AFGALALY محمد عبد الفتاح جلال
AFGALALY محمد عبد الفتاح جلال
|
|
|
قصائد للشاعر المصري الكبير : أحمد فؤاد نجم الفهرس :
حلاويلا حلاويلا يا حلاويلا .. يا خسارة يا حول الله ده الثوري النوري الكلمنجي .. هلاب الدين
الشفطنجي يتمركس بعض الايام ... يتمسلم بعض الايام حلاويلا يا حلاويلا .. يا خسارة يا حول الله يا حلاولو لو شفتو زمان .. مهموم بقضايا
الانسان حلاويلا يا حلاويلا .. يا خسارة يا حول الله اش حالك يا قريب اليوم .. اش جاب التفاح للدوم حلاويلا يا حلاويلا .. يا خسارة يا حول الله جرانين و منابر و ادارة .. و معلق طلبة و
زمارة حلاويلا يا حلاويلا .. يا خسارة يا حول الله دا ترستق هلاب الدين .. بقى عاقل جداً و رزين حلاويلا يا حلاويلا .. يا خسارة يا حول الله
جيفارا مات شعر : أحمد فؤاد نجم غناء : الشيخ إمام ------------------------------------- جيفارا مات جيفارا مات آخر خبر فِ الراديوهات و فِ الكنايس و الجوامع و فِ الحواري و الشوارع و عَ القهاوي و َ البارات جيفارا مات جيفارا مات و اتمد حبل الداردشة و التعليقات ******** مات المناضل المثال يا ميت خسارة عَ الرجال مات الجدع فوق مدفعه جوّه الغابات جسّد نضاله بمصرعه و من سُكات لا طبالين يفرقعوا و لا اعلانات
سقطت سايغون (1) كلمات : أحمد فؤاد نجم غناء : الشيخ إمام
أبجد هوز .. حطي كلمن إقلب صفحة .. امسك قلم ٌ اكتب زي الناس ما بتنطق سقطت سايغون رفعوا العلم ٌ .......... طلعت شمس اليوم ده أغاني كل ما نسمع نعشق تاني طلعت شمس اليوم ده حريقة تكوي الجرح و تبري الالم ٌ ..... سايغون عادت للثوار فوق الدم و تحت النار جدّوا فوجدوا .. زرعوا فحصدوا و إحنا إيدينا للسمسار و إللي قالوه السمسارجية و اللي حكاه السمساردار لما قروه القرونجية بالمستعجل و المندار
هشت و نشت يعزم الصوت عن أمريكا و هول أمريكا زعموا الفانتوم حامل موت سقط الكوت بعلم أمريكا جاتكو فضيحة يا طبقة سطيحة و عاملة فصيحة و جايبة العار فصحانجية و كلمانجية و سمسارجية و سمسار دار
كلمات الشاعر المصري
أحمد فؤاد نجم .. و غناء الشيخ
إمام يا عرب .. يا عرب .. يا عرب في أي مصر يا عرب .. يا عرب .. اسمعوا صوت شعب مصر أحفظوا لمصر المكان .. و احنا عالعهد اللي كان مصر أوفى من الزمان .. يا عرب يا عرب يا أهل مصر اللي خانوا العهد بينا .. و استباحوا كل حاجة و استهانوا بالعروبة .. و استكانوا للخواجة مستحيل حيكونوا منا .. نحنا حاجة و هما حاجة هما باعوا الجلابية .. و الوطن و البندقية و ا حنا أصحاب القضية .. احنا ما بنبيعش مصر يا عرب يا عرب يا أهل مصر يطلع الدجال بزيفو .. يملا وادي النيل ضباب ينزل الجلاد بسيفو ... يزرع الموت و الخراب يطول الليل زي كيفو .... الصباح له ألف باب و احنا بوصلتنا بإيدينا .. ما تخافوش من الليل علينا مهما غبتو عن عينينا .. انتو جوا بقلب مصر يا عرب يا عرب يا أهل مصر ------------------------- سينا و لا .. يافا و لا .. حيفا ولا ... دير ياسين اسألوا الشمس اللي هالة .. عللي صحيوا مبدرين يزرعوها نور و غلة .. دول جدودنا و لا مين ؟ حقنا و حتما ً يُعاد .. بس لو بانت سعاد و البيان ده لوه معاد ... و المعاد حيكون في مصر يا عرب يا عرب يا أهل مصر
اتجمعوا العشاق في سجن القلعة ... اتجمعوا العشاق في باب الخلق و الشمس غنوة من الزنازن طالعة .. و مصر غنوة مفرعة في الحلق تجمعوا العشاق بالزنزانة .... مهما يطول السجن مهما القهر مهما يزيد الفجر بالسجانة .. مين اللي يقدر ساعة يحبس مصر ............... تجمعوا و العشق نار في الدم ..... نار تحرق الجوع و الدموع و الهم نار تشتعل لما القدم ينضم .... لما الايادي تفور في لم اللحم و اللحم متنتور في رملة سينا .... و الكدب بيحجز على أيادينا قدم العدو غارسة في لحم ترابي ... و الكدب عشش مخبرين على بابي و المخبرين خارجين كلاب سعرانة ... بيجمعوا العشاق في الزنزانة ............... مصر النهار يطلقنا في الميادين .. مصر البكا .. مصر الغنا و الطين مصر الشموس الهالة من الزنزانين .. هالة و طارحة بدمنا بسا تين مصر الجناين طرحة مين يقطفها .. مصر الجناين للي يرفع سيفها مهما يطول السجن مهما القهر .. مهما يزيد الفجر بالسجانة مين اللي يقدر ساعة يحبس مصر
غابة غابة كلابها ديابــــا ... و نازلين في الناس
هـم و اللي يغيب عن جحرو .. لاجل القوت و المم
غابة كلابها ديابا ... نازلين بالناس هم
و احنا يا ملح الغابة .. هم يحرك هم
برولوج شعر أحمد فؤاد نجم ---------------------------------------- يا ليل يا عين ما اعرفش اكدب طب و اكدب ليه عدم المؤاخذة لنا باكتب و لا أبصر إيه لا انا احترافي اشتراكية و لا عندي نزعة رجعيّة لكني شايف بعنيّه يا فلاحين يا صنايعية بر الأمان بان و المركب راح ترسي عليه و انا حاكدب ليه 1971
نكسون شرفت يانكسون بابا يا بتاع الوترغيت عملولك ايمة وسيمة سلاطين الفول و الزيت فرشولك اوسع سكة من راس التين على مكة وهناك تنفد على عكا ويقولوا عليك حجيت ____________________________________ عزموك فقالوا تعالا تاكل بابمبون وهريسة امت لانك مهيف سدءت انحنا فريسة هات وشك خودلك تفة طبعا شلا يا صحاب البيت ___________________________________ خد منى كلام يبئالك ولونك موش حتعيش لاحؤول أهلا ولا جهلا ولاتجى ولا ماتجيش بيقولوا اللحم المصرى مطرح مابيسرى بيهرى ودا كولوا من تاثير الكوشرى والفول أبو سوس بزيت
