2003 年 12 月 05 日 星期五 【晴】

好想飲酒添...但又驚自己唔多掂,好想飲cocktail,tequila sunrise!!!正!!!!
我想起很多野.
昨晚同學問我,是否覺得現在free了很多?其實,都是的.不敢開始新戀情,(係唔敢拍拖...)其中一個原因,覺得自己還是很貪玩,...不想再傷害愛我跟我愛的人....
又有同學問我,是否覺很自己是籮底橙?以往,都會覺得自己會攝灶x,自知貌甚寢,加上沒有女孩子般的斯文舉止及優雅談吐,完全是far from standard.然而,經過這麼多,過去的都居然說我靚,第一個反應真的是很驚訝,多謝佢啦.但舉止同不注重儀表也可會是死穴,我想,我可以扮得斯文,可以扮得好一點,但實在不想欺場,無謂用一個失真的我跟人交往,又再導致分手收場,再一次受傷,我不知我還可否傷得起.所以,額外的加工程序應該不會多做,除非尊重某某人或某某場合啦.
開始習慣了一個人的生活,喜歡約朋友唱k便唱k,睇戲便睇戲,喜歡約誰便約誰,不需交代不需報告,有點怕我太習慣,有點怕我的朋友們逐漸已有伴侶無暇伴我,有點怕姑婆會或單身會只餘我一個會員,再沒有聯誼活動,有點怕佳節當前,又要過一個lonely christmas,有點怕家庭聚會時,個個姊姊都成雙成對,只得我一個人,...有些時候,很想得到一點受照顧受愛護的溫暖,maybe just a little hug or a little kiss,可幸的是,這些想法只在我腦海中一閃即逝,總不可以為少少的甜頭而不顧大局的.
要俾心機,要努力,要盡力離開這鬼地方,加油呀,ada!!!!!

無啦啦.. 會玩估歌詞, 有點小誤會,鬼咩,鬼叫之前彈幾句嚇死人o既野,爭o的又嚇死我....

>>2003年12月06日Sat 14:46:21 (GMT+8)

2003 年 12 月 04 日 星期四 【晴】

很倦呀!!!仲忙過自己行禮...
穿上粉紅上衣加深棕色長裙...返lab 做野,好落力地睇journal,到了中午時份,收到電話,到了uc,吃個lunch,好飽飽!!!影了相,...
要上堂,幾好,我都幾好...
好倦呀....

夢醒了,在不知不覺間,連那份點點的甜意都消失得蕩然無存,原來,感覺是真的可以這麼快消失的.

>>2003年12月05日Fri 01:28:42 (GMT+8)

2003 年 12 月 03 日 星期三 【晴】

不用上tutorial,開心.
還是有點唔舒服.
仍是米線跟柑桔蜜.
好了一點.
繼續做野,但總是力不從心.

>>2003年12月04日Thu 01:11:26 (GMT+8)

2003 年 12 月 01 日 星期一 【晴】

做野
唔多舒服
好了點.
獨個兒食飯.
休息

... 其實,好多野做.

遲些後補.
...一早起身監考,好眼訓,返lab做野,太累嗎?不知道,總之就唔多舒服,小睡片刻,好了點,獨個兒食米線,慢慢地喝著柑桔蜜.再休息一會好了點.
買了水,唱歌,食宵,唔多舒服,打的,休息.

>>2003年12月04日Thu 01:07:36 (GMT+8)

