha ceia. Plateja-se a possibilidade de realiza-lo no CS Gentalha do Pichel. Opina-se que este tipo de cousas é melhor fazê-las na Faculdade para garantir o seu carácter aberto. Propom-se a abstençom. Vota-se e fica aprovada a abstençom (8 a favor, 1 abstençom).

   • Proposta de Ciências da Comunicaçom: Convocatória de assembleias por parte da Coordenadora nas Faculdades onde nom há. Debate-se. Existe a opiniom geral de que as assembleias devem surgir dos indivíduos próprios das faculdades, além do apoio das assembleias de centro. Propom-se a abstençom a proposta de Ciências da Comunicaçom. Vota-se e fica aprovada a abstençom (8 a favor, 1 abstençom)

   • Proposta de Direito: Propom-se que tódalas assembleias mandem à listagem de correio da Coordenadora as actividades que estám a desenvolver para serem penduradas no blog da mesma. Debate-se. Propom-se a abstençom. Vota-se e fica aprovada a abstençom (6 a favor, 1 em contra, 2 abstençons).

   • Debate-se o funcionamento da Coordenadora na linha dos anteriores debates da Assembleia.

Informa-se da realizaçom da vindoura Coordenadora de Assembleias o dia 22 de março, com carácter extraordinário (pola urgência de fechar as palestras sobre o Plano de Bolonha), na Faculdade de Ciências Políticas às 14.30. Ficam como vozeiras Laura e Raquel.

1. A derradeira juntança da comissom tivo lugar a quinta-feira 15 de março.

• Informaçom relativa à paparota que terá lugar amanhá 22 de março.

  • Informa-se de que os cartazes já estám colados pola Faculdade

  • Proposta de fazer (em caso de choiva) a paparota nos arcos dos colégios maiores. Fica aprovada por unanimidade.

  • Cada quem fica encarregado de traer algo de jantar, pratos, bebida, etc.

• Proposta de actividades para o Dia da Liberdade de Expressom. Teriam lugar o dia 17 ou 18 de abril, já que o Dia da Liberdade de Expressom (3 de abril) é Semana Santa.

  • Proposta de realizaçom dumha palestra sobre a liberdade de expressom e a repressom da mesma, com possibilidade de fazer umha mesa redonda. Possíveis ponhentes: Maiz, Portillo (em qualidade de membro do Foro de Ermua), Beramendi (repressom no franquismo), Abuin (militante do PC), alguém de Maribolheras Precárias, alguém de AMI etc.

  • Proposta de colocaçom de vários paneis na Faculdade para, xs estudantes que quiger, escrever/pintar livremente.

Ambas propostas som aprovadas por unanimidade, prévia introducçom dumha reforma na primeira: que nas palestras centremo-nos em professorxs e gente achegada para ser máis doado o trabalho polo pouco tempo disponível. Assím ficam na Proposta xs professorxs e x militante do PC.

• Proposta de actividades para o Dia das Letras Galegas. Teriam lugar o dia 22 de maio posto que nas Letras nom há classe.

  • Pola manhá teria lugar umha mesa redonda na que haveria defensorxs da normativa RAG e da normativa AGAL.

  • Pola tarde teria lugar umha representaçom teatral centrada em Maria Marinho, escolhida para a homenagem deste ano.

Esta Proposta fica aprovada por unanimidade.

2. No marco da comissom jurídica estivo-se, ao longo da semana, a recolher sinaturas do texto apresentado pola comissom há 2 assembleias, referente a melhoras na Faculdade. A resposta dxs estudantes está a ser satisfatória. As mesas continuaram até amanhá 22 de março a última hora.

3. A Comissom Bolonha reuniu-se a passada terça-feira 20 de março. Informa-se de que estam-se a traduzir textos, e da decissom da comissom de traduzir só em normativa RAG para evitar umha ralentizaçom do processo.

• Proposta de performance. A comissom apresenta umha Proposta de realizaçom dumha performance que tenha como tema o Processo de Bolonha. A Proposta já foi enviada polo correio. Vota-se e fica aprovada a Proposta (8 votos a favor). A primeira juntança dxs interesadxs será a terça-feira 10 de abril, após Semana Santa. A realizaçom da performance ficará dentro da campanha eleitoral de maio, a segunda semana do mes.

• Informa-se da ideia de fazer umha(s) palestra(s), mas é algo no ar.

4. No referente ao Cursinho sobre Assemblearismo que terá começo a segunda-feira da vindoura semana, informa-se de algumhas substituçons de ponhentes. Tamém anima-se à gente que aínda nom está apontada de fazê-lo. O prazo remata a segunda-feira pola manhá.

5. A comissom de márkin aínda nom se tem reunido.

4. Nom há ponto(s) de vários.

A vindoura Assembleia fica convocada para a terça-feira 10 de abril às 20.30, mas acho que a comissom encarregada da súa organizaçom terá que propor umha nova data já que nom há dias lectivos para realizar a convocatória pública com cartazes.

Comissom encarregada da organizaçom:

Moderadora: Ugia

Acta: Gonzalo

Auxiliar: Estela