هما مين و إحنا مين ... كلمات الشاعر : أحمد فؤاد نجم هما مين و إ حنا مين .. ؟ هما الأمرا و السلاطين .. هما المال و الحكم معاهم .. و إحنا الفقرا المحرومين حزر فزر شغّـل مخك شوف مين فينا بيحكم مين ؟!! .............. إحنا مين و هما مين .. إحنا الفعلا البنايين إحنا السنة و إحنا الفرض إحنا الناس بالطول و العرض من عافيتنا تقوم الارض .. و عرقنا يخضر بساتين حزر فزر شغل مخك شوف مين فينا بيخدم مين ..؟؟!! ................ هما مين و إحنا مين ؟؟ هما الامرا و السلاطين هما الفيلا و العربية و النساوين المتنقية حيوانات استهلاكية شغلتهم حشو المصارين حزر فزر شغل مخك شوف مين فينا بياكل مين ..؟؟!!! .................... إحنا قرنفل على ياسمين إحنا الحرب : حطبها و نارها و إحنا الجيش اللي يحررها و إحنا الشهدا بكل مدارها منكسرين أو منتصرين حزر فزر شغل مخك شوف مين فينا بيقتل مين ..؟؟!!! ................ هما مين و إحنا مين هما الامرا و السلاطين هما مناظر بالمزيكا و الزفة و شغل البوليتيكا و دماغهم طبعاً استيكا بس البركة بالميازين حزر .. فزر شغل مخك شوف مين فينا بيخدع مين ..؟؟؟!!! ..................... هما مين و إحنا مين هما الامرا و السلاطين هما بيلبسوا أخر موضة و إحنا بنسكن سبعة في أوضة هما بياكلوا حمام و فراخ و إحنا الفول دوخنا و داخ هما بيمشوا بطيارات و إحنا نموت بالاوتوبيسات هما حياتهم بامب جميلة هما فصيلة و إحنا فصيلة حادي يا بادي يا عبد الهادي يا اللي عليك قصد الغنوادي ( الغنوة دي أو هذه الاغنية ) لما الشعب يقوم و ينادي يا إحنا يا هما في الدنيا دي حزر فزر .. شغل مخك شوف مين فينا حيغلب مين
............... دلي الشكارة ... ............... دلي الشكارة جنب الشكارة و اقعد يا حفني ولعلك سيجارة فكّـر شوية .. بالعيشة دية إيه القضية إيه العبارة
من صغر سني شقيان لكني ما لط سني غير البصارة .... و دخلت حارة من جوة حارة و فكل حارة عليت عمارة و سط المعامل بنا و مناول بس المقاول كلني بشطارة و لا خلى صرة و لا لقمة حرة و العيشة مرة .. أخر مرارة
القواد الفصيح شعر : أحمد فؤاد نجم ------------------------------ القواد : سلمى يا عزيزة على الأستاذ فنان اليوم و المستقبل محمود محمود محمود الباز بنتي السنيورة الأمورة على فكرة بترقص ممتاز ارقصي يا عزيزة ما تنكسفيش محمود بقى منا خلاص و لا فيش يا عزيزة النيزة كوا النيزه كان ممكن تطلعي مركيزة المطيباتية : تكي تم تكي تم تكي تم تم تم الرقص النقص يزيح الهم تكي تم تكي تم تكي تم تم تم و يمشي الحال و يجري الدم تكي تم تكي تم تكي تم تم تم **** القواد : على فكره يا كابتن محمود و برغم الكبت الموجود انا راجل ثوري و متحرر و عزيزة بتلعب ع العود إلعبي يا عزيزة ما تنكسفيش محمود بقى منا خلاص و لا فيش يا عزيزة النيزه كوا النيزه كان لازم تطلعي مركيزه ***** المطيباتية : ترى لم ترى لم ترى لم لم لم العود النود بيزيح الهم ترى لم ترى لم ترى لم لم لم و يخلي القعدة شهية يا عم ترى لم ترى لم ترى لم لم لم القواد : أنا رأيي يا سيد محمود و برغم الصمت المقصود انك فنان المستقبل و نشيد العصر المنشود قربي يا عزيزة من الاستاذ محمود مبقاش محمود الباز محمود بقى منا خلاص و لا فيش قربي يا عزيزة ما تتخريش يا عزيزة النيزة كوا النيزة انا رأيي إنك مركيزة المطيباتية : هلا لم هلا لم هلا لم لم لم محمود النود بقى نازل هم هلا لم هلا لم هلا لم لم لم و عزيزة النيزة تحب الهم هلا لم هلا لم هلا لم لم لم
عالمحطة عالمحطة … عالمحطة واللي شفته أنا عالمحطة طلعت الخفة أم شنطة سلم الأوتوبيس … بنطة حتة ملعب (بضم الميم ، أي ذات لعب ودلال) … والأكاده (أي بالتأكيد) في الأوام (القوام) والحسن بطة هيه خشت درجة أولى والكراسي بإت (بقت أي أصبحت) منطة سابوا تانية … وغلب تانية والأطيع (القطيع) على أولى خطى اللي يهبش في الجونيلا واللي يعلى … واللي يوطى بص واحد ماللي ( من الذين) هما دمهم فلفل وشطة شاف صنايعي في البريمو آل له خش هناك يا أسطى تانية أنسب للي زيك دي الحقيقة بلاش مغالطة الأسطى آل له … ياعم روق (بتشديد الواو) دي الحياة تحب المباسطة وانت شايف … مش مغمض حاجة ملبن … حاجة إشطة (قشدة) والا يعني الكون حيخرب لو فقير يلهط له لهطة ؟
البحر بيضحك ليه
البحر بيضحك ليه وانا نازله ادلع املا القلل
البحر غضبان ما بيضحكش أصل الحكاية ما تضحكش البحر جرحه ما بيدبلش وجرحنا ولا عمره دبل
مساكين بنضحك من البلوة زي الديوك و الروح حلوة سارقاها من السكين حموة و لسة جوا القلب أمل قللنا فخارها إناوي بتقول حكاوي و غناوي يا قلة الذل أنا ناوي ما شرب و لو في المية عسل
والبحر بيضحك ليه … ليه وانا نازلة ادلع املا القلل
ياما ملينا وملينا لغيرنا وعطشنا ساقينا صابرين وبحر ما يروينا شايلين بدال العلة علل
والبحر بيضحك ليه … ليه وانا نازلة ادلع املا القلل
في بالي ياما وعلى بالي واللي بيعشق ما يبالي ما يهمنيش من عزالي يا حلوة لو مرسالي وصل
والبحر بيضحك ليه ليه وانا نازلة ادلع املا القلل
بيني وبينك سور ورا سور وانا لا مارد ولا عصفور في إيدي عود قوال وجسور وصبحت انا في العشق مثل
والبحر بيضحك ليه وانا نازله ادلع املا القلل