2003 年 11 月 30 日 星期日 【晴】

好眼訓
好耐無試過
好凍
好靚
好好笑
好靚
好開心

遲些後補.
... 由於要扮乖女的關係,所以五點幾起身送機,好眼訓... 好耐無試過咁早起身,一起身,好凍呀,我用了五分鐘便完成刷牙洗面,換上白冷衫加scotland quilt!!!靚!!!買o左... 應該要著下o既... 乘機場巴士,餓著肚子,天色由黑轉深藍,很快變成淺藍,好靚,一早到機場的感覺很特別,去了飲早茶,幫他倆填寫表格,扮乖女o麻,於了朋友的關係,未待他們上機便得要離開,也拍了幾張照,扮乖女o麻...看見機場有很高很靚的聖誕樹,應該是這冬天第一顆所見,也忍不住停下腳步,拍了數張照片,便跑往巴士站乘車到東涌,轉乘地鐵,不消廿分鍾便到香港站,早到的關係,也拍拍這商場的聖誕裝飾,反正他倆還未到,然而,沒戴錶的關係....... 又遲了入場.由於不太熟悉那些歷史,總有點地方不大明白,但那些橋段也很好好笑,但其實,也是個可悲的故事,離開東德,便走到中環搵食,好一個... 吳越之間...
碰巧我問姐姐借相機,發神經的我提議去拍照,便走到皇后像廣場,拍聖誕樹,拍自由行的自己人,再走走走... 到香港公園,很多人... 很多新人, 很多畢業人...走入水簾,穿過瀑布,經過鳥籠,跑上塔頂,好倦呀!!! 看看景色,透透氣,唱唱歌,拍拍照...仲要懶嬌俏...有點頂唔順自己... 回到太古廣場,拍了聖誕聚餐照,看著彈琴的女孩子,我想,我都適合... 習慣了無人聽我彈琴...乘電車,食crepe,食得好"論盡",談起儀表,談起甚麼甚麼...天性o麻,唔貪靚到一個唔注重儀表的地步... 乘地鐵... 算啦,自已知自已事,無得救o架喇!! 食韓燒,跟傻瓜四名... 好飽.

>>2003年12月04日Thu 01:05:09 (GMT+8)

2003 年 11 月 29 日 星期六 【晴】

很好,好像投入到..
遲些後補.
... 今天是最後一課,誰知那些安排突然有改,害得我左頻右撲,完全要多謝你地啦,唉.
下午,突收到冰水來電,說要來中大影相,便帶他們吃檸檬批,然而已經失準,走了一圈,回宿,執拾,好凍,出發.
約了b女,吃了冷麵,可憾是佢來不到,去了聽佈道會,說真,見證不是說得很好,但又好明白見證者的心態,願主看顧他倆,由於決志多年,傳道的也不用跟我談太多,主啊,求你為我指引.
晚上很冷,穿裙子的我.... 好凍呀!! 媽~~~

>>2003年12月04日Thu 00:51:38 (GMT+8)

2003 年 11 月 29 日 星期六 【晴】

差點又大笑到被人敲門添...嘿嘿!!!
prince of persia!!! 呵呵... 但我連prince 2都搞唔掂,無辦法啦,實在太驚,會心跳加速,手心冒汗... 但又真係好靚.

>>2003年11月29日Sat 01:01:38 (GMT+8)

2003 年 11 月 28 日 星期五 【晴】

晚餐很豐富呀.炒了個肉鬆金菇香腸烏冬,及忌廉雞湯,正.好飽飽.
聽朝要上早堂,晚上又要出動,星期日早上又要早起... 好忙呀!!!
死啦,還在發夢哩!!點解會再想呢?或許話題觸不到的話倒沒事,想起那些對話實在令人猜疑,然而那些細碎的回憶.不太明確知道現在是甚麼.是完結了嗎?那句是說笑話嗎?有點兒分不清...其實,無論結果是甚麼,都不應再沉迷下去.始終要醒來. 留下那份甜美的感覺便足夠了.
很期待來臨的日子,希望能跟你們玩過痛快,讓我認識到你們,我想大家都是可愛的小朋友與大朋友!!!
想踩車添??好似淨係得我叫...又好似其他人無乜興趣,真老土!原本年初是可以去的,誰知... 留在家中還是比較好... 其實,都可以自己踩o者.我唯一擔心野豬同tyre 的問題,如果踩踩下條鏈甩左,我真係唔多識搞.
死啦... 仲咪諗完,撞鬼咩....好驚呀!!!!

>>2003年11月28日Fri 23:03:01 (GMT+8)

