Mariangela Fumagalli Nettuno
Opera in dialetto comasco
I CINCH' CANTON
Oh Pèsccall!
Te cuna la breva, e la luna la te basa
per prima a la siira.
I to barch a vèla i me fan semper
partì col còo, ma dumà per un pezèt,
dumà per un mument,
el temp de rivàa fin giò in Borch...
Borch!
Con tücc i caa
che i se spècien giò in del lac...
e che te spèciet et tivan del bel temp
per purtàa in giir i geent.
E ti Lopia,
ti a te se un belee.
Cui to cumbai inscii famôs
e pituràa in su la riiva,
a se respira l'aria del temp'indree,
e te me fet anca desmentegaa de n'da a caa.
San Giuàn: te pared preparada
per la festa de l'isula,
o per mej dì anca mò,
per la festa di lümaghitt.
Te ghet la pas in del coër,
Da tì, a se poo ruàa da un mument a l'ölter
che gh'è semper post, anca là sül môul.
Cun la calma d'üna volta,
i to cipres in püsèe vecc de mì,
an vedüü tucc i nosc't vécc
che i giügaven a buciètt
e a scondes per i strecc.
De ültim, a tiiri in bal
ti
Poncia, che però te seet miga l'ültima...
D'estàa t'en vèdet de tucc i culor,
el ven el te ponta,
el te scurliss tucc i foj,
la breva la te schiva
ma però, la te géla la riiva!
Quanti basìt del dì...
ma l'è de nocc
che te ciàpet feuch
per tucc i sentiment
che i lüüs sul lac a fan bat el coeur,
tant de pensà e anca de dii:
" mi stavolta a resti propri chì ".
Sommario