كلمتين ( إلى مصر ) كلمات : أحمد فؤاد نجم غناء : الشيخ إمام ............................ كل عين تعشق حليوة و إنتي حلوة في كل عين يا حبيبتي أنا قلبي عاشق و اسمحيلي بكلمتين كلمتين يا مصر يمكن هما أخر كلمتين حد ضامن يمشي آمن أو مِـآمن يمشي فين .......................... شابة يا أم الشعر ليلي و الجبين شق النهار و العيون بحرين أماني و الخدود عسل و نار و اللوالي ( اللؤلؤ) بابتسامتك يحكوا أسرار المحار يللي ساكنة القصر عالي إيمتى يهنالي المزار كلميني يا صبية طال علي َّ الانتظار كلمتين يا مصر يمكن هما أخر كلمتين حد ضامن يمشي آمن أو مِـآمن يمشي فين ..................... قصرك المسحور غيلانو أغبى من دود الغيطان بعد مص الغصن الاخضر ينحتوا عضم العيدان و اللي خلى الارض خضرا و اللي خلى الدار آمان عاش بجور ملو جوفه مات بخوفه من الغيلان طوّع الغلبان ما قالش عن شقا العمر اللي كان كلمتين بمصر يبقوا هما أخر كلمتين حد ضامن يمشي آمن أو مِـآمن يمشي فين .................... أدي كلمة من عذابي قلتهالك باقي كلمة من حنيني صنتهالك في الضلوع من دنيا ظلمة كنت خايف يلمحوها يقتلوها في سكة ظلمة سقسقت و النور بشاير بشاير زهرة الصبار يا سلمى يا نسيم الشوق يا طاير يا طاير خد لمصر في الصبح كلمة طول ما يبقى الركب ساير بالبصاير و العينين يبقى ضامن يمشي آمن يبقى عارف يمشي فين
.... فاليري جيسكار ديستان ... فاليري جيسكار ديستان والست بتاعه كمان حيجيب الديب من ديله ويشبع كل جعان ياسلاملم يا جدعان ع الناس الجنتلمان داحناحنتمنجه واصل وحتبقى العيشه جنان التلفزيون حيلون والجمعيات تتكون والعربيات حتمون بدل البنزين برفان وحتحصل نهضه عظيمه وحتبقى علينا القيمه فى المرسح أو فى السيما أو فى جنينة الحيوان وحتبقى الأشيا زلابيه ولاحوجه لسوريا وليبيا وحنعمل وحده أرابيا مع لندن والفاتيكان والفقرا حيكلوا بطاطا وحيمشوا بكل ألاطه وبدال ما يسوا شلاطه حيسموا عبالهم جان ودا بفضل صديكي ( صديقي) ديستان الرومنتيكى ولاحدش فيكو شريكى فى المسكن والسكان القاهرة1975
الممنوعات ممنوع من السفر ممنوع من الغنا ممنوع من الكلام ممنوع من الاشتياق ممنوع من الاستياء ممنوع من الابتسام وكل يوم فى حبك تزيد الممنوعات وكل يوم باحبك اكتر من اللى فات حبيبتى يا سفينه متشوقه و سجينه مخبر فى كل عقده عسكر فى كل مينا يمنعنى لو أغير عليكى أو أطير بحضنك أوأنام فى حجرك الوسيع وقلبك الربيع اعود كما الرضيع بحرقة الفطام حبيبتى يا مدينه متزوقه وحزينه فى كل حاره حسره وف كل قصر زينه ممنوع من انى اصبح بعشقك او ابات ممنوع من المناقشه ممنوع من السكات وكل يوم فى حبك تزيد الممنوعات وكل يوم بحبك اكتر من اللى فات
القاهرة /1976
التحالف يعيش اهل بلدى وبينهم مفيش تعارف يخلى التحالف يعيش تعيش كل طايفه من التانيه خايفه وتنزل ستاير بداير وشيش لكن فى الموالد يا شعبى يا خالد بنتلم صحبه ونهتف يعيش يعيش اهل بلدى يعيش النثقف على مقهى ريش يعيش يعيش يعيش محفلط مزفلط كتير الكلام عديم الممارسه عدو الزحام بكام كلمه فاضيه وكام اصطلاح يفبرك حلول المشاكل قوام يعيش المثقف يعيش يعيش يعيش يعيش اهل بلدى يعيش التنابله فى حى الزمالك وحى الزمالك مسالك مسالك تحاول تفكر تهوب هنالك تودر حياتك بلاش المهالك لذلك اذا عزت توصف حياتهم تقول الجياه عندنا مش كذلك وممكن تشوفهم فى وسط المدينه اذا مر جنبك أتومبيل سفينه قفاهم عجينه كروشهم سمينه جلودهم بتضوى دماغهم تخينه سنانهم مبارد تفوت فى الجليد ما فيش سخن بارد بيكلوا الحديد ما دام نهر وارد وجاى م الصعيد تزيد الموراد كروشهم تزيد وتسمع وتسلم بأن التنابله أو الأكلين حيسمع كبيرهم ويعمل مقابله مع الفلاحين ويحصل تحالف ما بين الجميع ونملا المصارف بدم القطيع أطيع الخليفه وأطيع والديك دا مفروض عليك تزرع وتبعت لحى الزمالك وحى الزمالك مسالك مسالك تحاول تفكر تهوب هنالك تودر حياتك بلاش المهالك لذلك أذا حد جابلك سيرتهم تبسمل تكبر وتهتف كذلك يغيش التنابله يعيش يعيش يعيش يعيش اهل بلدى يعيش الغلابه فى طى النجوع نهارهم سحابه وليلهم دموع سواعد هزيله لكن فيها حيله تبدر تخضر جفاف الربوع مكن شغل كايرو ما يتعبش دايره لا ياكل ولا حتى يقدر يجوع يا غلبان بلدنا يا فلاح ياصانع ياشحم السواقى يا فحم المصانع يا منتج يا مبهج يا آخر حلاوه يا هادى يا راضى يا عاقل يا قانع ما تتعبش عقلك فى شغل السياسه وشوف انت شغلك بهمه وحماسه وعود عيالك فضيلة الرضا لأن احنا طبعا عبيد القضا ورزقك ورزقى ورزق الكلاب دا موضوع مؤجل ليوم الحساب كمان الصحافه جتكتب فى حالتك وتنشر مناظر لخالك وحالتك وتتطلع يامسعد عليك الغناوى وتسمع بأسمك فى قلب القهاوى تحبك مشيره وبنات الجزيره وقصة غرامك تشيع فى الرداوى يعيش عم مسعد يعيش يعيش يعيش يعيش اهل بلدى القاهرة /1967
ورقه .. من ملف القضية انت شيوعى =انا مصراوى =انتومصايب انتو بلاوى _ممكن اعرف مين الأول بيكلمنى =احنا نيابة أمن الدولة _ دولة مين = دولة مصر _ مصر العشه ولآ القصر =أيوه حنبدى ندور ونلف حاجه تنرفز خالص اف _ مالك.. شايل طاجن خالك =لم لسانك ما تخرفش _ أنا ما اقصدش اهانتك طبعا = ايوه استعبط _ لا ما اعرفش = ايه رأيك فى سفارة كوريا = ايه رأيك فى قضية مصر = مصر فى وحده هى وسوريا وليبيا ولازم ييجى النصر _ ييجى منين و ازاى ولمين = آدى كلام الشيوعيين _ أنا من حقى = حق فى عينك _ أنا بتكلم بينى وبينك =يعنى كلام بره التحقيق _ اذا كانش يسبب لك ضيق = طيب فول _ مين مسؤل ؟ = مين مسؤل عن ايه يا أخينا _ ع اللى جرى لنا ف غزه وسينا = أنت شيوعى أكيد وطاوعنى فض دمغك من دى قضيه شعبنا جاهل مهما تقول له مش حيآمن بالشيوعيه _ ما الشيوعيه فى فيتنام =ايه رأيك فيهم يا همام _ مش بطال مش بطال =لكن احنا .. ورانا عيال _ طب ما نحارب لجل عيالنا يطلعوا أسعد من اجيالنا = انت الظاهر مخك فاضى وحتتعبنى معاك ع الفاضى وأنا بحبت معاك بكفايه ابقى اتفلسف عند القاضى _ هى قضية ؟ = لأ ملوخية آمال فاهم ايه آمال هى الدوله دى لعب عيال _ ممكن أعرف أنا هنا ليه =أيوه حتعرف أمال ايه يوم خمسه وعشرين الماضى ايه مشاك عند التحرير _ تحرير ايه يا جناب القاضى = أنا مش فاضى _ بكره تصير = بطل غلبه وجاوب دوغرى _ أنا غلباوى كده من صغرى = كل الشيوعيين امثالك آخر غلبه وقلة ذوق يحصل ايه لو تمشى فى حالك فاكر نفسك مين ما تفوق لو راح افوق مش من مصلحتك = أما معجب جدا بصراحتك أيه رأيك فى حكاية الطلبه _ حاجه عظيمه بشرة خير = انت دماغك ينفع جزمه _ وانت لسانك ينفع سير = أخرس قطع لسانك سافل _ كتر خيرك = مخك قافل مين وداك بقى عند الطلبه رايح ضمن المندسين _ رحت أناقشهم واسمع منهم = تسمع منهم ايه ياسى طين دول عايزيين الدنيا تولع علشان اصلا مش فاهمين هى الحرب يا عالم لعبه دى بتتكلف بالملايين = وانت حتدفع ايه من جيبك _ امال حدفع من جيب مين انت حمار وخدوك فى مشمك رحت هناك زى الباقيين عاملين لجنه وقال وطنيه مش ممكن دول وطنيين وجماعة انصار الثورة وفلسطين وهباب الطين ما نخلينا يا سيدى فى حالنا مالناومال الفدائين هو احنا اللى نهبنا بلدهم دول عالم صيع فاقدين قتلوا الراجل عند الشيرتون واحنا اللى طلعنا القاتلين _ وصفى التل ده كلب وخاين = اهو كل العالم خاينين واحد صاحبى مراته مرافقه وهو مرافق ييجى عشرين أمريكا بتزعل وبتحزن هو احنا يا عالم ناقصين مش نستعبر م اللى جرالنا ونعيش بقى زى العايشين دى عيال عملا للشيوعيه واحنا عدو الشيوعيين _ روق دمك بس يا بيه مين مساعدكو بفالو سنين = بيساعدونا صحيح يا سى بعجر علشان أصلا مش فاهمين احنا حليتنا منين نديهم ونسددهم بالملايين = يمكن يعنى قضية مبدأ _ مبدأ مين وزكايب مين هى دى عالم تعرف مبدأ دول بقول لك ناس مجانين اخترعولنا السد العالى علشان نبقى اشتراكيين اشتراكيه هناك فى بلدهم واحنا فى دارنا نعيش حريين عايزيين الفلاح الجاهل يتساوى بالمحترامين وكمان قال تحديد ملكيه أبو ألفين يدوه خمسين شغل ملاحده وعالم كفره ومخالفين احكام الدين والعمال راخرين اسم الله فاهمين روحهم بنى آدميين ناس عايزين الحرق بولعه دا كله من الشيوعيين نشروا لنا الأفكار السوده أولاد الكلب الملاعين مين وداك بقى عند الطلبه انطق قول اتكلم مين _ هما ايه مطالبهم ؟ = انت حتستجوبنى يا شاطر لأ مش قصدى بس أنا بسأل كانو طالبين كراريس ومساطر ولا مطالب ميه الميه كل الشعب مآمن بيها = دول طالبين حرب وشعبيه مين مجنون بقى حيمشيها عايزين يدوا الرتش سلاح عشان تحصل فيها مجازر أنا لو أشوف حلوف فلاح شايل شومه لازم اهاجر _ لازم بينه وبينك دم = دم ف عينك هس اتلم ثم نحارب ليه وبأيه بسلاح ما يموتش بعوضه _ روق دمك بس يا بيه الحرب ضروره ومفروضه واهو نفس سلاحنا المظلوم فى فيتنام دابح أمريكا = دى طبيعه أرض يابتى آدم _ بطلوا بقى كدب وبولوتيكا طب ما الهند بنفس سلاحنا فى باكستان بعزقت الغرب = رأيك يعنى ضرورى ان احنا وحتما يعنى نخش الحرب طيب حاضر فين المخبر حتغير رأيك بالضرب يناير 1973
أغنية السلام .. يقول الشيخ إمام في بداية الأغنية موضحاً ( أنا بدي أبينلكم موقف الشعب المصري من السلام ) ..
............. بانوراما الدنيا فونية .. صندوق الدنيا عصري الصورة من أميركا .. و الصوت من جوا مصري لو تفهم كل قصدي .. أوهبلك نص قصري و اكتبلك الوصية .. على جناح الحمام و اتفرج يا سلام لم .. و اتفرج يا سلام .... شوف عندك يا سلام لم .. و اتفرج يا سلام هزلية مرسحية .. على تياترو السلام ( تياترو : المسرح ) سلام كلام أغاني ... و عليكم السلام ما عاد على الغلابا عايد غير الكلام و الحالة كل مادا يا سادة يا كرام و اتفرج يا سلام لم .. و اتفرج يا سلام ..... سالمة يا سلامة .. و دليلة رجعت بسلامة مصرية و من مواليد شبرا .. من تحت نفقها و مجاريها لو كانوا ما حرقوش الاوبرا .. كانت حتلعلع لياليها بالغنوة المدهونة شفايف .. غرقانة و سايحة ببلاويها سيد درويش اللي حيلتنا .. سرقوه و باعوه بيعة ندامة سالمة يا سلامة .. و دليلة جات بالسلامة .. .... سالمة يا سلامة .. كوكا كولا جات بالسلامة
نشروا الاعلان ... ملو الجرنان جوا البراويز الدهبية و التلفزيون بالصوت و اللون كوكا كولا هي الاصلية اشرب يا خفيف .. بطّل تخاريف بلا طيز الطور بلا وطنية كوكا كولا تفوق و تروق ضد الافكار الهدامة سالمة يا سلامة .. طير بينا و رفرف يا حمامة سالمة يا سلامة .. على مصر التانية أم علامة
يا فلسطينية .. ........ يا فلسطينية و البندقاني رماكو .. بالصهيونية تقتل حمامكو فِ حماكو يا فلسطينية و أنا بدي أسافر حداكو ناري بإيديا و إيديا تنزل معاكو على راس الحية و تموت شريعة هولاكو ............ يا فلسطينية و الغربة طالت كفايا و الصحرا أنّت من اللاجئين و الضحايا و الارض حنّت للفلاحين و السِقايا و الثورة غاية و النصر أول خطاكو ........ يا فلسطينية و الثورة هيَّ الاكيدة بالبندقية نفرض حياتنا الجديدة و السكة مهما طالت و بانت بعيدة مد الخطاوي هو اللي يسعف معاكو ......... يا فلسطينية فيتنام عليكو البشارة بالنصر طالعة من تحت مية ألف غارة و الشمعة والعة و الامر كان بالخسارة راجعين حيارى عقبال ما يحصل حداكو
بوتيكات بوتيكات النات كوا النَّات وشقق مفروشه وعمولات يا حلاوه الناوه كوا الناوه يا بلدنا يا آخر فتاكات بوتيكات النات كوا النات ** شبيك لبيك فتح مخط لبيك شبيك غمض عينك حتقفّل مخك ح نطخك ونلوشك لو تفتح عينك ركب قرنين تركب مازدا وتعيش سلطان في البرواز دا مش عاجبك فالجبنه الفازده والعيش والفول والكرَّات يا حلاوه الناوه كوا الناوه يا بلدنا يا آخر فتاكات بوتيكات النات كوا النَّات مين فيكوا ما يعرفش عليوه شيّال المنيا الكحيان في ثواني اتمول واتحول بقي مسيو عليوه عليَّان إزاي؟ ما هي بوظه ومفتوحه على حس ولاد المفضوحه وأرانب صاحيه ومدبوحه تتأستك تبيع البنوكات يا حلاوه الناوه كوا الناوه يا بلدنا يا آخر فتكات بوتيكات النات كوا النَّات
