2003 年 08 月 28 日 星期四 【晴】

又再見到火星,很想去看,有點買天文望遠鏡的衝動,如果,你真的回中大看?你會找我嗎?


>>2003年09月13日Sat 14:56:55 (GMT+8)

2003 年 08 月 27 日 星期三 【炎熱】

今天,有幾件奇事,撞到了相識的人,碰巧是學打鼓的,或許有可能再聯同幾個來band!!! 另,晚上要去試音,選了on my own, 事前沒有足夠的練習與開聲,走了些音,我說我唱alto,其實,我係可以唱到 high g, 不過,無所謂啦,希望回選我吧; 另另,今晚火星衝,有幸能在房中看到紅紅的,很特別,這種情況,好像在甚麼時候發生過似的...但卻又想不起...

>>2003年09月13日Sat 14:56:23 (GMT+8)

2003 年 08 月 26 日 星期二 【晴】

要返工咯,都係無乜"乜",要修心養性喇,就快開學,要上早堂,要做tutor,有點擔心,能力應付不來...

>>2003年09月13日Sat 14:56:02 (GMT+8)

2003 年 08 月 25 日 星期一 【晴】

由於本來打算入camp,所以請了假,但結果,多了一日假,獨自去了九龍公園游水,對,我係唔識游水,即係拋我落水都應該捱到五六分鐘就浸死,基本泳姿都略聞一二,只是手腳協調方面有點問題,似遇溺多過似游緊水,暫時勉強游到一個橫池,看著池成雙成對,或者一家大細,我則... 應該要習慣吧,不然這輩子怎樣過呢?希望學懂游水,當是挑戰自己吧(打打下字變色???),點知我"游"埋岸邊時,一名between阿叔and阿伯的男性說我的泳姿不當,他還示範給我看,我當然驚,我藉詞游下練下而欲乘機逃走,佢居然先擋著我隻手跟住捉住埋我隻手,要我有正確的方法,講真,三唔識七,仲要係阿叔...結果,我都"游"走左,但係我游游下唔夠氣,企返起身時(note:無錯,係掂到地的),佢又突然在我側跟出現....前前後後俾呢位仁兄糾正了三四次,仲有一位話我唔協調,問我係咪遲來,我幾點來呢個池佢都知...游多半個池上水時,又有第三個阿叔指點我....好恐怖呀....九公個池話細都唔細啦... 原來會咁多人留意你游水....

我希望可以在今年... 游到一個直池.. 仲要唔掂地o既大池... 哈哈哈!!!!!


>>2003年09月13日Sat 14:55:37 (GMT+8)

2003 年 08 月 24 日 星期日 【晴】

由於一直一個人生活,不知何時開始,以收音機為伴,聽的是903,當中有我喜歡的節目,也有我不喜歡的dj,但總算陪伴了我好一段日子,從中得知,某一節目會搞camp,for不同戀愛state的人,我這樣子的情況,只好等最後一個camp-為情受傷的人..., 膽粗粗的打了封email,(係後生先會做....) 居然接到電話,說我被取錄,有點兒不相信,當時的感覺是我沒法想像,我會入一個camp,遇見很多陌生人,一齊玩遊戲,做drama,但都執拾好東西,找了很久,才找到近照(其實,係2001年影的...)然而,星期六的那天,收到電話,因風暴關係要取消,當然失望啦,滿心以為可以走開下,離開routine的地方,還有的是,也想看看那個campsite,很高很高,一般情況下都應該去唔到....... 宜家,真係去唔到.

零晨一點多,我在寫信.一邊聽收音機,一邊寫,也一邊打電話到電台,現在的我,還有這點傻勁吧,居然接通了,說過我的問題,我的聯絡方法,便收線,心情很緊張地等電話,但仍在寫信,直覺上,主持人應該不會選我,所以,我再打多一次電話,跟接線的那位,談了我的感情,我的煩惱,我的不快,當然,一定叫你唔好唔開心啦,到底,能有機會跟別人談天的我,就會能放下愁煩,盡情的談天,說了數分鐘,留了icq no 給我,我也send 過msg, 不過直覺上,個icq no 係真,但唔會用......就像打電話上電台一樣,換來一個空等,但其實,我都應該慣啦,send 了icq, send 了email, send 了e-card,留了voice mail, 空等一晚,空等一天....天呀..

這幾天都頗懶惰...我有很多野想說,只是,掛住打機都懶得打字,搬了新屋,很開心,能夠看到閃電... 突然想起,前一段日子,有中大同學拍得夏x基場有彩虹,如果,它再出現,我一定能看到... 上一次見到彩虹時,已是中二的事了.但掛著三號風球的這個晚上,也頗不錯,有風吹來,看見雨點時大時細...感覺很特別,雖然有點孤單,但總可見你放鬆一下吧.


>>2003年09月13日Sat 14:55:01 (GMT+8)

2003 年 08 月 21 日 星期四 【驟雨】

剛看見幾條很粗壯的閃電.終於不再是山景

>>2003年09月13日Sat 14:53:53 (GMT+8)

2003 年 08 月 20 日 星期三 【晴】

看完了<<六樓后座>>,看到了好多想買的書,雖然不太貴,但,又要儲錢,又無得使咁多...

>>2003年09月13日Sat 14:53:17 (GMT+8)

2003 年 08 月 19 日 星期二 【晴】

開始愛上薄荷茶,跟一好友談天,把口終於有得用

>>2003年09月13日Sat 14:52:49 (GMT+8)

2003 年 08 月 17 日 星期日 【晴】

洗了一整天,抹了一整天,搬了一整天,很累,但很開心,可以換一下環境.

>>2003年09月13日Sat 14:52:25 (GMT+8)

2003 年 08 月 15 日 星期五 【晴】

開始執拾細軟

>>2003年09月13日Sat 14:52:02 (GMT+8)