Sabide di sere, ai 28 di Novembar st�t, al � muart Celso Macor, poete, scrit�r, zornalist, ma sore il dut pont di riferiment de culture furlane par furlan dal Fri�l di soreli jev�t. Al so funer�l, che si � davuelt martars doi di Dicembar a ucinins, pa�s dul� ch'al � viv�t par cetancj agns (lui al jere nass�t a Vierse tal 1925), si son viod�ts p�cs rapresentants de culture e des instituzions furlanis, e chest nus � displas�t cetant.

O sin rest�ts malapai�ts parc� che Celso nol jere un om comun, nol jere un che al scriveve fufignis, no si svantave e nol laudave par dibant. La s� poesie e la s� prose in marilenghe o crod�n che a tocji nivei che van f�r de cente regjon�l. Che a mertin di jessi fatis cognossi e prese� sul mid�l european. Ma di Udin a Codroip, e di Villecjace a S. Den�l, nissun nol semee che si sedi inacuart. Si laudin invezit i Tavan, i Pasolini, i Giacomini e i Vallerugo, e si complasisi di f�si sliss� il p�l dai confradis de istesse fraterne, secont la teorie dominant che il Fri�l e la furlanet�t e je dute al�, o scuasit.

Mi diseve f�r dal� simitieri di Lucinins un om di culture dal Fri�l di soreli jev�t: "che ? chei di Udin s'impensin di n� nome cuanche si trate di cjap� su firmis, di sotscrivi petizions, e di predel� iniziativis che l�r dibess�i a an denant trat pens�t e inmane�t". Cem�t d�i tuart, co il stes discors o podar�s f�lu jo sul cont de Alte Furlanie e de Cjargne.

E inalore tign�t ben amens vu�tris, furlans di Udin e dal Fri�l di Mie�, che bisugne v� rispiet par dutis lis plus�rs realt�ts che a metin adun la Furlanie, parc� che nome cuss� si rivar� a v� la colaborazion sclete di ducj, che nus covente par sper� di vinci lis batais no vualivis che nus spietin tal avign�.

RENZO BALZAN-EDELWEISS

Ricuard� puar Mac�r al � un dov�. Tir� claps cuintri di Udin e di chei dal Fri�l di Mie� al � un sport li che, des voltis, tant Cjargnei che Gurizans a consumin masse fuarcis che a varessin di dopr�lis par pens� e f� iniziativis a pro l�r e di ducj cuancj. T�l e cu�l che o fas�n n�.

In amicizie, natur�lmentri.

Albert Travain di Udin