طلع الصباح كلمات احمد فؤاد نجم ,,,,,,,,غناء الشيخ امام طلع الصباح كل الجمال في طلعته والنور سرح كحل عينينا بفتنته والطير صدح للمولى جلّت قدرته الحان جميلة تنعش القلب الحزين يسعد صباحكم كلكم ياشغالين الشمس طالعة بابتسامة الاْمل شعلة ياقوت زي الخدود وقت الخجل بتقول يا نايم قوم بدا وقت العمل دي الدنيا خيرها وعزّها للشقيانين يسعد صباحكم كلكم يا شغالين يا ولاد بلدنا من جنوبها لشرقها يا مشمرين عن السواعد كلها النور حضن بلادنا و ضمّها والشمس هلّت بالامل ع الشقيانين يسعد صباحكم كلكم يا شغالين طلع الصباح كل الجمال في طلعته والنور سرح كحل عينينا بفتنته والطير صدح للمولى جلّت قدرته الحان جميلة تنعش القلب الحزين يسعد صباحكم كلكم يا شغالين
المسحراتي حبلت الايام سنين ولدت الايام دهور دامت الايام لمين وحدّوا المولى الغفور صلّي ع اللي في القيامة يشفعك واصحى يللي نمت من اللي بيوجعك واكشف اللي بيؤلمك و بيمنعك وانده اللي لو ندهته يسمعك قول يا جارة قول يا جار مهما طال الليل وجار كل جرم وله مدار و الكواكب دوارين وحدّوه يا مؤمنين صحّي نومك يا اسطى فكري يللي ناسي هلّ يومك يا اسطى مرسي يللي راسي يا حبايب مصر يا اْهلي يا ناسي اللي يعشق بالسهر حتما يقاسي اصحى يا نايم كفاية وحّد الانسان معاي طالت الليل الرحايا والحدادي قلقانين وحّدوه يا مؤمنين .......... يللي صاحيين في البيوت يللي كاشفين المكان يللي سامعين السكوت يللي واعيين للزمان استعدوا للقيام استعدوا للقيام واقبلوا مني الكلام مصر نايمة من سنين وحّدوه يا مؤمنين
بقرة حاحا ........
ناح النواح و النواحة على بقرة حاحا النطاحة و البقرة حلوب .. تحلب قنطار لكن مسلوب .. من أهل الدار و الدار بصحاب .. و حدعشر باب (11 باب ) غير السراديب .. و بحور الديب و غيلان الدار .. واقفين بنهار و ف يوم معلوم ... عملوها الروم زقوا الترباس ... هِربوا الحراس دخلوا الخواجات .. شفطوا اللبنات و البقرة تنادي .. و تقول يا ولادي و ولاد الشوم ... رايحين ف النوم البقرة انقهرت .. م القهر انصهرت وقعت بالبير .. سألوا النواطير : طب وقعت ليه ..؟ وقعت م الخوف و الخوف يجي ليه .. ؟ من عدم الشوف
و قعت م الجوع و م الراحة البقرة السمرا النطاحة ناحت مواويل النواحة على حاحة و على بقرة حاحا
أوأه هذه القصيده للمرحوم الرئيس انور السادات كلمات أحمد فؤاد نجم وغناء الشيخ امام أوأه المجنون أبو برقوقه عيره وبرانى وملزوقه نصاب ومنافق ودماغه مليانه مناطق موبوءه والنكته كمان انه حلنجى وعامل لى فكاكه وحندوقه مع ان الحجش أفهم منه والعالم فهمه ومفلوقه بسلامته بيسرح قال بينا يعنى احنا مواشى يا زقزوقه داحنا العريفه الحريفه غيرش الايام المدعوقه شفت الولدات الشلبيه ليلة التحرير يا أسطى فاروقه أهو دولا ولادنا وأكبدنا وقلوبنا عليهم مشقوقه يا سلام يا صلاة النبى احسن إلى حيل العلم يا مرزوقه حلوين وحياتك يا بلدنا يا أم الخيرات المسروقه احنا اللى رمينا البذرايه وروينا الارض المعزوقه وحنحصد بكره وحنغنى وعيون الخاين مخزوقه القاهرة / 1973
جائزة نوبل كلمات أحمد فؤاد نجم وكتبها بمناسبة معاهدة السلام وحصول مناحم بيجن على جائزة نوبل شوف عندك يا سلاملم واتفرج يا سلام مواطن شخص عادى مالوش اى اهتمام ومبارك الخيانه ومسميها السلام وف يوم قرا الجرايد تاريخ ما اعرفش كام من يومها يا ضنايا بيشقلب فى الكلام واتفرج يا سلاملم اتفرج يا سلام على شقلب يا سلام لنا محانم جيبن يادخ زايجة لوبن يعنى مناحم بيجن ياخد جايزة نوبل تبقى النوديا يعنى الدنيا ماشيه بتحدف بالمندار يبقى الشهر اتناشر ساعه يبقى اليوم ليلتين ونهار يبقى القاتل شحص ضحية والمقتول مجرم جبار شفتوا ازاى ؟ اما صحيح الطب اتقدم وحنا ما وصلناش أخبار أيوه يا لجنة لوبن بيه قاعدة بتلجنى ايه أنا مش فاهم حاجه صراحه لما القاتل ياخد جايزه كده من دون تلبيخ وأباحه يبقى يا أما اللجنه دى بايظه او لامؤاخذه رئيسها حمار يبقى يا لجنه يا عره يا كوسه جتنا وجاتكو ستين حوسه تبفى ف هذا الزمن المايل ياما حنجرى علينا هوايل تبقى اللكمه بدل الكلمه والكاتب يمسك منشار يبقى الراعش يعنى الشاعر يسكن شقة فى بيت ف قصيده يكتب فول ياكل أشعار
مرحبا بعد السلام والمرحبا يا اولاد بلدنا يا طيبين نفرش كلام المصطبة واضح لكل السامعين مصر الحبيبة الطيبة أم البنية (بتشديد الياء) والبنين ايش حالها في عز الصبا ايش حال ولادها المخلصين وسط العواصف مركبة (سفينة) بين ريح شمال وريح يمين جابوا الطبيب ابن الحلال كشف مكان الداء وشاف وقال أهل البصيرة في البلد جواب لكل السائلين قال البلد عاوزه ولد ياخد بطار (ثأر) المظلومين ولد يعوض اللي راح ويعلا فوق كل الجراح ويمد إيده في الضباب يشد أنوار الصباح فيكم ولد يا سامعين ؟ (يرد الكورس): أجدع ولد طب هوه فين ؟ وهوه مين؟ كورس: ابن البلد يا ابن البلد يا ابن البلد الوقت وقتك يا ولد يا قلب مصر ونبضها كورس: يا ابن البلد يا ابن البلد يا صبحها كورس: يا ابن البلد يا ربحها كورس: يا ابن البلد يا قمحها كورس: يا ابن البلد يا رمحها كورس: يا نور سماها وأرضها آدي كلام المصطبة يا اولاد بلدنا يا طيبين بعد السلام والمرحبا واضح لكل السامعين ======================================================= أنشد الشيخ رحمه الله هذه الأنشودة في طلبة الجامعة قبيل حرب 1973 فألهب مشاعرهم الوطنية وأتي هدير صوتهم واضحا في خلفية التسجيل . كان يطالب بقائد من بينهم يقود ثورة جديدة تقلب النظام وتصحح الأوضاع . لا أكون مبالغا إن قلت أن خوف النظام من ثورة شعبية في تلك الفترة ربما يكون قد عجل بالحرب .