2003 年 11 月 28 日 星期五 【晴】

今天,有很多不同的思想,在我腦中浮現....
很久沒試過這樣,過去曾經有一段的時間,每天起身都會面帶笑容,今早起來,心情很好好,帶著笑容開始新的一天,很開心.
開始... 全神貫注對著電腦做野.徐律師今天來講seminar,關心維港的我,也專程去一聽,看見他,很想上前打招呼,但又怕唔記得我,... 或者遲些send張聖誕咭俾佢.前陣子,真的很為他擔心.聽他很落力地演講,再一次感受到他的維港的激動,再想想自身,這年多兩年都是為著自己的問題而變得頹廢,只顧著自己,實在辜負了這麼多年我所得所學,別人對我的期望...總覺得自已應該為這個世界做一點事.不單只為自己的生活,理想而努力...這是一直我所想的.然而,卻仍是光想不做,但按儒家所說,畢竟... 修身齊家治國平天下... 都係搞掂自己先啦.
由於勤力的關係,所以做到兩三點先至食lunch,我又走o左去食美味的脾沙,搞掂完隻脾,通常都會到泳池旁閒坐,坐在太陽傘下,讓陽光晒著我卻又不刺眼,很溫暖很舒服,想起在英國,有一段時候,一大清早乘火車到這個蘇格蘭與英格蘭的交界小鎮,走到個小鎮,每個人都跟我說早,很親切,走到河邊的一張長椅,坐了一個小時,唱著詩歌,吹著口琴,還有那溫暖的陽光,很舒服... 今天想的也是我近來常常想的... 感覺很開心有點心動還略帶甜意,但,我只想把它保持著這個可愛度.這便足夠了.但,腦海中,常想起那兩句... happy with.. 我都覺得係.... 想唔想俾人照,... 都想o架... 如果,我係這樣答又會點呢?久違了那份心動的感覺,真的覺得很甜.然而,我又想起中學時某老師說的一個早會,刻意經營,會否有些東西是由不刻意變得刻意?畢竟,要收手了,感謝,讓我有這種甜蜜又溫暖的感覺,有個我見到會笑的人,那便足夠了,ada,別要這麼貪.自已知自己事啦.死啦,仲係有諗住添....就o黎要自摑三巴...
今天,很乖呀,做到八點半才走,其實,又算不上特別夜,但一整天都一個人時,真的不想留得太久,但我會努力,我知道我要做些甚麼.我有很多東西要做,開始要寫野了.
碧碧來電,... 也談了好一陣子, 明天就見到佢,真係好.也跟她詳述昨天的怪事...
明明頭先想了很多要寫的東西... 現在又忘了...

>>2003年11月28日Fri 22:46:54 (GMT+8)

2003 年 11 月 27 日 星期四 【晴】

死啦,今日笑死o左啦..
有單好唔關我事o既野,但仲乜搞住我呢????
同同學傾o左都幾耐,仲好好笑添,笑得好大聲.... 大聲到俾人敲門,話我好噪,好唔好意思喇.我好驚聽日俾人淋紅油,寫大字....
我諗我真係無事.我都希望佢無事啦.
感謝跟我談天的好同學. 笑到我抖唔到氣!!!哈哈哈!!!
其實,我今日都好開心,可能發完好夢訓飽飽,o的calc又有o的眉目,但下午來這個奇怪人,最大問題係我覺得好唔secure, 碰巧佢跟日send msg問候我,我便順道問佢,原來背後是這樣的.幸而,我今日講的都好正面,希望都對那個人有幫助,我唔知道佢有幾唔正常,但我都講明,時間可以治療,我唔再喜歡佢,我知道佢有女朋友就okay,佢有個伴...雖則我都會反射性地大叫幾聲,我會祝福佢,分手是遲早的事,是巧合嗎?佢跟我說明一切了,但仲乜整句有佢reason?佢有絕症呀?仲要話有一日我會知,難道那一日我會感動流淚?唔好講得懶玄啦...如果,真係有o的乜野事唔講,就真係唔係朋友,雖則,現在的情況,有少少連朋友都不如,算啦,總需要時間來recover,我相信..會原諒我的......
平時見到陌生人都好少講野,可能佢好似知道我o的野咁,... 擁有正能量的我,希望我的答話對佢有幫助啦.但對於我無辜受牽連感到有點不岔,也將此long story 告知b同學,點解呢?????講講下,又傾閒計,又笑死o左我,俾人敲門話噪,都真係好唔好意思,... 死啦,又掛住玩,本來諗住收斂o的,無謂有踩中陷阱啦.唉,睇o黎... 我知道乜野叫死性不改... 鍾意笑鍾意玩鍾意傾計鍾意講野.
我要開始俾心機做野喇!!!
希望各方友好都要振作... 那三位人仕,我不知道你們現在還糾纏不清嗎?希望你們儘快放低啦.還有美好的將來,... 同埋,唔好搞著我.我好孱咋,唔多受嚇...
原本,我諗住寫自己今日好努力咁做到八點先走,以為今天沒甚麼特別事,仲諗住返宿彈吉他唱歌仔... 點知,發生了咁奇咁突然的事...
ada!! 俾心機做野呀!!! 唔好掛住玩呀!!!!!!!!!!!!!

>>2003年11月28日Fri 02:13:48 (GMT+8)