Tr� di Avr�l, come ogni an ancje chest an n� furlaniscj o memore�n la nassince de "Patrie dal Fri�l", che si la � vude ai 3 di Avr�l dal 1077, juste za fa 921 agns. I discors, si po scometilu, a saran chei di simpri, e la retoriche che ju compagne ancje. Il fat al � che a'nd � ator masse furbats. Masse di l�r che a dan s� une part, che e sar� ancje biele e di efiet, ma che dutc�s e puce di fals a miis di distance. Al diseve cualchidun, cence malicie, che sante poltrone (in consei regjon�l n.d.r.) e rive a f� meracui straordenaris, stramudant in furlanons ancje i nazionaliscj (talians) plui acan�ts.

Alore tirinsi f�r de cor�l conformiste, e par cheste volte gambiin musiche. Cheste volte o memore�n la date dal tr� di Avr�l, fieste de libert�t dal popul furlan, zontantle al ricuart de muart za fa cincuant'agns di chel ch'al � st�t l'eroi de libert�t cuistade cence violence, ossei il Mahatma Gandhi (1869/1948).

Il tragjic di chest om, pacific e veramentri democratic, al � ch?al � st�t cop�t de violence di un fanatic hind�. Dutc�s i siei insegnaments e il so esempli di vite a restin moment�s inm� in d� di vu�, parvie che la "no-violence" e je l'uniche arme valent restade tes mans dai "pi�ui" e des minorancis, almancul par sper� di riv� a otign� rispiet e justizie.

Ma atenzion: il Mahatma Gandhi nus vise che la "no-violence" e presupon un at di fuarce interi�r, e domande un control di s� stes e des propiis pulsions, e impon il superament de p�re e de muart, e pratint il dispresi pal sacrifizi. Valad� une virt�t eroiche, no dal sig�r a la puartade di ducj.

RENZO BALZAN-EDELWEISS