نويت أصلي نويت أصلي … نويت أصلي … نويت أصلي صرصور دخل لي هرش لي مخي قعدت أفلي ( أي وقفت حائرا أقلب الأفكار ، أفلي من التفلية أي البحث عن القمل بالرأس) خربوش خرابش … صرصور مهابش ( صرصور شقي ذو هبش وخربشة) وفضلت أهابش ما حد دلي ( ظللت أكافح وأحاول دون أن يدلني أحد) حليت رباطي من تحت باطي 0 الباط هو الإبط) لا قدرت أطاطي ولا طلت أعلي ( لم أقدر على الوقوف أو الانحناء) حيران يا حالي سهران ليالي وسنين بقالي مربوط في ضلي ( كيفما تحرك ظلي تحركت معه) وسألت قال لي شيخنا المصلي اركع تاراته اسجد تراللي ( تاراته وتراللي نغمات موسيقية تفيد رتابة الوتيرة والتكرار) يارب ياللي … يارب ياللي (ياللي : يا من) زرعت عودي سارح تملي ( أقمت جسدي كنبات ينمو دوما باستقامة) وعدلت ضهري فوق سرج مهري ( وأقمت ظهري شامخا فوق حصاني) وطبعت زهري على خد خلي ( ومكنتني من طبع قبلتي على خد حبيبتي) وحياة معيشتي متعب ومشقي ( أحلف بمعيشتي التي ربما كانت سبب شقاء للآخرين) مهمن (مهما) جري لي مهمن حصل لي لاوهب حياتي واوصل صلاتي ( لأهبن حياتي كلها في صلاة متصلة) والآتي آتي في يوم تجلي ( وليكن ما يكون يوم تتجلى لي ذاتك العلية)
لا نحالف لما نحالف لا نحالف إلا الأخيار ....................... يللي دمانا المهدورة سفكتها يداك ...................... يا مشرد في البرية شعب فلسطين ....................... يا مغرور يللي غرك إكرام الضيف
بيان هام هنا شقلبان محطة اذاعة حلاوة زمان من القاهرة ومن كردفان وسائر بلاد العرب واليابان ومن فنزويلا أيضا ايران ومن اى دار أو بلد مستباحه بفعل السياحه مع الأمريكان هنا شقلبان محطة اذاعة حلاوة زمان نقدم اليكم بكل اللغات مراسح وسيما وجميع الفنون صحافه ومنابر وتلفزويونات وخطبا ف جوامع وجبنه وزيتون ونقزح ونركب جميع الموجات ونبحث ونفهم فى كل الشئون ودايما نلعلع فى كل الحالات ولا حد سامع ولا يحزنون وتسمع ما تسمع دا ما يهمناش لأن احنا اصلا بناكل بلاش فخليك فى نفسك وما تخليناش نسلط عليك القلم واللسان هنا شقلبان محطة اذاعة حلاوة زمان يسر الذاعه ولا يسركوش بهذى المناسبه ولا بندعيكوش نقدم اليكم شحاته المعسل وبدون الرتوش شبندر سماسرة بلاد العمار معمر جراسن للعب القمار وخارب مزارع و تاجر خضار وعقبال أملتك أمير الجيوش ما تقدرش تنكر تقول ما اعرفوش ما تقدرش ايضا تفول ما أسمعوش شحاته المعسل حبيب القلوب يزيل البقع ولاهموم والكروب يأنفس يأفين يبلبع حبوب ويفضل يهلفط ولا تفهموش وتفهم ما تفهم دا ما يهمناش لأن انت فاهم وعامل طناش ح تنكر وتحلف ح اقول لك بلاش ح تتعب دماغنا وتتعب كمان هنا شقلبان محطة اذاعة حلاوة زمان لأن المخبى ظهر واستبان وكل المسائل بدت للعيان وطلعت حكاوى ونزلت كمان عن التهريبه وعن كيت وكان وعن محسوبيه وعن ألعبان ( بضم الالف) ظهر فى المدينه كأن الطوفان وغرق مراكب وسوح غيطان وبعض المراكب ح تغرق كمان وأزمة مساكن وأزمة أمان وعالم بياكل فى عالم جعان وريحة مؤمره فى جو المكان مخطط خيانه مع الأمريكان لدبح العشيره وحرق المكان وفيه ناس بترغى ولازم بيان كما ابلغونا جميع الودان لهذا وذاكا وتلكم كمان نقدم اليكم عروسه وحصان شحاته المعسل وهذا البيان هنا شقلبان محطة اذاعة حلاوة زمان بسم الله سلام عليكم وسلمون وموز وأما المسائل فهنجف ولوز فيا اخوتى ويا أخوات اليكم بيانى كما هو آت جميع المسائل تمام التمام وكل الكلام دا مجرد كلام فصبرا جميلا ولا تقلقوش وشغل الضغاين أنا ما أقبلوش ما فيش أى حاجه على الطلاق والعتاق بالتلاته ما فيه اى حاجه وقدر كمان ان فيه أى حاجه ما لوش أى لازمه الكلام واللجاجه وعيب ان عيل يسوق السماجه ويعمل لى باللو ويعمل ديباجه آنا بطبعى ضد السماسره الكبار بحكم المنافسه وحكم الجوار لكن مش فى طبعى انى أعمل فضيحه لواحد زميلى هبش كام صفيحه ما كل الزمايل بتهبش صفايح وكل اللى جاى مش زى اللى رايح فيا ايها الشعب صهين تفلعص مساء التنفس مساء الروايح أخويا الامير بزرميط الايرانى بعت لى السنه دى عزمنى ودعانى وأنا قبلت طبعا ورحنا العزومه وكانت وليمه ما تحصلش تانى دا أيه المحمر وأيه المكمر وايه المشمر وايه الصوانى وانا دماغى تعبت ولفت صراحه من الفخفخه والهنا الاصفهانى هناك يعنى مثلا اذا شربت طافيه تمز بكوارع وبسطرمه ضانى ما شفتش هناك ناس بتحقد عليهم ولا ناس بتشتم فلان الفلانى لأنه اشترى عزبتين من شطارته وحكمة ادارته وطلع مبانى وبعد الوليمه استلمنا الهدايا مفضض ومدهب وقز وقيشانى وطبعا أخويا الأمير قال لى حاجه ح اقولهالكو طبعا اذا الوقت ناسب ح يطلع لى عيل بدون اى حاجه ويعمل لى فلحس ويقعد يحاسب دا حقد اشتراكى أنا ما أقبلوش ولو هو ابنى أنا ما اعتقوش كلام عن سماسره كلام عن دعاره حاجات مش صحيحه جمل مستعاره وعايزين يخلوا البلد اردغانه وعايزنى اسيب البلد من زمان وأنا مش ح اسلم واسيب الأمان ولا بالبوليس والنيابه كمان فيا ايها الشعب كمل جميلك وصبرا واذلم حتيجى المصارى وتاكل وتشرب تبع ما يآتيلك وتغرق فى بحر العبيد والجوارى وترسم حياتك حسب ما يرائيلك ونملا الحوارى فساقى وقصارى تسبح بحمدك وتشكر جميلك وفضل الزباله وطفح المجارى ختاما سلاما وآخر كلاما ضرورا يسود الهدوء والوئام فماذا والا ح طربقها واللا اهرب فلوسى واسافر قواما سلام عليكم وسلمون وموز بصفتى رئيسا وابا وجوز القاهرة /1967
