Mariangela Fumagalli Nettuno
Opera in dialetto comasco
L'INVERNO A BELAAS
Cum' a me piaas
andà in giir pe' i stràad
d'inverno a Belaas
Ogni cüntràda a l'è
un udoo'r
de pan fresch ch'el và sü pe' l naas
e de füm de lègna brüsaada.
A la matìna me piaas trüvà
in di strècc
i dunett che de corsa, i se strengiüsü' dal frècc.
Vèrs a mesdìì, in giir,
un quaj öm cun la speesa e 'l giurnaal.
Da piaza de la geesa
e ciapà giò la cüntrada
e rüà giò sota ai portegh,
vedèj tücc vöoj, senza pü gent...
e de sota in sü, vardàa i scalitt
senza nisün..., ma in dèl stess temp
cercà n'à facia amjsa.
D'inverno l'è anca bèla
la mia Belaas,
de quant el Tacchi
per Nataal el scoolda sü
col panetòn, el "vin brulè".
La piaza, i straad , tücc piee de lüus
e pöo el cuncèert de la Bilacus...
l'Isidoro l'è bon de fa cantà ancà i sass.
E a la siira, giò fina
al rastelòn
a vardà sü Belaas,
al post de stà denànz a la televisiòn
a rimbambìs e a imbalsamàs.
Sommario