|
|
|
||||||||||
|
|
|
|
|
|
|
|
|
|
|
||
  
 
La muart di Rotgaut e � di v� lass�t une olme tai Furlans di ch� ete: la s� posizion politiche e jere poiade dal sig�r di un biel toc de nobilt�t e de glesie acuileiese, che propit a an pat�t dal svindic dai Francs. Al � di pens� che contis e leiendis de fin dal duc�t langobart a fossin, ma la storie, ch� scrite dai vincid�rs e veve di pitur� Carli di grant e magnific re cristian, pari di une Europe ide�l, pupilad�r di sienciis e culture: suntun troi dal gjenar lis epopeis di un vuer�r cuintricarolin no podevin sorevivi. Pidimancul nus � van�ade une biele leiende ricuardade di cualchi vieri storic furlan (Zuan Cjandit tal secul XVI, Francesc Palladi dai Ul�fs tal XVII, Zuan Domeni Cicon tal Votcent): si conte che, par bati il paladin de libert�t furlane, Carli al vedi v�t dibisugne dal plui grant paladin dai Francs e de cristianit�t, so nev�t Rolant, che tune disfide al var�s but�t ju di cjaval il nem� par sotan�lu al judici dal re: da�r de condane, al langobart i sar�s st�t tai�t il cj�f. Il l�c de bataie (intant che i storics di vu� a strolighin la Brente o la Pl�f) al sar�s st�t il puint di Rolant su la Ausse,ancje se la int, salac�r cun plui memorie storiche, e d�s che si clami cuss� par vie che al jere su la strade dai cros�ts, oben il cjiscjel di Os�f, nomen�t fuartece langobarde ancje di Pauli Diacul. Lis versions che o vin de conte a mostrin divignince inteletu�l clare (l� che inteletu�l al pu�s st� ancje par filocaroline) ma nus puartin lusorose testemoneance de memorie che si veve dopo secui di chel che ducj a calcolavin di vuide e saborad�r dal riviel pe libert�t dal duc�t furlan. |