دور يا كلام على كيفك دور
دور يا كلام على كيفك دور خلي بلدنا تعوم في النور وارمي الكلمة في بطن الضلمة تحبل سلمة وتولد نور يكشف عيبنا ويعيبنا نسعى نهب نثور دور يا كلام على كيفك دور عم امام عنده كلام وسواح في بلاد الناس من شوق نوله يغزل قوله ويغني مرفوع الراس مرفوع الراس
نشيد الكروان ( إلى الشعب )
دار الفلك .. في مغزلك طول السنين ما أمهلك يا ماسك الروح في الحياة الحب لك و الخلد لك أنت الازل و انت الابد و الهالك اللي يجهلك يا شعب يا روح الخلود الملك لك و الخلد لك .. الليل حلك .. و البوم سلك و البحر عطشان منهلك و السهم طاش اسقس العطاش انت الكريم و بنسألك .... يهوذا خان .. أكم يهوذا و باع مسيح لا يهوذا دام و لا جرح بلاد ٍ جريح مليون يهوذا خان أمانك و إنهلك و انت اللي باقي عالسواقي و منجلك يفرش حصير القمح .. فوق دم المسيح و انت الجريح تيجي الاطبة و تسألك ما أعجبك ما أنجبك ما أحملك ما أنبلك يا شعب يا نبض الوجود الخلد لك و الملك لك الحكم لك .. الحكم لك
قرات في العدد الأخير من مجلة القمة، مقابلة فعلاً ممتعة مع الشاعر الكبير احمد فؤاد نجم، ارتأيت ان انشرها هنا. في حديث عن السياسة والذكريات أحمـد فـؤاد نجـم : الوحــدة العربية مازالت أنبل أحلامنا
الحوار مع الشاعر الكبير أحمد فؤاد نجم - أو عم أحمد كما يحب ان يطلق عليه ، حوار ممتد وممتع وموصول، ينتقل من السياسة الى الشعر الى الصحافة الى الذكريات الجميلة، فعفوية عم أحمد، حلوة ومتدفقة وتحمل أيضا روح التمرد والتعبير الحر. أحمد فؤاد نجم شاعر أصيل وسياسي مشاكس ومعارض حقيقي رغم انه لم ينخرط في حزب أيديولوجي وإنما كان على الدوام يشكل وحده حزبا يضم في عضويته الآف المقهورين والحالمين . بعد هذه السنوات الطويلة ترى ماذا تكون إجابته حول الأحلام التي داعبت مخيلة الملايين من العرب والمصريين لعقود طويلة، وماذا عن مشاعر الناس الحقيقية التي لمسها العم احمد في زياراته المتعددة للبلدان العربية؟ بيروت حبيبتي ـ في مايو 1967 - قبيل النكسة - سافرت الى بيروت مع وفد منظمة تضامن الشعوب الأفرو آسيوية التي كان يرأسها وقتها يوسف السباعي، ومن الطائرة نزلت الى المستشفى لإصابتي بالملاريا أو شيء من هذا القبيل، فتخلفت عن اجتماعات المؤتمر الذي جئنا لأجله، وكانت فرصة للاحتكاك باللبنانيين، كلما كنت أتكلم بالعامية المصرية أجد من يقول لي: يا هلا بزلام أبو خالد يعني أهلاً برجالة عبد الناصر! هذه الجملة كان يقولها الناس البسطاء العاديون. وهناك كدت ان أتزوج، ولم تنفع الجوازة بسبب تدخل -الله يرحمه- الأستاذ يوسف السباعي، فقد ذهب أهل العروس التي أردت الزواج منها كالمعتاد يسألونه عني فقال لهم كلاماً غريباً عني، وفشل زواجي من الحبيبة البيروتية، عموماً الله يسامحه. وفي تلك الفترة القصيرة التي قضيتها في بيروت تعرفت الى كثير من الفلسطينيين واللبنانيين ودارت بينهم وبيني مناقشات لذيذة ومعمقة أعادتني وأنا مؤمن وموقن بأن الوحدة العربية مصير وقدر لابد منه ولا مهرب منه. بعدها حدث ما حدث وجاء يونيو 1967 بالهزيمة ثم خرجت من مصر وسافرت الى الجزائر والمغرب وسوريا ولبنان واليمن وليبيا في سنوات 1982 - 1984 عندها اختلفت المسألة، واحتككت أيضا بالأشقاء في الخليج سواء في مصر أو في الخارج، ولم أزر من دول الخليج سوى قطر، ولاحظت اختلافاً كبيراً عندهم وبعدا عن الحديث عن الوحدة وكذلك في المغرب والجزائر.  وماذا عن ذكرياتك في سوريا وليبيا في هذا السياق؟ ـ في سوريا وليبيا المسألة تختلف تماماً، في منتصف الثمانينات كنت أجد سائق التاكسي في دمشق يشغل شريط كاسيت لأم كلثوم أو عبد الحليم حافظ أو خطب عبد الناصر، ليس لان الراكب معه قادم من مصر، فهو لا يعرف على وجه الدقة من الراكب، وكذلك لو دخلت بيت شخص بعثي تجد صورة حافظ الأسد وصورة عبد الناصر، ولو دخلت بيت شيوعي تجد صورة لينين وماركس ومعهما صورة عبد الناصر. أتذكر عندما كنت في الشام كان يعقد مهرجان للمسرح العربي، ومصر أرسلت فرقتين، إحداهما تعرض مسرحية الوزير العاشق وكان بطلها المرحوم الفنان عبد الله غيث، وفي أثناء المهرجان كنت أحضر أمسية شعرية في كلية آداب جامعة دمشق، فعزمت أصدقائي من ممثلي المسرحية على الحضور فحضر معظمهم ماعدا الممثلين الكبار، وأثناء وقوفي على المسرح ألقي قصائدي، فوجئت بما يشبه الانفجار في القاعة، تصفيق وصراخ هستيري، نظرت فوجدت عبد الله غيث ومعه عزة بلبع، فتوقفت عن الإلقاء، واستمر التصفيق خمس دقائق متواصلة، وعبد الله غيث يقف في حالة ارتباك، فنزلت وأخذته من يده الى المسرح لكي يحيي الناس ونزل، ثم طلب الجمهور سماع قصائد معينة، وكثرت الطلبات وتضاربت، فقلت لهم: والله العظيم، إذا