ACTA 11 DE NOVEMBRO DE 2008 |
0.
Orde
do día:
1. Aprobación,
se procede, das actas anteriores.
2. Comisións.
3.
Magosto do mércores 12 de novembro de 2008.
4.Varios.
--------------------------------------------
0.
A orde do día foi aprobada sen ningún tipo de modificación.
1.
Neste apartado e ante a falla de remisión das actas anteriores, concretamente
as dúas últimas, decídese pospoñer a súa aprobación ate que sexan remitidas e
lidas por parte dos membros da asemblea
2.
Neste segundo punto da orde do día faise un repaso polo que foi a actividade
das diferentes comisión na xuntanza da semana pasada.
Comisión
xurídica: coméntase a resposta obtida por parte
do vicedecano da facultade ante a reclamación feita por mor da coincidencia de
varias asignaturas co mesmo horario, o vicedecano (Miguel Anxo Bastos Boubeta)
deixou caer a posibilidade de negociar ante as inminentes eleccións a xunta de
facultade, condicionando en parte a resolución do conflicto a actitude que a
asemblea vaia adoptar a hora de elexir a un novo decano/a.
Ábrese un pequeño debate en torno a se a
decana actual (Nieves Lagares) pode volver presentarse para a reelección do
cargo, a este respecto a asemblea decide trasladar este asunto a propia
comisión xurídica para o seu análise e estudo.
Os membros desta comisión comentan o
exposto nun documento onde se pon de manifesto os incumprimentos e carencias da
facultade como argumento ante a elección do novo decano/a.
A comisión xurídica fai público así mesmo
os supostos redactados para a modificación do sistema de votacións da asemblea
en función dunha serie de circunstancias, as cales serán remitidas a través do
correo electrónico para o seu análise por parte dos membros da asemblea,
quedando polo tanto aberto o prazo de enmendas .
Faise alusión a situación na que se atopan
os alumnos de 4º curso por mor das decisión adoptada por parte do profesor de
dereito admisintrativo (Cesar Casado) quen pretende realizar unha proba no mes
de decembro de obrigada superación para poder acceder ao parcial non oficial do
mes de febreiro. Os membros da comisión comentan que o único incumprimento do
profesor foi a non especificación da citada proba no programa da asignatura
comprometéndose a seguir estudando o caso.
Por
último dicir que faise pública a intención de enviar un escrito ao vicerreitor
de infraestructuras da USC co obxecto de solicitar os metros cadrados totais
cos que conta a facultade de CC. Políticas e poder determinar deste xeito se
foron correctas as reformas realizadas na antiga aula de estudo e que agora
pertence a escola de RR. Laborais.
A póxima xuntanza da comisión xurídica
queda determinada para o vindeiro luns 17 de novembro ás 20:30 horas no local
de alumnos.
Comisión de formación:
esta comisión non se reuniu. Proponse de igual xeito por parte da asemblea que
esta comisión elabore un calendario orientativo sobre os actos da asemblea.
Comisión
de marketing: presentase a proposta de pedilo voto
con mensaxes escritas nos encerados das aulas. De igual xeito xorde a proposta
de realizar mitins improvisados, ábrese un pequeño debate pero sen chegar a
unha conclusión clara ao respecto.
Comisión de Boloña:
Ricardo propón que esta comisión desapareza ou sexa integrada en todo caso na
de formación, a decisión da asemblea foi a de pospoñer a votación da mesma ate
que estean redactados e aprobados os novos supostos para a modificación do
sistema de votacións da asemblea. Queda convocada a vindeira xuntanza para o
vindeiro mércores 19 de novembro ás 17:30 h.
O resto de convocatorias de comisións
farase a través do correo electrónico.
3.
no referente ao magosto do vindeiro 12 de novembro o que se fai é definir os
medios exactos cos que se vai contar así coma unha pequena distribución de
tarefas para as horas previas, co fin de telo todo preparado para a hora
prevista. Coméntanse polo tanto aspectos relacionados fundamentalmente coa
intendencia. Do mesmo xeito dase conta do presuposto co que se conta (212 €
aprox.) así como das cantidades tanto de comida coma de bebida que se pretenden
mercar e cuia relación é a seguinte:
Castañas: 15 kg., 2
empanadas (xoubas e berberechos), 5 tortillas de patacas, 30 litros de viño, 15
litros de cocacola, 30 litros de cervexa, 25 litros de licor café, 30 kg de
carbón.
Do mesmo xeito decídese informar aos
usuarios do aparcadoiro da facultade do acto co fin de que procuren desaloxalo
canto antes, do mesmo xeito que o mesmo mércores pola mañá serán repartidas
tarxetas informativas do magosto aos alumnos da facultade.
4.
No
punto de varios fálase do conflicto cos CAF en relación a pega de carteis e o
boicot aos mesmos por parte desta organización, a asemblea decide non tomar
medidas ao respecto alomenos de momento.
Queda nomeada a comisión encargada de
organizala próxima asemblea así como de fixala data da mesma, sendo os seus
membros: Angel (moderador), Manuel (acta), Jorge (suplente).
Remate da
asemblea as 21:30 horas.