لم تنتظموا لاطلعلكم عبد الله غيث يتكلم فتصاعد الصراخ، نزلت وطلع غيث مرة أخرى وقال الآتي: أنا رجل شغلتي المسرح، وشغلتي الكلام، وعمري ما ارتبكت، أنا لاول مرة في حياتي أرتبك أمام الجمهور، وأنا جايب لكم سلام من القاهرة لشقيقتها دمشق عاصمة الجمهورية العربية المتحدة. ولا تسألني عما حدث بعد ان نطق عبد الله غيث بهذه العبارة، حالة هيستريا وحماس وجنون، وبدأت دموعي تتساقط، تأثرا من هذا المشهد. مثل هذه الحالة تجدها في نفوس الناس البسطاء الفقراء، في ليبيا وأكثر، ففي سوريا قد يختلف الناس معك في انتقادك لعبد الناصر ولكن في ليبيا سوف يقتلوك ! أما في المغرب العربي فلم يعد به حالة القومية العربية، بل حالة أبعد تماماً، وجدت هناك شباباً كثيراً وخاصة في مجال الأعلام كل مصدر فخارهم ليس عروبتهم أو تاريخهم وإنما فريق كرة القدم!! رأيت ذلك حتى عند ناس مثقفين! فيما عدا بالطبع قلة من المثقفين موجودين في كل بلد عربي، يفكرون مثلنا.  لماذا خصصت شباب الإعلاميين في المغرب، هل لذلك قصة؟ ـ نعم هنالك قصة، وأنا في المغرب دعاني الطيب الصديقي الذي يعتبر عميد المسرح المغربي، دعاني هذا الرجل لحوار في برنامج للتليفزيون المغربي وقال لي: هناك 3 محظورات لا تقترب منها، وهي مفهومة للجميع في المغرب، قلت له طيب، وقتها كانت زيارة بيريز للمغرب، فقلت له نتكلم عن الزيارة فرفض، فقلت له: هل تريد ان اذهب للتليفزيون وأقول لك ازيك فتقول لي: الله يسلمك ونأخذ بعضنا بالأحضان!! ولم اذهب لتسجيل البرنامج. من المعروف ان لك علاقة جيدة بالقائد الليبي العقيد معمر القذافي، وأنك نزلت في ضيافته شخصياً، فما انطباعاتك عنه؟ ـ رحلتي التي ذكرتها توا للمغرب وقت زيارة بيريز لها حكاية تبدأ في ليبيا التي كنت أزورها بدعوة من العقيد القذافي الذي تربطني به صداقة وكنا نلتقي يومياً أثناء وجودي في ليبيا،وذات يوم وأنا في الفندق أيقظني شخص أعرفه بالتليفون وقال لي بشماتة شديدة بيريز في المغرب فقلت له، ما الغريب في الأمر؟ فقال ذلك الشخص المشاكس يا ترى ماذا سيفعل صاحبك؟ ويقصد (القذافي) بسبب عضوية ليبيا في الاتحاد المغاربي الذي لم تكن تواقيع القادة العرب ومنهم القذافي بالطبع قد جفت على أوراق إعلانه. ولم تمر دقائق حتى اتصل بي القذافي نفسه وقال: شفت ماذا فعل ملك المغرب! فسألته ماذا ستفعل؟ قال: لا أعرف فقلت له إياك ان تقوم برد فعل انفعالي، تصرف بهدوء. وفعلاً ظهر القذافي على شاشة التليفزيون وقال ان ما حدث خروج على (اتفاق الاتحاد المغاربي) وأنه متأكد من ان الشقيق الأكبر الملك الحسن الثاني سيتدارك المسألة وسيعالجها. بعدها ذهبت الى القذافي وقلت له أنني سأسافر الى المغرب لأعرف المسألة عن قرب، وفي المغرب قرأت في صحيفة الاتحاد الاشتراكي تنويها عن حفلة تأبين في المسرح الوطني للمخرج حوري الحسن الذي انتحر احتجاجاً على زيارة بيريز للمغرب! وأقصد من ذلك القول ان المشاعر الشعبية محاصرة، سواء في رفض التطبيع مع العدو أو في فكرة الوحدة العربية، والتفكير بصوت عال في الوحدة والقومية العربية غير مسموح به، ولكني متأكد ان الوحدة موجودة في قلب المواطن العربي العادي الغلبان المطحون، أما المثقفون فكثير منهم تفرقوا شيعاً ولعبت اغراءات السلطة بعقولهم، بعد ان آذاهم القمع والقهر نفسيا. وسأنقلك الى مكان آخر، الى اليمن حيث ذهبت الى عدن اثر المذبحة التي انتهت بهروب علي ناصر محمد منها واستيلاء القيادة الجماعية على السلطة، جماعة علي سالم البيض وأبو بكر العطاس، هناك لم يكن موضوع الوحدة الموضوع الأبرز في الساحة، بل ان لملمة الجراح كانت الأساس بعد مذبحة راح ضحيتها 15 ألف شاب يمني، فهناك تاريخ غير مقروء في كثير من بلادنا العربية لا تستطيع ان تعرفه وأنت جالس بعيداً تنظر مع أفكارك. باختصار أستطيع القول ان السوريين هم اكثر الشعوب العربية من حيث يقظة وجدانهم وسخونته في مسألة الوحدة، وقد عشنا فترة طويلة من الزمن شهدنا فيها قادة عربا يستخدمون شعار الوحدة لتضخيم أنظمتهم والإيحاء بأنهم الأمل الوحيد في الوحدة العربية وجاء ذلك خصماً من حساب الفكرة، التي لم تعد للأسف حية ويقظة مثلما كانت أيام عبد الناصر، ربما لان الناس فقدت الثقة فيمن يطرحون الفكرة في الزمن الحالي، وربما لان الانشغال بالأحوال الخاصة أصبح مسيطراً على كثيرين، وأصبحت إثارة موضوع الوحدة تتم على استحياء!  احتكاك الشعوب ببعضها البعض كان له تأثير على فكرة الوحدة العربية، سواء بالسلب أو بالإيجاب ما تعليقك؟ ـ هناك شيء لا يلتفت إليه كثيرون، وهو ان كل المناطق العشوائية التي بنيت حول القاهرة، بنيت بفلوس النفط، فيقال مثلاً ان عشوائيات شبرا الخيمة أقيمت من فلوس العراق، أي من خلال عمل كثير من سكانها في العراق، ولذلك يتعاطفون معه، وتجدهم حزانى لضرب العراق، الاحتكاك والاختلاط والعشرة بين الاشقاء العرب مسائل ضرورية.
|
|
Copyright or other proprietary statement goes here.
For problems or questions regarding this web contact
[[email protected]]. |
